JOSHUA 18:16 - Ngawm Bible

¹⁶ Hinnom capa ih luam tihmi zawn a um mualtuan mawk le Refaimluam i saklam mawk tian hawhsuk hi. Enrogel lamah Jebus mualtuan hanglam pen Hinnom luamah heng hi.

JOSHUA 18:16 Iomraidhean Croise

2 Samuel 17:17

Abiathar capa Jonathan le Zadok capa Ahimaaz cu khua sungah tum ngam ngawlin Enrogel pen ngak leleng haw hi. Umlawh khanglai pa khatin khuasung a, na a piangmi le thute cu hilh mekin, mah nungten amuhin kumpi David cu hilhsa lawn haw hi.

2 Samuel 5:18

Filistin ngalkapte cu Refaim Munlawn tihmi mun hengin mah mun cu luahtum haw hi.

1 KUMPI 1:9

Vei khat cu Adonijah in Enrogel tuikhuk el um Zoheleth Suangpi a tih haw munah biakpiaknak bawlin tuu le khui le a thau zetmi khuino tampi ngo in, an ei tukin a unau dangte le kumpi David khutnuai bawite vang sam khawng hi.

2 KUMPI 23:10

Josiah in Molek pathian lakah a canu le capa haw halkang biakpiaknakah a piak theih haw ngawlnak tukin Hinnom Hawkluam a, pathian biaknak mun Tofeth cu nintik khawng hi.

1 KHANGSIALNAK 14:9

Filistin mite cu Refaim munlawn heng haw in, mahlai mite cu suam haw hi.

2 KHANGSIALNAK 28:3

Hinnom Munlawnah namtui halin, Israel mite Kanaan ngam a tum haw laihin, Topa i hawlvawkmi miphun tei lakah namtui halin, Israel mite Kanaan ngam a tum haw laihin, Topa i hawlvawkmi miphun tei ningdelhhuai a bawl haw mite bawlin a capate tian milim biakpiaknakah pia hi.

2 KHANGSIALNAK 33:6

Hinnom munlawnah a capate halkang biakpiaknakah pia hi. Kungkhai in, dawihte mang hi, khutlam zotikin, camphua hi. Topa i mai ah thilpha ngawlzet bawlin, Topa thinuktik hi.

ISAIAH 30:33

Meipi alhzet sung pen Assiria kumpi halnak tuk tin, ni dang lai pen mun pa khat cu ngaihsutsa in um zo toh hi. Mah mun cu thuk zetin, zalzet hi; thingte vang sangzet seh ham zo haw! Kaat mei tuah a bangvemi Topa i haihawhin haal tuk hi.

JEREMIAH 19:11

amu lakah Cungnungbel Topa in, “Hi mihingte le hi khuapi hi cu khopleh theih ngawl tohmi beelkeh bangin kehtik khawng tung hi. Mihing tei luangte cu Tofeth munah vui haw tuk hi. Itahim titale mundangah amuh vuinak tuk imah lai ah um tukma hi.

JEREMIAH 19:2

Beelpei Kongka pen tulin Hinnon munlawnah hawh tukin hilh hi. Mahlai ah a hilhmi thuhilhleh tung hi.

JEREMIAH 19:6

Mah hangin hun cu heng tuk ven hi mun cu Tofeth, mahma tale Hinnon munlawn tin kuamah in tileh haw tukma toh hi. Mahmi ai-in, mi thahnak munlawn tin ti haw tuk hi.

JEREMIAH 32:35

A capa le a canute Molek lakah biakpiaknakin piak tuk Baal pathian lakah Hinnom munlawnah biaklan dawh haw hi. Mahti bang bawl tukin thupia mang, mahtih bangin bawl haw tuk a, Judah mite sualtik haw tuk tih cu ka ngaihsut khak ngawlmi,” ti hi.

JOSHUA 15:63

Mahnaven Jerusalem a ummi Jebus mite cu Judah miten hawlvawk thei haw ma hi. Mah hangin Jebus mi le Judah mite cu tusun tianin Jerusalem khua ah um ten haw hi.

JOSHUA 18:28

Zela, Haelef, Jebus (ahimata Jerusalem) Gibeath le Kiriath Jearim hi. Khuapi sawm le pa li le a elkim a um khuanote hi. Benjamin tei innkua co mi ngam cu hite hi.

THUKHENTUTE 1:21

Mahnaven Benjamin hinnam ten Jerusalem a um Jebus mite cu a hawlvawk haw ngawl hangin Jebus mite le Benjamin hinnamte cu Jerusalem ah tusun tian um langkhat haw hi.

THUKHENTUTE 1:8

Judah hinnam ten Jerusalem cu simin la haw hi. Khua sung mite a thah khawng ceng haw ten a khua cu mei tuah haal haw hi.

THUKHENTUTE 19:10

Mahnaven Levi mipa in zan khat camhih tuk cu nuam ngawltohin, a zineu tuah a laak pa nih humah khunnak phah kawmin, hawh tul haw hi. Jebus khua (Jerusalem tihmi) el a hen haw ten khuathim awn toh a hih tak a umlawhpa in, a bawipa i lakah, “Ita tuzan hi Jebus khuapi ah hin a cam uh ngawl?” tin dong hi.