JOSHUA 17:11 - Ngawm Bible

¹¹ Issakhar le Asher ngamsung hei pen Beth Shean le a elkim a khua, Ibleam i ummi (tuipi mawk a ummi) Dor khua, Endor khua, Taanak khua, Megiddo khua le a el khua, Megiddo khua le a elkim a ummi khua hempoh cu Manasseh ta hi.

JOSHUA 17:11 Iomraidhean Croise

2 Samuel 21:12

hawhin, Saul le a capa Jonathan i nguhte cu Gilead a, Jabesh mitei lak pen la hi. Gilboa mualhum Filistin miten Saul a thah ni haw in, Saul le Jonathan i luang cu Filistin miten Bethshan a mipi khopnak munah khaih haw hi. Mahlai mun pen Jabesh miten ngu haw hi.

1 KUMPI 9:15

Kumpi Solomon in, nadek tukin a tiklomi ten Biakinn le kumpi inn cu sa haw hi. Khuapi pen nisuahnak lamah leidipin, Millo khua satin khuapi kulhtian vang tiang haw hi. Hazor khua, Megiddo khua le Gezer khua vang sat leleu haw hi.

2 KUMPI 9:27

Mahmi cu kumpi Ahaziah in, amuh ten a cipuhleng tuah Beth Haggan khua lamah tai in; a nung pen Jehu in hil hi. “Amah vang that un!” tin Jehu in, a ngalkapte cu thupia hi. Ahaziah cu Ibleam khua el, Gur lampi ah a cipuhleng tuah a tai laihin liamsuah haw hi. Mahnaven Megiddo khuapi cu heng thei in, mah khua ah thi hi.

1 KHANGSIALNAK 6:70

Nitumnak lam Manasseh ngam sungah Aner le Bilean khuapi a elkim a ngan tatnak ngam tuah pia haw hi.

1 KHANGSIALNAK 7:29

Manasseh casuan ten Beth, Sean, Taanak, Megiddo le Dor khuapi le a elkim a khua uk haw hi. Hi ngamah in, Jakob capa Josef i casuante um haw hi.

2 KHANGSIALNAK 35:22

Josiah in ngai nuam ngawlin do tum leleng hi; theihtup tuk ngawlin bawlduncopin, ngaldonakah hawh hi. Kumpi Neko mangin, Pathian i thuhilhmi cu ngai nuam ngawlin Megiddo Munlawnah ngaldo tukin hawh hi.

SAAM LABU 83:10

Endor ah neh ci, a luang haw leihumah a muat a zan khawng bangin!

JEREMIAH 49:2

Mahnaven Rabbah khuapi a um miten ngaldo thawm a zak haw hun hengtik tung, a khuapi haw sialal tuk a, khuanote vang haltum belh hi tuk hi. A lonsa haw mi ngam cu Israel miten longkik haw tuk hi.

ZEKHARIAH 12:11

Mah hun ten Jerusalem khua sung a, kahnak cu Megiddo munlawn a, Hadad Rimmon ca in, a kahnak haw bangin nasezet tuk hi.

JOSHUA 11:2

saklam mualhum kumpi, Galilee tuipi pen hanglam ummi Jordan ngun kuam a um kumpi, munlawn a um kumpi le nitumnak lam a um Dor elkim kumpi cah khawm hi.

JOSHUA 12:21

Taanak kumpi, Megiddo kumpi,

JOSHUA 12:23

Dor kumpi (Tuipi mawk a ummi) Goiim kumpi (Galilee a ummi) le

JOSHUA 16:9

Manasseh ngamsung a ummi khuapi le khuanote tuah Efraim innkua tei lakah piak khawngmi hi.

JOSHUA 17:10

Efraim ngam cu hanglamah hi a, Manasseh ngam cu saklamah hi. A ngam nisuahnak lamah Issakhar tian zal hi.

JOSHUA 17:16

Josef i casuan ten, “Atu ka umnak uh mualhum ngam cu keimu ca in neu ngangai hi. Mun lawn a ummi Kanaan miten thik cipuhleng nei haw hi. Mah hum pen Beth Shean le a elkim khuano sung ummi Kanaan mite vangin nei bok haw hi. Jezreel munlawn a mite vangin thik cipuhleng nei khawng haw hi,” tin ti haw hi.

THUKHENTUTE 1:27

Manasseh hinnam ten Bethshan khua, Taanak khua, Dor khua, Ibleam khua, Megiddo khua le a elkim a um khuano tei lak a ummi Kanaan mite cu hawlvawk haw ma hi. Tutianin mah khua ah um haw laih.

THUKHENTUTE 5:19

Kumpi hungin ngaldo haw hi, Megiddo tui el Taanach khua ah: Kanaan kumpi ten do bok haw hi. Mahnaven sumpai lonmi nei haw ma.

1 SAMUEL 28:7

Saul in, a khutnuai bawite cu, “Kungkhainak tukin numei pa khat mipol zei sak un hi,” tin thupia hi. “Endor khua ah pa khat um hi,” tin ti haw hi.

1 SAMUEL 31:10

Saul i hiamnam cu Astarte pathiante a biaknak haw innah koihin, a luang cu Bethshan khuapi kulhtian humah tak haw hi.

1 SAMUEL 31:12

a lak haw pen ngalphabelte tulin zankhua Bethsha khua lamah hawh haw hi. Khua kulhtian hum pen Saul le a capa tei luang cu la in, Jabesh khua ah zawngin, mahlai ah mei tuah haal haw hi.