JOSHUA 14:12 - Ngawm Bible

¹² Atu-in, a Topa uh i tepsa bangin, hih mualhum ngam cu pia zalin hi. Anak mi, mi muanhuaite cu kulhtian khuapi sungah um haw tin mah hun laihin hilh zo ing. Na lakah um pih tung hi tin, a tepsa bangin ka lakah Topa a um ngangai ten mah Anak mite cu hawlvawk khawng tung,” ti hi.

JOSHUA 14:12 Iomraidhean Croise

2 KUMPI 19:4

Assiria kumpi in, a khutnuai bawi lak pen upabel hahin, a nungmi Pathian cu zawnsak nek hi. Topa na Pathian in hi zotsaknak awnkam hi thei in, mahti bangin a awntu cu bawlsia zal tahen. A nunglaihmi ka mihing tei ca in, Pathian nelah thu hu ngetsak zalin hi,” tin cah hi.

2 KHANGSIALNAK 14:11

Topa a Pathian nelah Asa in thungenin, Topa aw, ngalkap a ngilzette hihen, a nawmtamte hei hihen, na nuam tale baihno in bawm thei ci. Maw Topa ka Pathian uh, “Nangmah bek muang ung hi, na min tuah hitihzah tam ngalkap hi do tukin tul zo ung; hu bawm zalin hi. Topa, nang cu ka Pathian uh hi ci, kuamah in nangmah neh tuk cu a lungmu haw neuno hei tum ngam thawthong haw tukma,” ti hi.

SAAM LABU 44:3

Na miphun ten hi ngam cu a ngalnam haw in a nehmi haw hei hi ma hi. Na thawm le na ngilnak amu lak na um lelengnak le, na ihnak a lak haw a, na langtiknak hangin neh haw hi.

SAAM LABU 60:12

A lam uhah Pathian in, a panpih tale; neh tuk hung hi; A ngalte uh neh tuk hi.

MIPUM SIALNAK 13:28

Mahnaven mah laih mun a ummi cu mi tha ngilzet hi haw hi. A khuapi haw cu ngengzet ten haw in kulhtian tuah up mi ngeh hi. Mah i hum pen tawmi bang mi ngengpi pi vang mu ing.

MIPUM SIALNAK 13:33

Ka muh uhmi hempoh cu mi ngeng le mi sangpi ten haw hi. Anak i casuante ngen cu ma, tawmi hi haw hi. Ohte cu amu lakah khaau bangfang hi ung a, amuh tei muhnakah mahti bang leleng hi tuk ung hi,” tin ti haw hi.

MIPUM SIALNAK 21:34

Topa in Moses lakah, “Hi kumpi cu lau pahsun hi. Amah le a mihingte le a ngam humah nehnak pia tung hi. Heshbon a um, Amor hinnam tei kumpi Sihon humah na bawl bangin hi Bashan kumpi Og humah vang bawl tuk ci,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 8:31

Hite hempoh a theih nung uhten ikaw a hilh hih tuk uh? Pathian eimu lamah a tang tale ohte akua in langpang thei tuk him?

DAAN PIAKLEHNAK 1:28

Itakaw mah ngamah a hawh tuk uh? Lau si ung! Vilvengtu in hahmite le mahlai a, ummi cu keimuh sangin ngeng saw haw, a ding haw sangin, ngil saw haw sih, tin hilh zo toh uh ci. Khuapi sung ngehah um haw a, a khuapi haw upnak kulhtian ngen cu van khongto hi, ti uh ci. Tawmi tiatia mihing um haw ti laih uh ci,” tin ti uh ci.

DAAN PIAKLEHNAK 9:1

Maw Israel mite, ngai un! Jordan ngun tanin, nangmuh sangin a ngeng deuh le a ngildeuhmi hinnam tei umnak ngam luah tuk uh ci. A khuapi haw cu ngeng zetin, a kulhtian cu van khong hi.

DAAN PIAKLEHNAK 9:3

Mahnaven atu na mitmuh uhin, Topa na Pathian uh cu na mai uhah mei alh bangin hawh tuk hi. Mailamah not dedeuh tuk uh ci a, amah in neh tukin a tepsa bangin ngalte cu hawlvawkin siatsuah khawng tuk uh ci.

FILIPI 4:13

Khrih i piakmi huham tuah ihempoh nawkzawh theihnak ngilnak nei zo ing.

HEBRU 11:33

Upnak tuah ngam tampi do in neh haw hi. A phami bawlin Pathian thutepmi co haw hi. Kiosa tei kam ciptik haw hi.

JOSHUA 15:14

Anak i capa pa thum Sheshai, Ahiman le Talmai cu hi khua pen hawlvawk haw hi.

THUKHENTUTE 1:20

Moses i thupiakmi bangin Hebron cu Kaleb lakah pia hi. Kaleb in Anak i capa pa thum cu Hebron pen hawlvawk hi.

1 SAMUEL 14:6

Jonathan in tangval pa i lakah, “Pathian bia ngawl Filistin ngalkap tei ngiahbukah hawh tuk hung, Pathian in bawm kha tuk hi. A bawm ngangai tale iti zahin mi dawmno ahi uh vangin neh leleng tuk hung. Kuamah in kham thei haw tukma,” ti hi.