JOSHUA 22:18 - Ngawm Bible

¹⁸ Tuni in Topa cu nung na hek uh tale, a zingten Israel mi hempoh humah a thinuk tuk hi.

JOSHUA 22:18 Iomraidhean Croise

2 Samuel 24:1

Israel tei humah Topa cu a thinuk lehleu in, a lak hawah haksatnak hengtik tukin David cu, “Hawh inna, Israel le Judah mite mipumsialin hi,” tin so hi.

1 KUMPI 9:6

Mahnaven nangmah hihen, na casuante hihen keimah zui ngawlin ka daan piakmi le ka thupiakmite siatsuahin pathian dadang i nadekin, na bia uh tale,

2 KUMPI 17:21

Topa in Israel ngam cu Judah ngam pen a khenkhuai ten Nebat capa Jeroboam cu Israel miten a kumpi haw in, bawl haw hi. Jeroboam hangin Topa cu taisanin, mulling hah sualnak sungah pui tumpih hi.

1 KHANGSIALNAK 21:1

Satan in, Israel humah haksatnak hentik a nuam hangin David cu thusia so in, Israel mipum sial nuamnak lungmu neitik hi.

1 KHANGSIALNAK 21:14

Topa in Israel mi humah pulhnat hengtikin, thawng sawm salih thi haw hi.

2 KHANGSIALNAK 25:27

Amaziah in, Topa a nunghek pepanin, Jerusalem ah Amaziah suamtu um leleng haw hangin Lakhish khua ah tai hi. Mahnaven ma laihah a suamtu ten zui in that haw hi.

2 KHANGSIALNAK 34:33

Kumpi Josiah in Israel ngamsung a, ummi ningdelhhuai milimte cu siatsuah khawng hi. A nunsungin mipi ten a pu le pa tei Topa Pathian a zui haw cu zamsan haw ma toh hi.

THIAMPI NADEHNAK 10:6

Moses in Aaron le Aaron capa Eleazar le Ithamar tei nelah, “Mithi ngai in, na puan uh na botkek uh tale thi tuk uh ci. Topa cu Israel hinnam venghawng humah a thinuk tuk hi. Mahnaven Topa i hentikmi mei i kanghupmi mithi hi, na nampih uh Israel midang ten ngai thei haw tuk hi.

MIPUM SIALNAK 16:22

Mahnaven Moses le Aaron cu leihumah bok khupin, “Maw Pathian aw, nang cu nunnak hempoh i bulpatnak ci. Mi pa khat a sual ten mipi tei humah na thinuk tuk cim?” tin ti haw hi.

MIPUM SIALNAK 32:15

Noh Reuben le Gad hin atu-in Topa i nungzui na nuam uh ma ngangai tale hi Israel mipi hi Topa in ngamkhing lak pen nunghek lehleu tuk a, nangmuh hi mi siatsuahtu hi tuk uh ci,” ti hi.

DAAN PIAKLEHNAK 7:4

itahim titale na ca uhte cu Topa bia tuk ngawlin pui haw tuk a, pathian dadang biatik haw tuk hi. Mahti bangin na um uhten, Topa cu na hum uhah a thinuk tuk a, thakhatin nohte cu siatsuah tuk hi.

JOSHUA 22:15

Gilead ngamah heng haw in, Reuben mi Gad mi le nisuahnak lam Manasseh mi a khenkhat tei lakah,

JOSHUA 22:16

“Ita hiti bang thilpha ngawl Israel Pathian maiah bawl uh cim? Nangmu ca tukin biaklandawh na bawl uh hangin Topa langpang uh ci. Amah zui ma toh uh ci.

JOSHUA 22:20

Zerah capa Akhan in siatsuah khawng tuk tihmi a zui nuam hangin Israel venghawngin bawlsiatnak a thuak uh khi thei ma toh uh cim? Akhan sualnak hangin amah bek thi ma hi,” tin ti haw hi.

JOSHUA 7:1

Topa i thupiakmi cu Israel miten zui ngawlin, lak tuk ngawl a, kham mi hempoh tokkha viang pahsuh un tihmi cu Akhan in, na la hi. Akhan cu Karmi i capa hi, Karmi cu Zabdi i capa hi. Zabdi cu Zerah i casuan hi. Zerah cu Judah miphun hi. Akhan in, na a lak hangin Israel tei humah Topa a thinukzet hi.

JOSHUA 7:11

Israel mite sual zo haw hi. Zui tukin ka tepsa mi zui haw ma hi. Lak tuk ngawlin kham mi na la haw hi. Ngu in, na dang lakah selin, im haw hi.

JOSHUA 7:21

A lon uhmi na lak pen Babilon puan mawino pa khat, cuai nih bang a ngitmi ngun khal khat le tikal sawm nga ngit sui lom mu ing a, ka deih leita hangin la ing. Ka buk sungah cawi tumin phum ing hi, mu tuk uh ci, a nuaibelah ngun khal koih ing,” ti hi.

1 SAMUEL 12:14

Mah bangin nangmuh le na kumpi in Topa na Pathian uh cu zui in, a thu vang ngai in le a thupiakmi bangin bawlin amah kihcak upatnak tuah a na nadek uh tale pha tuk hi.

1 SAMUEL 12:20

Samuel in, “Na lau pahsuh un. Thilpha ngawl bawl zo toh nave uhcin, Topa i lak pen pial toh pahsuh un. Na lungmu uh venghawngin ama nadek saw un.