JOSHUA 18:6 - Ngawm Bible

⁶ Ngamkhen khen salih i thu cu ngan unna, ka lakah hunpih un. Mahnung ten nangmu ai-in Topa na Pathian uh i mitmuhin aisannak bawl tung hi.

JOSHUA 18:6 Iomraidhean Croise

SAAM LABU 105:11

“Kanaan ngam nohte pia tung; Nangmuta hi tuk,” ti hi.

THUPAUCAP 16:33

Pathian tuptahmi thei nuamin kungkhai haw hi. Mahnaven a thu tulmi cu Pathian khuakhannak hi.

THUPAUCAP 18:18

Thu theizet veve pa nih thukhennak zungah thu a dondun haw ten kungkhainak bekin a thu haw khen thei hi.

MIPUM SIALNAK 33:54

Kanaan ngam cu na hinnam uh sung pen aisannak bawlin sem unna, hinnam tam deuhte cu ngam zal deuh, hinnam demdeuhte cu ngam neu deuh tin sem un hi. Aisannak pen a ngahmi ngam cu a cotu in nei nom tuk hi.

MIPUM SIALNAK 34:13

Moses in, Israel tei lakah, “Hi ngam cu Topa in nangmu hin nam kuah le lang tei lakah a piakmi ngam hi. Aisannak bawl inna, na co tuk uhmi ngam hi.

NUNGZUITU 13:19

Kanaan ngam a ummi miphun phun salih khi siatsuah khawngin, ama miphun Israel mite cu mah ngam luahtu in bawl hi.

JOSHUA 14:2

Moses lak a Topa i thupiaknak bangin Israel hinnam nam kuah le a lang tei co tukmi Jordan nitumnak lam ngam cu aisannak bawlin sem haw hi.

JOSHUA 18:10

Joshua in Topa i mitmuhin aisannak bawlin ngam khenkhat cu Israel hinnam khat ten tei lakah sem hi.

JOSHUA 18:7

Levi mite cu nangmuh bangin ngam nei haw tukma hi. Itahim titale a co haw tuk cu Topa i thiampi nadeh hi. Topa i nadek Moses i a sepsa bangin Gad, Reuben le Manasseh hinnam a lang cu Jordan pen nisuahnak lam ngam co zo haw toh hi,” ti hi.

JOSHUA 18:8

Joshua i hilh bangin ngam zotu tukte cu hawh haw in, Joshua in amu lakah, “Ngam sung hempoh ah hawh khawng unna, a thu la lai in ngan unna, ka lakah hungleh un. Nangmu ai-awhin Shiloh ah Topa i mitmuhin aisannak bawl tung hi,” tih thucah hi.