JOSHUA 2:9 - Ngawm Bible

⁹ “Topain, hi ngam cu nangmuh pia zo tih cu thei ing. Ka ngam buppi uhin, lauthawng zetin can tawtok khawng ung.

JOSHUA 2:9 Iomraidhean Croise

PIANPATNAK 35:5

Jakob le a capate mahlai khua pen a tul haw ten, a elkim a, khua miten khawsik mulcang suakvo in, a lau haw hangin Jakob le a capate cu a nung haw pen hil ngam haw ma hi.

2 Samuel 17:10

kiosa bangin lau nei ngawl ngalphabel pa hei in lau in can tuk hi; itahim titale Israel ngam sungah kua hei in, na pa cu ngaldo thiamzet hi tih le a ngalkapte vang ngalhangzet haw hi, tih cu thei khawng haw hi.

2 KUMPI 5:15

Elisha lakah a mihingte tuah kik haw in, “Atu-in Israel ngam a Pathian sialngawl leihum ilai mah hei ah Pathian dang umma tih cu thei ngah zo ing. Mah hangin Bawipa ka lungdamnak laksawng hi hu sansak zazalin,” ti hi.

2 KUMPI 7:6

Topa in Siria ngalkap tei beng sungah thawmnging zatikin, mah thawm cu ngalkap tamzet, cipuh le cipuhleng tampi tei thawmnging bang hi. Israel kumpi in, Hit kumpi le Izipt kumpi a ngalkapte tuah zawmin, keimuh do tum haw na hi, tin Siria ngalkap ten na ngaisung haw hi.

NEHEMIAH 6:16

Ka elkim uh a um ka ngal uhten a zak haw ten a mitmai siazet haw hi; itahim titale Pathian bopnak tuah ka bawl ceng theih uhmi a kuakua hei in za haw hi.

Esther 8:17

Kumpi thupiakmi a thatnak haw ngam khen tihkim le khua tihkimah Judah miten lungdamnak puai bawl tek haw hi. Judah mite a laudeuh haw hangin mi tampi cu Judah mi in suak haw hi.

JOB Laibu (The Book of Job) 19:25

Mahnaven kei a pantu cu a nung tih thei ing; a tawpnak ten kei panpihleh tuk hi.

SAAM LABU 112:10

Mahmi cu mipha ngawl ten amuh haw ten a lungsia haw hi. A thin haw ukin tau in taivawk haw hi; Muansannak a neih haw mi cu kumkhua in pai hi.

SAAM LABU 115:16

Vante khi Topa ta hi; Amata ngeh hi khawng hi. Mahnaven leipi cu mihing khutah pia hi.

SUAHTULNAK 18:11

Atu-in Topa cu pathian dang hempoh sangin ngeng saw tih thei ing; itahim titale hi hempoh hi, Izipt ten Israel tei humah huatnak tuah na a deh haw laihin bawl,” ti hi.

SUAHTULNAK 23:27

“Keimah a kihcaknak haw tukin, nangmuh a langpangtu tei humah nadek tung a, a dotu tei lakah buainak hengtikin, na ngal cu nunglamah kikin, taitik khawng tung hi.

THUHILHTU 8:12

Misualin, thilpha ngawl cu vei za khat a bawl nung hei ten nung leng hi. Mahnaven Pathian a kihcatu tei ca in, amah a kihcak haw hangin, a dawltawpnak ten phaleh khawng tuk, tin thei ing.

ISAIAH 19:1

Izipt ca in, a hengmi thu cu hi bangin hi. Topa cu manlang zetin meingo humah khungin, Izipt ah hung hi. A mai ah Izipt tei milimte cu hingin, Izipt mitei ngalphatnak cu bo hi.

ISAIAH 23:5

Taiar cu sia khawng tih a zak haw ten, Izipt mite hei lamdangsa haw tuk a, a thasia haw tuk hi.

JEREMIAH 27:5

A nase zetmi ka huham le ka cahnakin leihum buppi le mihing le leihumah a nungmi ngamsa hempoh hi ka semsuahmi hi in, mahte cu ka piak nuam mitei lakah pia ing.

NAHUM 2:10

Nineveh cu siatsuah khawng sa zo hi. Zamsanmi le ngamko in cang zo hi! A tha haw bo in, a mai haw dalkhawng hi.

