JOSHUA 2:1 - Ngawm Bible

¹ Joshua in Shittim pen vilvengtu pa nih hahin, “Hawh unna, a ngam haw le a khuapi Jerikho khua vilvengta un,” tin hah hi. Hawh haw in, Jerikho khua a hen haw ten, numei pha ngawlnu Rahab innah ngiak haw hi.

JOSHUA 2:1 Iomraidhean Croise

PIANPATNAK 42:16

Nangmu lak pen pa kha khatin puita un. Na thu uh a cel laklawh a dang cu thawng khia tung. Mah ahimata kumpipa i minsalin hilh ing: noh cu mi zawldawttu hi hihim uh ci,” ti hi.

PIANPATNAK 42:9

A mangin amu thu le la a mat mite phawkleh a, “Nohte cu mi zawldawttute uh ci. Ka ngamsung uh a, ka zawngkhalnak uhte thei nuamin hung uh ci,” tin ti hi.

MIKAH 6:5

Ka mihingte, Moab kumpi Balak in nangmu humah bawl a tummi le Beor i capa Balaam i thudotmi cing leleng un. Akasia khua pen Gilgal khua laklawh a, thil a piang mite cing leleng unna, nangmuh pan nuamin thil ka bawl mite cu theileh tuk uh ci,” ti hi.

MIPUM SIALNAK 13:1

Topa in Moses lakah,

MIPUM SIALNAK 13:2

“Israel hinnam sawm le pa nih sung pen nam khatah puitu pa khat ten teng inna, ka piak tukmi Kanaan ngam zo tukin le zawldawt tukin hahin hi,” ti hi.

MIPUM SIALNAK 25:1

Israel mite Shittim ah a um haw laihin, a pano haw ten Moab numei sualpih mek haw hi.

MIPUM SIALNAK 33:49

Jerikho el Jordan Ngun ngal Moab munlawnah ngiahbuk bawl haw hi.

MATTHAI 1:5

Salmon i ca Boaz (a nu cu Rahab hi), Boaz i ca Obed (a nu Ruth hi), Obed i ca cu Jesse hi. Jesse i ca cu David Kumpipa hi.

MATTHAI 10:16

“Ngai un! Cingne hang hon lakah tuu bangin nohte hah ing. Mah hangin ngul bangin cip unna, khulo bangin nunnem un.

EFESA 5:5

Na theih cangcian tukin a kulmi cu nupa sualnak a bawltu zoh mawi ngawlin a nungtu le hampumte cu (hampum leita cu milim bia tuah bangten hi) Khrih le Pathian uknak sungah covo nei haw tukma hi.

HEBRU 11:31

Numei pha ngawl Rahab cu Pathian thu a ngai ngawltu Jerikho khua mitei lak pen thi ngawlin a hupsuak theitu cu upnak hi. Mahmi cu Israel mi, ngal vilvengtute a pat hangin hi.

JAMES 2:25

Numei pha ngawl Rahab thu ah vangin mahtibang lelengin hi. Israel mi vilvengtute khi komzetno in, a zoh ceng ten lampi dang a, taivawknak tukin bawm hi: mahtibang a dehnakin Pathian tuah lemdunnak co hi.

JOSHUA 1:18

Akua hei hihen na thu el tu le a zui ngawltu cu thah hi tuk hi. Ngilzet le ngalpha zetin umin hi,” tin Joshua cu ti haw hi.

JOSHUA 2:2

Jerikho kumpipa in, a ngam haw vilvengtu tukin Israel mi heng haw tih a zak ten,

JOSHUA 21:31

Helkath le Rehob khuapi, khuapi pa li le a elkim a ngan tatnak ngam tuah ngah haw hi.

JOSHUA 3:1

Zingtungno in, Joshua le Israel mi hempoh ngiahbuk pen tho haw a, Shittim pen tulin Jordan ngun lamah hawh haw hi. Ngunpi a kaltan haw laih ngawlin, ngun mawkah ngiak haw hi.

JOSHUA 5:10

Israel mite Gilgal ah a um haw laihin, Jerikho el munlawnah mah ha, ni sawm le ni li ni taklam pepan kaltan puai bawl haw hi.

THUKHENTUTE 18:14

Laish elkimah ngam a zotu le a vilvengtu mihing pa nga ten a ngualcam tei lakah, “Hi na muh uhmi inn pa khat sungah thiampi angkicual le thingtuah bawlmi milim le sunmi milim um hi tih thei uh cim maw? Itin kaw a tih tuk uh ngaisung hem un?” tin dong haw hi.

THUKHENTUTE 18:17

Vilvengtu mi pa nga cu thakhatin, Mikah inn sungah tumin, thiampi pa cu ngalkap za lukte tuah kongka ah um haw hi.

THUKHENTUTE 18:2

Mah hangin a hinnam sung a, ngam zo tuk le vilveng tukin hah haw hi. Hawh haw in, Efraim mualhum ngam hengin, Mikah innah cam haw hi.