JOSHUA 13:31 - Ngawm Bible

³¹ Gilead ngam a lang, Bashan ngamsung Og kumpi i ukmi khuapi Ashtaroth le Edrei tel hi. Hi ngam le khuapi cu Manasseh i capa Makhir i casuan khenkhat innkua tei lak a piakmi hi.

JOSHUA 13:31 Iomraidhean Croise

1 KHANGSIALNAK 6:71

Gershon hinnam innkua tei lakah a nuailam a khuapi le a elkim a ngan tatnak ngamte pia haw hi. Nisuahnak lam Manasseh ngam pen Bashan a, ummi Golan le Ashtaroth ngamte pia haw hi.

SAAM LABU 60:7

Gilead ngam cu kata hi in, Manasseh vang kata hi. Efraim cu ka lukhu hi; Judah cu ka bawi thiangkhut hi.

JOSHUA 12:4

Refaim nam sung pen a um calam Bashan kumpi Og vang neh hi. Og cu Ashtaroth le Edrei khua uktu hi.

JOSHUA 13:12

Ashtaroth le Edrei pen ngamuktu Og kumpi ukmi ngam vang tel hi. Og cu Refaim hinnam lak pen a tang calam hi. Moses in nehin, a hawlvawkmi haw hi.

JOSHUA 13:32

Jordan ngun le Jerikho khua pen nisuahnak lam ngam cu Moab munlawnah Moses in sem hi.

JOSHUA 17:5

a Jordan ngalkhatah Gilead le Bashan sial ngawlin Manasseh humah ngam sawm pia haw hi.

JOSHUA 17:6

Itahim titale Manasseh i canu ten a capate bang bokin ngam ngah ten haw hi. Manasseh mi a umlaih tei humah Gilead ngam pia haw hi.

JOSHUA 9:10

Jordan nisuahnak lam a, um Amor miphun tei kumpi pa nih, Heshbon kumpi Sihon le Ashtaroth a, um Bashan kumpipa humah a bawlmi nate hihen thei khawng ung hi.

THUKHENTUTE 10:6

Israel mite cu Topa i mai ah sual leleu haw hi. Baal pathian, Astartes pathian, Siria pathian, Sidon pathian, Moab pathian, Ammon pathian le Filistin pathian bia haw hi. Topa Pathian cu nunghekin, bia nuam haw ma toh hi.

THUKHENTUTE 5:17

Gad hinnam, Jordan khatlam ngalah um haw hi. Dan hinnam cu ngan tatnak ngamah um haw hi. Asher hinnam cu Tuipi mawkah um haw hi. Tuimawkah umthong leleng haw hi.

1 SAMUEL 12:10

Topa i lakah bopnak ngenin au leleu haw, ‘Topa aw, na lampi pen pialin Baal le Astartes milimte bia in, sual zo ung hi. Sual ung hi. Mahnaven ka ngal tei khut sung pen luattik zal inna, nangmah bia tuk ung hi,’ tin ti haw hi.

1 SAMUEL 7:3

Samuel in, “Na lungmu tatak tuah uhin, Topa na zuan nuam uh tale ngamdang pathian le Astrate zukte cu vawk khawng un hi. Na nunnak uh a venghawngin Topa i lakah pia khawng unna, amah bek bia un. Filistin tei khut sung pen Topa in luattik tuk,” ti hi.