JOSHUA 15:11 - Ngawm Bible

¹¹ A ngamngi haw cu Ekron saklam mualtuanah hawhngutin, Shikkeron lamah kawi a, Baalah Mualah a hawhvawk nungten Jabneel heng hi. A ngamngi haw cu Mediterranean tuipi hengin mah mun cu a tawpnak hi.

JOSHUA 15:11 Iomraidhean Croise

2 KUMPI 1:16

a lakah, “Topa in ‘Israel ngamah Pathian um ngawl bangin Ekron khua Baalzebub pathian lakah mi na hah hangin tu a, na zaunak hum pen tholeh tukma toh ci. Thi tuk ci,’ ti hi,” tin hilh hi.

2 KUMPI 1:6

A muh ten, “Mi pa khat tawk ung a, nangmuh a hawhtiktu kumpipa i lakah, na kikta unna, a lakah Topa in, ‘Ita Ekron a, Baalzebub pathian tawk tukin mi hah kam? Israel ngamah Pathian umma maw? Nung tukma ci, na liamnakin thi tuk ci;’ tin na hilh un, a tih hangin kik ung,” tin ti haw hi.

2 KHANGSIALNAK 26:6

Uzziah in Filistin ngam hawhin do hi. Gath, Jamnia le Ashdod khua kulhtiante siatsuah khawngin, Ashdod elkim le Filistin ngam mun dadangah kulhtian khua siatsuah khawng hi.

MIPUM SIALNAK 34:6

Ni tumnak lam ngamngi cu Mediterranean Tuipi hi tuk hi.

JOSHUA 15:10

Baalah i nitumnak lam pen Seir mualkimin Jearim (ahimata Khesalon) Mual pen Bethshemesh hengin Timnah kal tian heng hi.

JOSHUA 15:12

Nitumnak lam ngamngi cu Mediterranean tuipi hi. Judah hinnam tei ngamngi cu a hum a, ka tihmi bangin hi.

JOSHUA 15:45

Ekron khuapi a elkim a um khuapi le khuanote,

JOSHUA 15:9

Mah mualkul pen Neftoah a ciktui umnakah hawhngutin, Efron mual el a um khuapi tianin heng hi. Baalah (ahimata Kiriath Jearim) lamah kawi lehin,

THUKHENTUTE 1:18

Gaza khua, Ashkelon khua le Ekron khua vang la haw hi.

1 SAMUEL 17:52

Israel le Judah ngam pen a hung ngalkap ten thakhatin hil a, au thahin Gath le Ekron kongkhah tian hil ngut haw hi. Filistin ngalkap tei luang cu Gath le Ekron tian Shaaraim lampi ah lum teptup haw hi.

1 SAMUEL 5:10

Mah hangin Thutiam Kuang cu Ekron khua ah kuat haw hi. Ekron khua a hen bek haw ten khuasung mite cu, “Israel tei Pathian i Thutiam Kuang henpih haw in, a venghawng uhin that khawng haw tuk hi,” tin au leilui haw hi.

1 SAMUEL 5:8

Mah hangin mi hahin, Filistin kumpi pa nga samkhawmin, “Israel tei Pathian iti bang bawl kam nung,” tin dong haw hi. Amuh ten, “Gath ah koih un,” tin ti haw hi. A tih haw bangin Gath ah koih haw hi.

1 SAMUEL 7:14

Ekron le Gath khua laklawh a um khua hempoh Filistin mitei lonmi khuate cu Israel tei lakah pialeh haw a, Israel miten a ngam haw hempoh ngahleh haw hi. Israel mi le Kanaan mitei lakah lemdaihnak um hi.