JOSHUA 2:11 - Ngawm Bible

¹¹ Mah thu ka zak bek uhten lauzet ung hi. Nangmuh ka lau uh hangin ngal nawm khawng ung. Itahim titale Topa na Pathian uh cu van le leipi i Pathian hi loli hei.

JOSHUA 2:11 Iomraidhean Croise

1 KUMPI 8:60

leihum miphun hempoh ten Topa bek hi Pathian hi a, Pathian dang umma hi tih thei haw tuk hi.

2 KUMPI 5:15

Elisha lakah a mihingte tuah kik haw in, “Atu-in Israel ngam a Pathian sialngawl leihum ilai mah hei ah Pathian dang umma tih cu thei ngah zo ing. Mah hangin Bawipa ka lungdamnak laksawng hi hu sansak zazalin,” ti hi.

NEHEMIAH 6:16

Ka elkim uh a um ka ngal uhten a zak haw ten a mitmai siazet haw hi; itahim titale Pathian bopnak tuah ka bawl ceng theih uhmi a kuakua hei in za haw hi.

Esther 8:17

Kumpi thupiakmi a thatnak haw ngam khen tihkim le khua tihkimah Judah miten lungdamnak puai bawl tek haw hi. Judah mite a laudeuh haw hangin mi tampi cu Judah mi in suak haw hi.

SAAM LABU 102:15

Minam hempohin Topa cu lau haw tuk hi. Leihum kumpi hempohin, a huham cu kihca haw tuk hi.

SAAM LABU 22:14

Ka tha bo hi. Leiko hum a tui caak bangin, ka tha nem dikdek hi. Ka lungmu cu mei el a, khuainun bangin, ka sungah zung khawng hi.

SAAM LABU 58:7

A kangmi tui bangin pai khawng hawta henna, lampi a sihpekmi hampa bangin thim khawng tahen.

SAAM LABU 83:18

Lei buppi uktu Topa cu nangmah bek hi ci, tih thei haw hen hi.

SUAHTULNAK 15:14

Leihum miphun hempoh ten a zak haw ten, a lau in can haw hi. Nau suak nat thinsuk bangin, Filistin mite thinsu haw hi.

SUAHTULNAK 15:15

Edom ngam a uktu cu, launak tuah amthong haw hi. Moab ngam a, mi ngilte cu, a thinsu in can tawtok hi. Kanaan ngam a, ummi hempoh, a ngalphatnak haw pai hi.

ISAIAH 13:7

Mi hempoh tei khut cu tha bo in, zawng dihdiah tuk a, lungkiam khawng haw tuk hi.

ISAIAH 19:1

Izipt ca in, a hengmi thu cu hi bangin hi. Topa cu manlang zetin meingo humah khungin, Izipt ah hung hi. A mai ah Izipt tei milimte cu hingin, Izipt mitei ngalphatnak cu bo hi.

EZEKIEL 21:15

Ka mihing tei a ngalphatnak haw botikin lumtik hi. Khuaphelep bangin a de zawzokmi ngalnam tuah mithat tuk mansa in, a khuapi haw cu zuan ing.

NAHUM 2:10

Nineveh cu siatsuah khawng sa zo hi. Zamsanmi le ngamko in cang zo hi! A tha haw bo in, a mai haw dalkhawng hi.

DAAN PIAKLEHNAK 1:28

Itakaw mah ngamah a hawh tuk uh? Lau si ung! Vilvengtu in hahmite le mahlai a, ummi cu keimuh sangin ngeng saw haw, a ding haw sangin, ngil saw haw sih, tin hilh zo toh uh ci. Khuapi sung ngehah um haw a, a khuapi haw upnak kulhtian ngen cu van khongto hi, ti uh ci. Tawmi tiatia mihing um haw ti laih uh ci,” tin ti uh ci.

DAAN PIAKLEHNAK 20:8

“Ngalbawi ten a ngalkap tei lakah, ‘nangmu sung pen thinnau mi le lauthawngin, a ummi um uh cim? Na um uh ahi tale na inn uhah kik un. Mah ahimata na ngualcam dangte tha nautik kha tuk uh ci,’ ti haw tuk hi.

DAAN PIAKLEHNAK 4:39

Mah hangin Topa cu vancung le leihumah Pathian hi, tih cu cing leleng unna, pathian dang um haw ma tih cu phawkngil hihim pahsuh un hi.

JOSHUA 14:8

Keimah tuah a hawhtu ten mi honpi thinsutik haw hi. Mahnaven kei in cangkim zetin Topa ka Pathian i thu cu zui ing.

JOSHUA 2:24

Amuh ten, “A ngampilin, Topa in eimuh pia zo tih um ung. A mihing venghawng haw in, ka thawmnging uh a zak haw ten thinsuzet haw hi,” tin hilh haw hi.

JOSHUA 5:1

Jordan ngun pen nitumnak lam a, um Amor kumpi le Mediterranean tuipi mawk a, um Kanaan kumpi ten Israel tei Jordan ngun a kaltan haw ten Topain kangtik hi tih thu a zak khawng haw ten thinsuzet haw hi. Israel mite lau in can tawtok haw hi.

JOSHUA 7:5

Ai khua ten a khuapi kongka haw pen Shebarim a tih haw mi, suang laknak tian hil haw in, mual nuailam a kihlehnak haw ten Israel ngalkap sawm thum le pa luk that haw hi. Hithu hangin Israel miten ngalnawmin lauzet haw hi.

JOSHUA 9:24

Gibeon miten “Topa in, Moses lakah thupia in hi ngampi cu a venghawngin, na kut sungah pia tukin le hi ngamsung a, ummi hempoh cu thah khawng tukin hilh hi, tih ciangno in thei ung hi. That khawng kawn uh ci tih ka lau uh hangin, hi ti bangin ka tihnak uh hi.

MANGMUHNAK 6:16

Mual le suangpi tei lakah, “Keimuh hu delh unna, kumpi khunnak a, a khungtu mitmai le Tuuno thinuknak pen sel zazal un.