JOSHUA 15:8 - Ngawm Bible

⁸ Hinnom capa i munlawn a tihmi haw pen hawhto in Jerusalem khua umnak Jebus mualtuan hang lamah hawh ngut hi. Refaim munlawn saklam mawk pen nitumnak lam Hinnom munlawn tuah zawndunmi mualkul tian hi.

JOSHUA 15:8 Iomraidhean Croise

2 Samuel 5:18

Filistin ngalkapte cu Refaim Munlawn tihmi mun hengin mah mun cu luahtum haw hi.

2 Samuel 5:22

Filistin ngalkapte cu Refaim Munlawnah kikin, luahtumleh haw hi.

2 KUMPI 23:10

Josiah in Molek pathian lakah a canu le capa haw halkang biakpiaknakah a piak theih haw ngawlnak tukin Hinnom Hawkluam a, pathian biaknak mun Tofeth cu nintik khawng hi.

1 KHANGSIALNAK 11:4

Kumpi David le Israel mite cu hawh haw in, Jerusalem khuapi do haw hi. Jerusalem khuapi cu mahlai in Jebus ti haw hi; a um masabel Jebus mite cu mahlai ah um haw laih hi.

2 KHANGSIALNAK 28:3

Hinnom Munlawnah namtui halin, Israel mite Kanaan ngam a tum haw laihin, Topa i hawlvawkmi miphun tei lakah namtui halin, Israel mite Kanaan ngam a tum haw laihin, Topa i hawlvawkmi miphun tei ningdelhhuai a bawl haw mite bawlin a capate tian milim biakpiaknakah pia hi.

NEHEMIAH 11:30

Zanoah khua, Adullam khua le a elkim khuano ah um haw hi. Lakhish khua le a el a lo a bunnak mun, Azekah le a el a khuanote ah um haw hi. Jerusalem khua el Hinnom Munlawn tianin, khua tihkimah um haw hi.

ISAIAH 17:5

Israel cu an kung copsa lo bang hi haw tuk hi. An a laksa haw cu Refaim munlawn a, lo bangin kolh khawng tuk hi.

JEREMIAH 19:14

Topa i a thuphuang tukin a hahnak mun, Tofeth pen hawh leleu ing. Biakinn sungah ding ing a, mipi tei lakah, a thu phuang ing.

JEREMIAH 19:2

Beelpei Kongka pen tulin Hinnon munlawnah hawh tukin hilh hi. Mahlai ah a hilhmi thuhilhleh tung hi.

JEREMIAH 19:6

Mah hangin hun cu heng tuk ven hi mun cu Tofeth, mahma tale Hinnon munlawn tin kuamah in tileh haw tukma toh hi. Mahmi ai-in, mi thahnak munlawn tin ti haw tuk hi.

JOSHUA 15:63

Mahnaven Jerusalem a ummi Jebus mite cu Judah miten hawlvawk thei haw ma hi. Mah hangin Jebus mi le Judah mite cu tusun tianin Jerusalem khua ah um ten haw hi.

JOSHUA 18:16

Hinnom capa ih luam tihmi zawn a um mualtuan mawk le Refaimluam i saklam mawk tian hawhsuk hi. Enrogel lamah Jebus mualtuan hanglam pen Hinnom luamah heng hi.

JOSHUA 18:28

Zela, Haelef, Jebus (ahimata Jerusalem) Gibeath le Kiriath Jearim hi. Khuapi sawm le pa li le a elkim a um khuanote hi. Benjamin tei innkua co mi ngam cu hite hi.

THUKHENTUTE 1:21

Mahnaven Benjamin hinnam ten Jerusalem a um Jebus mite cu a hawlvawk haw ngawl hangin Jebus mite le Benjamin hinnamte cu Jerusalem ah tusun tian um langkhat haw hi.

THUKHENTUTE 1:8

Judah hinnam ten Jerusalem cu simin la haw hi. Khua sung mite a thah khawng ceng haw ten a khua cu mei tuah haal haw hi.

THUKHENTUTE 19:10

Mahnaven Levi mipa in zan khat camhih tuk cu nuam ngawltohin, a zineu tuah a laak pa nih humah khunnak phah kawmin, hawh tul haw hi. Jebus khua (Jerusalem tihmi) el a hen haw ten khuathim awn toh a hih tak a umlawhpa in, a bawipa i lakah, “Ita tuzan hi Jebus khuapi ah hin a cam uh ngawl?” tin dong hi.