MIPUM SIALNAK 20:14

Moses in Kadesh pen Edom kumpi lakah palai hah hi. Mah palai ten Edom kumpi lakah, “Na unau Israel hin ten thucah haw hi. Iti zahin haksatnak tawk hung tih cu thei khawng ci.

MIPUM SIALNAK 20:24

“Aaron cu Israel tei lak a, piak tuk ka tepmi ngamah heng tukma hi. Itahim titale na pa nih uhin, Meribah ah ka thupiakmi zui nuam ngawlin keimah na langpan uh hangin Aaron cu thi tuk hi.

MATTHAI 20:15

Ka tangka cu keima deihnak bangin man theihnak thunei ing hi, amu hum a, ka phalnak hi iksik em uh cim?” tin hilh hi.

DAAN PIAKLEHNAK 11:25

Kuamah in kham thei haw tukma hi. Mahlai ngam a, na hawhnak hempoh uhah, a tepsa bangin Topa na Pathian uh i thil tihtheihnak hangin mi hempoh lau haw tuk hi.

DAAN PIAKLEHNAK 2:25

Tuni pepan khua le ngam hempoh a mihing tei humah nangmuh launak umtik tung hi. Na min uh a lawh thawthong haw pohcawmin, mi hempoh cantawtokin lau haw tuk hi”.

DAAN PIAKLEHNAK 28:10

leihum hinnam hempoh ten Topa in ama mihing hi tukin a ten khi amuh haw ten nangmuh cu lau haw tuk hi.

DAAN PIAKLEHNAK 32:8

Cungnungbel i hinnam cu ngam pia hi. A umnak haw tukin mun sem hi. Miphun ca tukin ngamngi bawlsak, Israel capate, a tam a dawm zo in sem hi.

HEBRU 11:31

Numei pha ngawl Rahab cu Pathian thu a ngai ngawltu Jerikho khua mitei lak pen thi ngawlin a hupsuak theitu cu upnak hi. Mahmi cu Israel mi, ngal vilvengtute a pat hangin hi.

JOSHUA 2:11

Mah thu ka zak bek uhten lauzet ung hi. Nangmuh ka lau uh hangin ngal nawm khawng ung. Itahim titale Topa na Pathian uh cu van le leipi i Pathian hi loli hei.

JOSHUA 2:24

Amuh ten, “A ngampilin, Topa in eimuh pia zo tih um ung. A mihing venghawng haw in, ka thawmnging uh a zak haw ten thinsuzet haw hi,” tin hilh haw hi.

JOSHUA 2:8

Israel mi pa nih tei hihbuh laihngawlin Rahab cu a inn humah kaito in,

JOSHUA 5:1

Jordan ngun pen nitumnak lam a, um Amor kumpi le Mediterranean tuipi mawk a, um Kanaan kumpi ten Israel tei Jordan ngun a kaltan haw ten Topain kangtik hi tih thu a zak khawng haw ten thinsuzet haw hi. Israel mite lau in can tawtok haw hi.

JOSHUA 6:2

Topa in Joshua lakah, “Ngai kekin! Jerikho khua le a kumpi le a ngalkap a venghawng haw in, na khutah pia ing.

JOSHUA 9:10

Jordan nisuahnak lam a, um Amor miphun tei kumpi pa nih, Heshbon kumpi Sihon le Ashtaroth a, um Bashan kumpipa humah a bawlmi nate hihen thei khawng ung hi.

JOSHUA 9:24

Gibeon miten “Topa in, Moses lakah thupia in hi ngampi cu a venghawngin, na kut sungah pia tukin le hi ngamsung a, ummi hempoh cu thah khawng tukin hilh hi, tih ciangno in thei ung hi. That khawng kawn uh ci tih ka lau uh hangin, hi ti bangin ka tihnak uh hi.

JOSHUA 9:9

Amuh ten “Na Topa Pathian i bawl mite ka theih uh hangin, khawlapi pen hung ung hi. Izipt ngam a, a bawl mite hihen,

THUKHENTUTE 7:14

A ngualcam pa in, “Na mang i sullam cu Joash i capa, Israel mi Gideon i ngalnam hi; a tih nuammi cu thildang kha hihim tukma. Midian mite le a ngalkap hempoh uh cu Pathian in Gideon khutah pia zo hi!”