JOSHUA 10:6 - Ngawm Bible

⁶ Gibeon miten Israel tei ngiahbuk Gilgal a, ummi Joshua lakah, “Bawipa nung hek pahsun; manlang zetin hung inna, keimuh bawmin hi. Mualhum a ummi Amor kumpite tangkawmin, keimah do haw hi. Pan zazalin hi,” tin bopnak ngen haw hi.

JOSHUA 10:6 Iomraidhean Croise

2 KUMPI 4:24

Laak cu a kung a dap ceng haw ten umlawhpa lakah, “Laak hi cakdeuh tukin nawt inna, ka hilh laklawh cu cumtik viang him pahsun,” ti hi.

SAAM LABU 125:2

Mualte cu Jerusalem kimkawnin, a um bangin, Topa cu a mihing tei elkimah, atu le kumkhua in um hi.

ISAIAH 33:22

Tinbaw hum a tinbaw hawhtiktu na hempoh cu imah nemcuam haw ma, tinbaw puan hei phalh thei haw ma. A ngalkap tei van hempoh cu lonsak khawng hi tuk hi. Mah van cu tam zetin, kebaite hei in co ngah thei haw tuk hi. Topa amah cu eimu kumpi hi tuk hi. Amah in uk tuk a, humhim tuk hi.

MIPUM SIALNAK 13:29

Amalek mite cu hanglam ngamah um haw hi. Hit mi, Jebus mi le Amor mite cu mualhum ngamah um haw in, Kanaan mite cu Mediterranean Tuipi elah le Jordan Ngun mawk tuanah um haw hi,” tin, ti haw hi.

LUKA 1:39

Mah nung bek ten Mary cu tuangtimin, Judea ngam mualhum khua ah manlang zetin hawh hi.

DAAN PIAKLEHNAK 1:15

Mah hangin nangmu hinnam sung tek pen na ten uhmi muantak cu nangmuh hotu tukin koih ing. A khenkhat cu thawng khat hotu, a khenkhat cu za khat hotu, a khenkhat cu sawm nga hotu, a khenkhat cu pa nga hotu hi haw hi. Na hinnam sung ten pen hotu dadang hei koih ing.

JOSHUA 10:5

A cah bangin Amor kumpi pa nga; Jerusalem, Hebron, Jarmuth, Lakhish le Eglon kumpi cu a ngalkap venghawng tuah tawkdun khawmin, Gibeon khua cu kimin do haw hi.

JOSHUA 10:7

Mah hangin Joshua le a ngalkap cu a ngalkap phabel tuah Gilgal mun pen hawh haw hi.

JOSHUA 21:11

Judah mualhum ngam Hebron a ummi Kiriath Arba (Arba cu Anak i pa hi) khua le a elkim ngam cu Kohath mitei lakah pia haw hi.

JOSHUA 5:10

Israel mite Gilgal ah a um haw laihin, Jerikho el munlawnah mah ha, ni sawm le ni li ni taklam pepan kaltan puai bawl haw hi.

JOSHUA 9:15

Joshua in lemdunnak bawlin thah a thuak ngawlnak haw tukin amuh tuah thutiamnak bawl haw hi. Israel hotu ten mah thutiam cu khotik haw hi.

JOSHUA 9:6

Gilgal a ngiahbukah, hawhin Joshua le Israel tei lakah, “Ngam khawla pi pen na lak uhah thutiamnak bawl tukin hung ung hi,” tin ti haw hi.

JOSHUA 9:8

Joshua lakah “Bawipa kohte cu na sal ung hi,” tin ti haw hi. Joshua in “Akua nge uh cim? Ilai pen hung kam uh ci?” tin dong hi.