JOSHUA 11:20 - Ngawm Bible

²⁰ Hehpihnak um ngawlin thah khawng le siatsuah khawng tukin a lungmu haw cu Israel mite do tukin Topa in khohtik hi. Hiti bangbokin Topa in Moses tiam ham zo hi.

JOSHUA 11:20 Iomraidhean Croise

2 Samuel 17:14

Absalom le Israel miten, “Hushai i ngaihsutnak cu Ahithofel i ngaihsutnak sangin pha saw si,” tin ti haw hi. Absalom humah siatnak heng tukin Ahithofel i ngaihsutnak pha saw cu Topa in khel lehdentik hi.

1 KUMPI 12:15

Rehoboam in Israel tei ngetmi a elnak cu Topa i sohnak hang hi. Profet Ahijah mangin, Jeroboam lakah thu a tepzomi kimtiknak tukin hi.

2 KHANGSIALNAK 22:7

Ahaziah in Joram a vehmi cu Topa in, Ahaziah caksuknak tukin mang hi. Mahlai ah Ahaziah aum laihin Ahap tawpatmi uknak siatsuah tukin Topa i tenmi Nimsahi capa Jehu in Ahaziah le Joram cu na zuam hi.

2 KHANGSIALNAK 25:16

Amaziah in, “Itukin kaw kumpi ngaihsutnak piatu tukin nang ka bawl uh? Awn toh pahsun, that kha tung,” ti hi. Profet cu awnleh ma toh naven a tawp laih ngawlin, “Hi bang nate bawlin ka thuhilh mite na ngaih ngawl hangin nangmah siatsuah tuk cu Pathian in soncat zo hi tih thei ing,” tin na tita hi.

SUAHTULNAK 10:1

Topa in Moses lakah, “Kumpi lakah hawh inna tawkin hi. Hiti bang nalamdang ka bawl theihnak tukin amah le a khutnuai bawi tei lungmu cu khohtik zo ing.

SUAHTULNAK 11:10

Moses le Aaron in kumpi i maiah nalamdang hizah bawl zo haw naven kumpi i lungmu cu Topa in khohtik a, Israel miten Izipt ngam zamin, a hawh haw tuk cu phal viang ma hi.

SUAHTULNAK 14:17

Izipt mitei lungmu khohzettik tung a, nangmuh hilin, hung haw tuk hi. Kumpi le a ngalkap tei cipuhleng le a cipuhleng mawngtu cu neh tung a, mahmi in ka min cu sunglawitik tuk hi.

SUAHTULNAK 14:4

Kumpipa i lungmu cu khohtik tung a, na nung uh pen hilleh tuk hi. Ka minthangtiktu tukin kumpi le a ngalkap cu neh tung hi. Mahmi cu Izipt miten Topa ka hihlam thei haw tuk,” ti hi. A hilh bangin Israel miten bawl haw hi.

SUAHTULNAK 14:8

Topa in Kumpi lungmu a khohtik hangin, ngalpha zetin a hawh tulmi Israel mite cu hil hi.

SUAHTULNAK 4:21

Topa in Moses lakah, “Izipt ngamah pinkik tuk toh na hih hangin, ka bawltikmi nalamdang hempoh cu kumpipa i maiah bawl khawngin hi. Mahnaven kumpipa i lungmu cu khohtik tung a, ka mihingte cu hawhtik tukma hi.

SUAHTULNAK 9:12

Mahnaven Topa in kumpi i lungmu cu khohtik leng hi. Moses lakah Topa i hilh hamnak bangin Israel mite cu hawhtik nuam ma hi.

SUAHTULNAK 9:16

Mahnaven leihum hempoh ah ka minthannak a tangzal theihnak tukin ka ngilnak lakin, na nunnak khawih hih ing.

ISAIAH 14:24

Cungnungbel Topa in tiamdun zo a, “Ka vaihawmmi cu kim tuk hi. Ka tuptah hempoh cu bawl khawng hi tuk hi.

ISAIAH 34:2

Topa cu miphun hempoh tei humah le a ngalkap tei humah a thinukin, siatsuahnakah hengtik tukin ngaisung hi.

ROM Khua Khristian Tei Lakah Paul i Laikuat (Paul’s Letter to the Romans) 9:18

Mah hangin Pathian in, a nuammi hehpihin, thin a khohtik nuammi khohtik hi.

DAAN PIAKLEHNAK 2:30

“Mahnaven Kumpi Sihon in, a ngamsung pen hawh tuk cu phal ma hi. Amah a nehnak tuk uhin le atu a luah uhmi a ngam hi a lak theihnak tukin Topa na Pathian uhin, a lungmu kho tukin mi langpangtu hitik hi.

DAAN PIAKLEHNAK 7:16

Topa na Pathian uhin, na khut sung uhah a koihmi hinnam hempoh cu siatsuah khawng unna, hehpih pahsuh un. A pathian bia pahsuh un, na bia uh tale bolal tuk uh ci.

THUKHENTUTE 14:4

Filistin mite do tukin Topa in hunpha a zei hangin, Topa in Samson cu hi bangin bawltik hi tih a nu le pa ten thei haw ma hi. Mahlai in Israel mi uktu cu Filistin mite hi.

1 SAMUEL 2:25

Mi pa khatin midang humah a sual tale, a lemtu tukin Pathian um hi. Mahnaven mi pa khatin Pathian humah a sual tale, akua in lemnak bawl thei tuk him?” tin ti hi. A pa haw in liat li naven sang nuam haw ma hi, mahnaven amuhte cu thitik tukin Topa in ngaisung sa zo hi.