JOSHUA 22:22 - Ngawm Bible

²² “Ihempoh tithei Pathian! Amah cu Topa hi. Ihempoh tithei Pathian pa khat bek hi. Amah cu Topa hi. A thil bawlnak thu uh Topa amah in thei hi. Noh Israel miten na theih uh kul hi. Topa cu do in, na zawnsak uh tale tuni in nungtik pahsuh un.

JOSHUA 22:22 Iomraidhean Croise

1 KUMPI 8:39

a thungetnak cu hu ngai zalin hi. Na umnak vancung pen ngai inna, a sualnak cu ngaidamin, hu bawm zalin hi. Nangmah bekin mi hempoh tei lungmu cu thei ci. Mi pa khat hum tenah amu umdan bang tekin bawl inna,

JOB Laibu (The Book of Job) 10:7

Mawhnak ka neih ngawl hi thei leng ci, mahnaven kuamah in, na khutsung pepan suak thei haw tukma tihvang thei leng ci.

JOB Laibu (The Book of Job) 23:10

Pathian in ka ke kal khat tianin mu hi, A khingkhai ahi tale sui bangin ka thianthoh lam thei tuk hi.

JOB Laibu (The Book of Job) 31:22

ka baan ek khawng henna, ka ko pen hong khawng tahen.

SAAM LABU 136:2

Pathian hempoh lak pen a ngengbel Pathian nelah lungdamnak thu hilh un; A ihnak cu kumkhua in kho hi.

SAAM LABU 37:6

Na phatnak cu khuavak bangin vaktik tuk a, na diknak cu sun ni vak bangin vaktik tuk hi.

SAAM LABU 40:9

Topa aw, na mihing tei khawmnak munah na nunpatnak thuthangpha son tung. Mahtin ka son cu cawl awng tuk mang, tih cu thei ci.

SAAM LABU 44:21

Nangmah in thei khawng zo ci. Itahim titale nang cu mihing tei ngaihsut kuhmite a thei khawngtu ci.

SAAM LABU 44:22

Mahnaven nangma hangin thahnak thuak ung, thah tukmi tuu bangin ngaihsutmi hi ung.

SAAM LABU 50:1

Cungnungbel Pathian Topa cu awn hi; Nisuahnak pen nitumnak tian, lei buppi cu sam hi.

SAAM LABU 82:1

Vancung a, thuvai siam khawmnak sungah; Pathian cu hotu dekin, pathian tei lakah thukhen hi.

SAAM LABU 95:3

Itahim titale Topa cu a Cungnungbel Pathian hi, pathianno hempoh tei humah Cungnungbel kumpi hi.

SAAM LABU 97:7

Milim a biatu cu zakca in um haw hi; pathian dang hempoh vangin, Topa i mai ah kun haw hi.

SUAHTULNAK 18:11

Atu-in Topa cu pathian dang hempoh sangin ngeng saw tih thei ing; itahim titale hi hempoh hi, Izipt ten Israel tei humah huatnak tuah na a deh haw laihin bawl,” ti hi.

JEREMIAH 12:3

Mahnaven, Topa nangin thei ci; ka thil bawlmi mu ci a, nangmah ka itnak vang thei ci. Hi mipha ngawlte hi thah tukmi tuu bangin kai in hi. A thih ni haw a kim laklawh tai thongleh tuk ngawlin cingin hi.

JEREMIAH 17:10

Keimah, Topa in mihing tei ngaihsutnak cu mu ing a, a lungmu khingkhai ing. Mi hempoh amu nungcang bangin zo ing a, amu bawl bangin lulleh bok ing,” ti hi.

DANIEL 11:36

“Siria kumpi in, ama nuam bangin bawl tuk hi. Iti bang pathian sangin ngeng saw ing, tin tuangkhawng li tuk a, Cungnungbel Pathian sang hei in, nase saw ing tin, tuangkhawng tuk hi. Pathian bawlsiatnak a tawk laihngawl sung cu mahti bangin ti pepel tuk laih hi. Mahnaven Pathian in, a tumtah bangkekin bawlsuak tuk hi.

DANIEL 2:47

Kumpi in, “Na Pathian hi pathian dang hempoh lak pen thawmngengbel hi; kumpi tei humah Topa hi a, thasiahhuai nate hilhciangtu Pathian hi. Hi cu thei ing, itahim titale thasiahhuai nate nangmah in hilhciang zo ci,” ti hi.

