JOSHUA 11:16 - Ngawm Bible

¹⁶ Joshua in ngam hempoh neh khawng hi; mualhum ngam, Negev ngam hempoh, Goshen ngam hempoh, nitumnak lam mual nuai tian, Jordan munlawn, Israel ngamsung mualhum ngam le munlawn,

JOSHUA 11:16 Iomraidhean Croise

SAAM LABU 105:44

Miphun dang tei ngam cu a mihingte pia hi; A bun sa haw mi lo cu cotik hi.

SAAM LABU 78:55

A mihingte mailamah a not pepel haw ten mah ngam a um mihingte cu hawlvawk haw hi. Ngam cu Israel hinnam tei lakah semin amu khua le amu inntekah umtik hi.

EZEKIEL 17:23

Israel mual sangbel humah phut tung. A kangte tawtin, a ci suah haw tuk hi. Sidar thing pha zetin suak haw tuk a, vano tihkim a humah kopin, a limah colhnak ngah haw tuk hi.

EZEKIEL 36:8

Mahnaven na mualsang uh humah thingceh tawtleh haw tuk a, ka mihing Israel nangmu eih tukin ngah tuk hi. Na inn uhah pinpal tuk uh ci.

DAAN PIAKLEHNAK 1:7

Vaithawi unna, hawh un; Amor mualhum ngam le a elkim ngam hempoh ah Jordan munlawn, mualhum ngam le munlawn ngam, hanglam ngam le Mediterranean tuipi thuanthum tianin hawh un. Kanaan ngam le Lebanon mual kaltanin Eufrates ngunpi tianin hawh un.

JOSHUA 10:40

Joshua in ngam hempoh neh khawng hi. Mualhum ngam le Negev ngam hihen, munlawn le mual tuanpi hihen a kumpi bawi tuah neh khawng haw hi. Israel Topa Pathian thupiakmi bangin mi pa khat hei suakca ngawlin that khawng limlem haw hi.

JOSHUA 10:41

Joshua in hanglam ngam Kadesh Barnea pen tuipi mawk a um Gaza tian, Goshen ngam hempoh le saklam ngam a um Gibeon tian neh khawng hi.

JOSHUA 11:15

Topa Pathian in, a salpa Moses lakah thupia in, Moses in Joshua lakah mah thu cu pia hi; mah thupiak bangin Joshua in zui khawng hi. Moses lak a, Topa i thupiakmi bangin Joshua in bawl khawng hi.

JOSHUA 11:2

saklam mualhum kumpi, Galilee tuipi pen hanglam ummi Jordan ngun kuam a um kumpi, munlawn a um kumpi le nitumnak lam a um Dor elkim kumpi cah khawm hi.

JOSHUA 11:21

Mah hun lelengah Joshua hungin, mualhum ngam a ummi; Hebron khua Debir khua, Anab khua le Judah le Israel mualhum a ummi, mi ngengzet Anak mite vang that khawng hi. A miphun haw cimittikin, a khuapi vang siatsuah khawng hi.

JOSHUA 12:8

Hi ngam sungah mualhum ngam, nitumnak lam ngam, Jordan ngun kuam, mual nuai tuan ngamte, phillawn ngam le Negev ngam tel hi. Hi ngam cu Hit mi, Amor mi, Kanaan mi Periz mi, Hiv mi le Jebus mitei umnak ngam hi.

JOSHUA 9:1

Joshua i nehnak thu cu Jordan pen nitumnak lam ummi kumpi le mualhum a, ummi hihen, munlawn a, ummi hihen, Mediterranean tuipi mawk a, ummi, sak lam pen Lebanon ngam a, um tianin thei khawng haw hi. Hit mi, Amor mi, Kanaan mi, Periz mi, Hiv mi le Jebus mitei kumpi ten a theih haw ten,