JOSHUA 21:44 - Ngawm Bible

⁴⁴ a pu le pa tei lakah, a tepsa bangin a ngamsung haw le a elkim mun hempoh ah lemdaihnak um hi. Topa in nehnak a piak hangin Israel mite cu kuamah in neh haw ma hi.

JOSHUA 21:44 Iomraidhean Croise

2 KHANGSIALNAK 13:16

Israel ngalkapte tai haw a, Pathian in Judah mitei lakah nehnak pia hi.

SUAHTULNAK 23:31

Na ngamngi uh cu Tuipi San pen Mediterranean tuipi tian zaltik tung a, hanglam phillawn pen Eufrates ngun tian sautik tung hi. Mah ngamsung a, ummi mihing tei humah huham neitik tung a, hawlvawk khawng tuk uh ci.

SUAHTULNAK 33:14

Topa in, “Na lakah hawh tung a, lungmuannak pia tung hi,” ti hi.

ISAIAH 63:14

Khuihonte hamhing munlawn lamah a pui khawm haw bangin Topa in, a mihingte cu colhnak pia hi. Pui in ama min phatnakin suak hi.

DAAN PIAKLEHNAK 2:36

Topa a Pathian uhin nehnak pia in, a khuapi hempoh, Arnon ngun el a, um Aroer khua pen Gilead tian, ngun mawk a, um khua tianin, la khawng hung hi. A khua upnak kulhtiante cu simsial tak ma hi, sang leita tih tuk pa khat hei umma hi.

DAAN PIAKLEHNAK 21:10

“Topa na Pathian uhin, na ngal tei humah nehnak a piak ten na mat uhmi tampi um tuk hi.

HEBRU 4:9

Tu bang ahi tale Pathian cu ni salih ni ah a colh bangin Pathian i mihing tei ca in colhnak a dang umlaih hi.

JOSHUA 1:13

“Topa i sal Moses i hilhmi “Topa na Pathian uhin, na khua le na ngam tukin hi ngam cu pia tuk hi, a tihmi cu komno in cing leleng un.

JOSHUA 1:15

Topa na Pathian uh i piakmi ngamah Israel na unau ten umnak a bawl nung haw ten Topa i sal Moses i piakmi Jordan ngun pen hi mun nisuahnak lamah nohte vang kik unna, mah ngamah um tuk uh ci,” ti hi.

JOSHUA 1:5

Na nunsung hempoh ah kuamah in nang cu neh haw tukma hi. Moses lakah ka um bangbokin, na lakah um tung. Ituk mahten nangmah cu zamsanin, lawl awng tuk mang hi.

JOSHUA 11:12

Joshua in, a kumpi le a khuapi cu neh khawng hi. Topa i nadek Moses i thupiak bangin Joshua in that khawng hi.

JOSHUA 11:23

Topa in Moses lak a thu a piak bangin Joshua in mah ngam hempoh cu la khawng hi. Joshua in Israel tei lakah amu hinnam zui in, a ngah haw tukin pia hi. Mahten a ngam haw cu ngaldai in um hi.

JOSHUA 11:8

Topa in nehnak cu Israel kut sungah a piak hangin a do haw ten nehin, saklam a ummi Sidon le Misrefoth Maim tian, nisuahnak lamah Mizpah kuam tianin ngal hil haw hi. Mihing pa khat hei tang ngawlin that khawng haw hi.

JOSHUA 2:24

Amuh ten, “A ngampilin, Topa in eimuh pia zo tih um ung. A mihing venghawng haw in, ka thawmnging uh a zak haw ten thinsuzet haw hi,” tin hilh haw hi.

JOSHUA 22:4

Atu-in, a lak hawah a tepsa bangin na u le nau Israel tei lakah Topa in lemdaihnak umtik hi. Mah hangin Topa in, a nadektu Moses i a piakmi na ngam uh, Jordan ngun pen nisuahnak lamah pin toh un.

JOSHUA 22:9

Mah hangin Reuben hinnam, Gad hinnam le Manasseh hinnam a khenkhatte cu Jordan ngun nisuahnak lam a khua hawah pin haw hi. Kanaan ngam Shiloh a camnak hawah Israel midang cu zamin, Topa in Moses lak pen thu a piak zo bangin a co haw mi ngam Gilead ah hawh haw hi.

JOSHUA 23:1

Topa in, a elkim a um tei lak pen Israel tei lakah lungmuannak a piak ceng ten Joshua cu tekzet toh hi.