JOSHUA 15:7 - Ngawm Bible

⁷ Haksatnak kuam a tihmi haw pen Debir tian, saklamah hawhngutin luikuam hanglam mawk a ummi Adummim mual kawn lam le a khenkhat Gilgal lamah kawi hi. Enshemesh a ciktui le Enrogel lamah hawh phei in,

JOSHUA 15:7 Iomraidhean Croise

2 Samuel 17:17

Abiathar capa Jonathan le Zadok capa Ahimaaz cu khua sungah tum ngam ngawlin Enrogel pen ngak leleng haw hi. Umlawh khanglai pa khatin khuasung a, na a piangmi le thute cu hilh mekin, mah nungten amuhin kumpi David cu hilhsa lawn haw hi.

1 KUMPI 1:9

Vei khat cu Adonijah in Enrogel tuikhuk el um Zoheleth Suangpi a tih haw munah biakpiaknak bawlin tuu le khui le a thau zetmi khuino tampi ngo in, an ei tukin a unau dangte le kumpi David khutnuai bawite vang sam khawng hi.

ISAIAH 65:10

Keimah bia in, a tuu le keel honte cu hamhing umnak mun Sharon munlawn i ni tumnak lam le Cimkhamnak Munlawn i nisuahnak lamah tatik haw tuk hi.

JOSHUA 10:43

Mah nungten Joshua le a ngalkap cu a ngiahbuk Gilgal ah kikleh haw hi.

JOSHUA 15:15

Kaleb cu hawhin (Kiriath Sefer tin, a sam haw mi) Debir khua mite cu do hi.

JOSHUA 15:6

Beth Hoglah le saklam saw ah Beth Arabah tian hi. Saklamah Bohan Suangpi tian, Bohan cu Reuben i capa hi;

JOSHUA 18:17

Mahlai pen Enshemesh ah kawito in, Adummim mual kawn zawn a um Geliloth tian heng hi. Reuben capa Bohan i suangpi a tih hawah hawhsuk lehin,

JOSHUA 4:19

Israel miten Jordan ngun cu ha masabel ni sawm ni-in kaltan haw a, Jerikho pen nisuahnak lam a um Gilgal khua ah cam haw hi.

JOSHUA 7:24

Joshua le Israel miten Akhan le a ngun khal, a sui khal le Babilon puan mawino, a capa le canute, a khui, a cipuh, a tuu le a neihmi hempoh la in, haksatnak Munlawn tihmi munah hawhpih haw hi.

JOSHUA 7:26

Akhan i thihnak munah suangphut haw a, tuni tiangin mah suangphut cu umlaih hi. Mah hangin mah mun cu Haksatnak munlawn tin sam haw hi. Topa i thinuknak cu dai hi.