JOSHUA 18:10 - Ngawm Bible

¹⁰ Joshua in Topa i mitmuhin aisannak bawlin ngam khenkhat cu Israel hinnam khat ten tei lakah sem hi.

JOSHUA 18:10 Iomraidhean Croise

1 KHANGSIALNAK 24:5

Eleazar le Ithamar casuan sung pen biakinn upa le hawvang lamah hotu um tek haw a hih hangin, nadek tuk a khen haw ten a sasangin aisan haw hi.

NEHEMIAH 11:1

Hotute cu Jerusalem khuapi ah um haw; mipi sung pen innkua sawm sungah pa khat cu Jerusalem ah um tukin aisan haw in, a dang hempoh cu khuasung le khuano sungah um haw hi.

SAAM LABU 47:4

Ohtei ca in, a umnak uh leingam hi na ten sak hi; A ihmi a mihing tei co mi, Jakob i sunsakmi ngam sunglawi cu!

SAAM LABU 61:5

Maw Pathian aw, ka thutepte thei zo ci. Na ngamah a kihcatu tei covo cotik bok ci.

THUPAUCAP 18:18

Thu theizet veve pa nih thukhennak zungah thu a dondun haw ten kungkhainak bekin a thu haw khen thei hi.

JEREMIAH 7:12

Keimah in biaknak tukin ka ten masabel mi Shiloh ah hawh unna, ka mi Israel a sualnak haw hangin mah khua cu iti bangin bawl ing tih zo hem un.

EZEKIEL 47:22

Kumkhua in nangmu ca hi tuk hi. Nangmu lakah a um ngamdang ten hi ngam pen cano a neihmite cu ngam na sem uhten covo nei bok haw tuk hi. Israel mihing lelengin sialcih hi haw tuk a, Israel miphunte tuah ngam na sem uhten kungkhainak ngolh dok bok haw tuk hi.

EZEKIEL 48:29

Cungnungbel Topa in, “Hiti bangin ngam cu Israel hinnam tei co tukin khen unna, sem un,” ti hi.

MIKAH 2:5

Mah hangin hi ngam cu Topa i mihing tei nelah a piak kikleh ten noh tei ca in, cotuk imah um tukma hi.

MIPUM SIALNAK 34:16

Topa in Moses lakah,

MATTHAI 27:35

Thinglamteh humah Jesuh khetceng haw ten, a puan cu awngbali sawkin sem haw hi.

JOHAN 17:2

Capa i lakah na piakmi mihing hempoh tei lakah kumkhua nunnak a piak theihnak tukin leihum hinnam hempoh tei humah thuneihnak pia zo ci.

NUNGZUITU 13:19

Kanaan ngam a ummi miphun phun salih khi siatsuah khawngin, ama miphun Israel mite cu mah ngam luahtu in bawl hi.

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

KOLOSE 1:12

Vaknak ngam sungah Pathian in, a mitei ca tukin a koihmi cu a cotu hi bok tukin a semsuahtu Pathian cu lungdamin thangphat un.

JOSHUA 14:2

Moses lak a Topa i thupiaknak bangin Israel hinnam nam kuah le a lang tei co tukmi Jordan nitumnak lam ngam cu aisannak bawlin sem haw hi.

JOSHUA 14:5

Moses lakah Topa i thupiakmi bangin Kanaan ngam cu Israel miten sem haw hi.

JOSHUA 18:11

Benjamin hinnam ten aisannak bawl haw in, a ngah haw mi ngam cu Judah hinnam le Josef hinnam tei co mi laklawh ngam hi.

JOSHUA 18:6

Ngamkhen khen salih i thu cu ngan unna, ka lakah hunpih un. Mahnung ten nangmu ai-in Topa na Pathian uh i mitmuhin aisannak bawl tung hi.

JOSHUA 18:8

Joshua i hilh bangin ngam zotu tukte cu hawh haw in, Joshua in amu lakah, “Ngam sung hempoh ah hawh khawng unna, a thu la lai in ngan unna, ka lakah hungleh un. Nangmu ai-awhin Shiloh ah Topa i mitmuhin aisannak bawl tung hi,” tih thucah hi.

JOSHUA 18:9

Mah hangin Kanaan ngam hempoh ah hawh haw in, a thu cu lai sungah ngan haw hi. Ngam cu khen salihin khenin, khua min vang ngan khawng haw hi. Mah nungten Shiloh a ngiahbuk Joshua lakah kikleh haw hi.

JOSHUA 19:51

Shiloh a sak haw mi Topa i umnak Puanbuk kongka elah thiampi Eleazar, Nun i capa Joshua le Israel miphun nam khat ten tei hotu cu aisannak bawl haw a, Topa i deihnak thei in, ngam sem haw hi. A ngam sepdun haw cu ceng hawta hi.

JOSHUA 23:4

Ngal a neh uh laih ngawlmi miphun hihen, a neh zo uhmi nisuahnak lamah Jordan pen nitumnak lamah Mediterranean tuipi tian a ummi miphun hihen, nangmu co tukin pia zo ing.