JOSHUA 11:14 - Ngawm Bible

¹⁴ Hi khuapi pen a lon haw mi na manpha le ngan hempoh cu Israel miten amuta tukin la haw hi. Mahnaven mihing cu a venghawngin that khawng haw hi, pa khat hei suakca haw ma.

JOSHUA 11:14 Iomraidhean Croise

2 KHANGSIALNAK 20:25

Jehoshafat le a ngalkapte cu a ngal tei nate la tukin hawh haw hi. Khui, an, puan le na manpha a phunkim tampi mu haw hi. Mah nate cu ni thum sung thiak haw naven thiak ceng haw ma hi.

MIPUM SIALNAK 31:9

Mah hum pen Israel miten Midian numei le naupangte cu manin, a khui le a tuu, a ngan dang hempoh le a sum le pai vang sut khawng haw hi.

DAAN PIAKLEHNAK 20:14

Nangmu ca in numei, naupang, ngamsa le thildang hempoh cu la thei uh ci. Na ngal tei na hempoh cu na deih babang uhin mang un. Topa in nohtei nelah a piakmi hi.

DAAN PIAKLEHNAK 20:16

“Mahnaven Topa na Pathian uhin, a piak tukmi ngamsung khuapi na lak uhten khua sungmi venghawngin, that khawng un. Haihawh a nei pa khat mah khawih kha pahsuh un.

JOSHUA 10:40

Joshua in ngam hempoh neh khawng hi. Mualhum ngam le Negev ngam hihen, munlawn le mual tuanpi hihen a kumpi bawi tuah neh khawng haw hi. Israel Topa Pathian thupiakmi bangin mi pa khat hei suakca ngawlin that khawng limlem haw hi.

JOSHUA 11:11

Pa khat hei tang ngawlin that khawngin, a khua haw vang mei tuah haal khawng haw hi.

JOSHUA 11:13

Mual neuno hum a sakmi khua lak pen Joshua i halmi Hazor khua sial ngawl khuapi pa khat hei Israel miten haal haw ma hi.

JOSHUA 11:15

Topa Pathian in, a salpa Moses lakah thupia in, Moses in Joshua lakah mah thu cu pia hi; mah thupiak bangin Joshua in zui khawng hi. Moses lak a, Topa i thupiakmi bangin Joshua in bawl khawng hi.

JOSHUA 8:2

Jerikho khua le a kumpipa i humah na bawl bangin, Ai khua le a kumpipa i humah bawl tuk ci, mahnaven tutum cu a na le a nganhing cu nangmuhin co un hi. Ai khua cu do tukin tuangtim ham unna, nunglam pen nam un,” ti hi.

JOSHUA 8:27

Joshua lakah Topa i hilh bangin Ai khua sung pen a lon haw mi nganhing le nate cu Israel miten amuta tukin la haw hi.