MIKAH 7:9

Topa i humah a sual zo uh hangin a thinuknak thuak tuk hung hi. Mahnaven a tawpnak ten amah in humhim tuk a, eimu hum a, thuman ngawl a bawltute cu diknak tuah khensakleh tuk hi. Vaknak sungah amah in tulpihleh tuk a, patnak cu muleh tuk hung hi.

MALAKHI 3:18

mi dikcangte le mi ngilote, keima nadektu le dek ngawltu tei a lamdan dunnak muleh haw tuk hi.”

JOHAN 21:17

Jesuh in, “Johan capa Simon, keimah it cim?” tin, a vei thumnak dong lehleu hi. Mahti bangin vei thum tian Jesuh in, “Keimah it cim?” tin, a dot hangin Peter cu a thasia in Jesuh i lakah, “Topa nangin ihempoh thei khawng ci. It ing hi tihvang cu thei khawng poh sisi,” ti hi. Jesuh in, “Ka tuute cingkhawi in hi.

NUNGZUITU 1:24

Mahten thungen haw in, “Topa, nangin mitei lungmu sung thei khawng ci; hi pa nih tei lak pen akua saw teng cim tih langtikin hi;

NUNGZUITU 25:11

Daan palcatin thihnak tham thil sual ka bawlmi a um tale ka luat ahin tin ngen mang hi. Mahnaven sual a notmi hawah thuman imah a umma tale kuamah in Judah mitei khutsungah hen thei haw tukma hi. Rom kumpi lakah thukhen sawlawn tukin ngen ing.”

2 KORIN 11:11

Nangmuhte ka ih ngawl hangin, hitih bangin awn ing maw? Nangmuhte ka ihnak cu Pathian in thei leng hi.

2 KORIN 11:31

Topa Jesuh i Pa le a Pathian cu kumkhua in, a min thangphatin um tahen; Amah in zolthu ka son ngawlnak thei hi.

2 KORIN 5:11

Pathian kihca tihmi a sullam i him tih ka theih uh hangin midangte vang zawm pepel ung hi. Pathian in, a lungmu uh thei khawng pilpial hi. Mahti bangin nangmuh ten na lungmu uhin keimah thei khawng bok tuk uh ci, tin muansanak nei ing.

DAAN PIAKLEHNAK 10:17

Topa na Pathian uh cu Pathian hempoh lak pen cuangcungbel hi a, bawi hempoh lak pen bawibel hi. Amah cu a ngengbel le a sangbel hi a, kihcakbel tukmi hi. Amah cu pat pengmi nei ma hi, nawhthuh ei hei hi ma hi.

1 TIMOTE 6:16

Amah bek hi a thi thei ngawlmi Pathian hi; a umnak mun cu vak leita in kuamah in zuan zo haw ma hi. Amah cu kuamah in mu awng haw ma hi; Kumkhua ngilnak, huham le upatnak cu ama lakah um leleng tahen! Amen.

HEBRU 4:13

Pathian lak pen sel theihmi imah umma hi, Pathian i semsuahmi na hempoh cu ama mai pen hon khawngmi le phalhlet zingzengmi bangin lang haw hi. Ni kha khat ten a venghawng uhin ama mai ah phuangleh khawng pilpial tuk laih hung hi.

JOSHUA 22:21

Israel mipi hotu tei lakah Reuben mi, Gad mi le Manasseh mi a khenkhat ten,

MANGMUHNAK 19:16

A puan le a kawngah min a ngat haw mi cu, “Kumpi hempoh lak pen kumpi, Topa hempoh lak pen Topa Bel hi,” tin ngan hi.

MANGMUHNAK 2:23

Amah zuitute vang that khawng tung a, mahten pawlpi hempoh ten mihing tei ngaihsutnak hempoh le deihnakte thei khawngtu ka hihlam thei haw tuk hi. Akua abang vang na bawlnak uh bangkekin pia kikleh tung hi.

1 SAMUEL 15:23

Pualthau nun cu milim bia bangin a sualmi hi. Topa i thupiakmi na deih ngawl bang bokin, amah hei in kumpi tukin nang cu deih bokma,” ti hi.

1 SAMUEL 2:3

Ngal zetin, na tuangkhawnnak uhte cawl toh un; Pualthau zetmi na awnkam uhte cawl toh un. Itahim titale Topa cu ihempoh a theitu Pathian hi. Mihing tei bawlmi hempoh humah thukhentu hi.