JOSHUA 22:29 - Ngawm Bible

²⁹ Topa ama umnak Puanbuk mai a ummi Topa a Pathian uh i biaklandawh sial ngawl, meihal biakpiaknak le anci biakpiaknak tukin a dang biaklandawh pa khat dawhin Topa cu do tum hihim ma ung hi. Amah zui ngawlin um tum ma ung hi,” tin ti haw hi.

JOSHUA 22:29 Iomraidhean Croise

PIANPATNAK 44:17

Josef in, “Cangthei tukma, mahti bangin bawl tuk mang. A dip sung a, ngun khuathai amuh mipa bek ka sal hi tuk hi. Midang cu na pa uh i lakah damno in pin un,” ti hi.

PIANPATNAK 44:7

Amuh ten, “Bawipa hi bangin na tih lih hi na tih nuammi ikaw? Mahtibang zahta bawl tukin ka ngaihsut khak uh ngawlmi hi.

1 KUMPI 21:3

Naboth in, “Hi sabit huan cu ka pi le pu tei lo hi. Nang ka piak tuk cu Topa in phal pahsuh hen,” ti hi.

2 KUMPI 18:22

Mah ahimata, “Topa ka Pathian uh muansan ung hi,” tituk kam uh ci? Na kumpi uh Hezekiah amah hi kha ma maw, Topa i Biakinnte le biaklandawhte cu siatsuah khawngin, Jerusalem a, biaklandawh bekah Pathian bia tuk uh ci; tin Judah mi le Jerusalem khuasung mite a titu cu?

2 KHANGSIALNAK 32:12

Topa Pathian biaknak munte le biaklandawh a siatsuah khawngtu cu amah Hezekiah hi a, Judah le Jerusalem cu biaklandawh pa khat bekah Pathian bia tukin le namtui haal tukin atiktu cu amah leleng hi.

ROM Khua Khristian Tei Lakah Paul i Laikuat (Paul’s Letter to the Romans) 3:6

Ti hihim pahsun! Pathian cu man hi; a man ma tale itin kaw leihum thu a khen theih tuk?

ROM Khua Khristian Tei Lakah Paul i Laikuat (Paul’s Letter to the Romans) 6:2

Bawl hihim tukma hung. Sualnakah thi ceng zo a hih uh hangin, itin kaw a sungah a umleh theih tuk toh uh?

ROM Khua Khristian Tei Lakah Paul i Laikuat (Paul’s Letter to the Romans) 9:14

Mahti bang ahi tale Pathian cu lamcam ma hi tin tithei nung maw? Ti thei hihim tukma hung!

DAAN PIAKLEHNAK 12:11

Topa in ama umnak tukin le na biaknak tuk uhin mun pa khat teng tuk a, mahlai munah ama piaktikmi hempoh, na biakpiaknak uhte, halkang biakpiaknak, le biakpiaknak dadang, na sumpi uh le na piak uh mite, na thutep uhmi laksawng cu Topa i lakah pia un hi.

JOSHUA 22:23

Topa i thu zui ngawlin keimu ca in meihal biakpiaknak le pawlkom biakpiaknak tukin biaklandawh na bawl uh tale Topa amah loli in bawlsia hen.

JOSHUA 22:26

Mah hangin piaknak le meihal biakpiaknak tuk hi ngawlin,

JOSHUA 22:28

A ti haw hei in kohten, ‘Zo un, Topa i biakpiaknak biaklandawh bang loli in ka pu le pa uhten biaklandawh pa khat dawh bok haw hi. Biakpiaknak tuk le meihal biakpiaknak tuk hi ngawlin a pa nih uh laklawhah sialsiahnak hi,’ tin ti thei tuk hung hi, tin ka ngaihsutnak uh hi.

JOSHUA 22:30

Thiampi Finehas le a lak a telmi Israel mi hotu ten a theih haw ten Reuben in, Gad mi le nisuah lam Manasseh mi khenkhat tei humah lungdamzet haw hi.

JOSHUA 24:16

Israel miten “Topa taisanin pathian dang biak tuk cu tum awng tukma ung,

1 SAMUEL 12:23

Na ca uhin, ka thunget cu cawl hihim tuk mang; ka cawl tale Topa i mai ah misual hi tung hi. A pha mi le a manmi bawl tukin zilh saw tung.