JOSHUA 12:5 - Ngawm Bible

⁵ A ngam ukmi sungah Hermon Mual le Salekah, Bashan peng buppi, kumpi Geshur le Maakah mitei ngamngi tian, Gilead ngam a lang Heshbon kumpi Sihon i ukmi ngam tian tel hi.

JOSHUA 12:5 Iomraidhean Croise

2 Samuel 13:37

Absalom cu tai in, Ammihud i capa Geshur ngam kumpi Talmai lakah ngelh hi. David cu a capa Ammon ngai in ngeipi um hi.

2 Samuel 15:8

Geshur ngam a, ka umlaihin Topa i lakah Jerusalem ah na hengtikleh ahi tale Hebron ah nangmah bia tung tukin thutiam ing,” ti hi.

2 Samuel 23:34

Maakah pen Ahasbai capa Elifetelt, Gilo pen Ahithofel capa Eliam,

2 Samuel 3:3

A pa nihnak Chileab, a nu cu Nabal thihsan mi, Karmel khua mi Abigail hi. A pa thumnak cu Absalom, a nu cu Geshur ngam kumpi Talmai canu Maakah hi.

2 KUMPI 25:23

Mahmi cu kumpi Nebuchadnezzar khutnuai ah a tum ngawlmi Judah ngalbawite le ngalkap ten a theih haw ten Gedaliah lakah Mizpah khua ah hung haw hi. Mah ngalbawite cu Nethaniah capa Ishmael, Kareah capa Johanan, Netofah khua mi Tanhumeth i capa Seraiah le Maach mi Jezaniah hi.

1 KHANGSIALNAK 5:11

Gad hinnamte cu Reuben hinnam tei umnak saklam Bashan ngamah um haw in, nisuahnak lam pen Salekah tian um haw hi.

JEREMIAH 40:8

Nethaniah i capa Ishmael, Kariah i capa Johanan, Tanhumeth i capa Seraiah, Netofah pen Efai capate le Maakah pen Jezamiahte cu Gedaliah lak Mizpah ah hawh haw hi.

DAAN PIAKLEHNAK 3:14

Bashan ngam, le Argob ngam buppi cu Manasseh capa Jair in Geshur le Maakah ngam ngi tian la hi. Mah ngam a, khua cu ama min la in, Jair khuano tin ti haw laih hi.

JOSHUA 11:3

Kanaan kumpi, Amor kumpi, Hit kumpi, Periz kumpi le mualhum ngam a um Jebus kumpi le Mizpah ngam Hermon mualbul a um Hiv mite vang cah khawng hi.

JOSHUA 12:1

Israel tei nehmi le a luah haw mi ngamte cu Jordan pen nisuahnak lamah Arnon munlawn pen Jordan ngun kuam saklamah Hermon Mual tian hi. Israel tei nehmi kumpite cu;

JOSHUA 13:11

Gilead ngam, Geshur mi le Maakah mitei umnak ngam, Hermon Mual venghawng, Bashan ngam venghawng le Salekah tian tel khawng hi.

1 SAMUEL 27:8

David le a mihing ten mah ngamsung a, kum tampi um zo mi Geshur mi, Girzi mi le Amalek mite cu do mek haw hi. Izipt ngam heng tianin sut mek haw in,