JOSHUA 10:41 - Ngawm Bible

⁴¹ Joshua in hanglam ngam Kadesh Barnea pen tuipi mawk a um Gaza tian, Goshen ngam hempoh le saklam ngam a um Gibeon tian neh khawng hi.

JOSHUA 10:41 Iomraidhean Croise

PIANPATNAK 10:19

a ngam haw cu Gerar lamah Sidon pen Gaza tian, mahten Sodom, Gomorrah, Admah le Zeboiim lamah Lasha tian zal hi.

1 KUMPI 3:5

Mah zan cu a mangah Topa langin, Topa in, “Ka piak tukin i deih kam?” tin dong hi.

ZEKHARIAH 9:5

Ashkelon khua ten amuh haw ten lauzet haw tuk hi. Gaza khua in mu bok tuk a, thasiazet tuk hi. Mahti bangin Ekron khua vangin mu bok tuk a, muansannak a neihmi hempoh bo khawng tuk hi. Gaza kumpi vang bo tuk a, Ashkelon cu khing diudeu tuk hi.

MIPUM SIALNAK 13:26

Moses, Aaron le Israel mipi tei umnak Paran phillawn a ngiahnak haw Kadesh ah heng haw hi. Amuh haw hempoh hilh haw in, a puak haw mi thingngah vang lak haw hi.

MIPUM SIALNAK 32:8

Tu a na bawl uh bangin, na pa uhten hi ngam zawldawt tukin Kadesh Barnea pan ka hawhtik ten bawl zo haw toh hi.

MIPUM SIALNAK 34:4

Akrabbim Mualkawn lamah hawhsuk tuk a, Zin lamah hawhin, Kadesh Barnea tian hang lamah hawhsuk tuk hi. Saklam nitumnak lam pen Hazar Addar ah hawhto tuk a, Azmon tian hi tuk hi.

NUNGZUITU 8:26

Topa i vancungmi in Filip lakah, “Na van bawl inna, hanglamah Jerusalem pen Gaza hawhnak lampi ah hawhin,” ti hi. Tu hunin mah lampi cu mang haw ma toh hi.

DAAN PIAKLEHNAK 1:19

Moses in, “Topa a Pathian uh i thupiakmi cu bawl ung. Sinai Mual pen tul ung a, hi tizah a zalmi le a lauhuai zetmi phillawn ngam nawkin, Amor mualhum ngam lamah hawh ung. Kadesh Barnea a hen uhten,

DAAN PIAKLEHNAK 2:23

Krete tuikulh a, ummi ten hanglam ngamah Gaza tian khuano a, um Avvim mite cu siatsuah khawngin, a ngam haw lonsakin luah khawng haw hi.

DAAN PIAKLEHNAK 9:23

Kadesh Barnea na um uh laih vangin a piak tukmi ngamah hawh tukin le luah tukin hah naven, a thu cu elin langpang uh ci; Topa cu muang ngawlin a thu vang zui ma uh ci.

JOSHUA 10:12

Pathian bopnak tuah Israel miten Amor mite a neh ni haw in, Israel tei zakin Joshua in Topa i lakah hi tin au hi; “Maw Ni aw, Gibeon humah dingin; Maw Hade aw, Aijalon kuam humah cawlin,” ti hi.

JOSHUA 10:2

Gibeon khua cu khuapi dang bangin ngengin, Ai khua sangin ngeng saw hi. A ngalkap hei cu ngalpha mi a hih haw hangin Jerusalem mite cu lauthawng em haw hi.

JOSHUA 11:16

Joshua in ngam hempoh neh khawng hi; mualhum ngam, Negev ngam hempoh, Goshen ngam hempoh, nitumnak lam mual nuai tian, Jordan munlawn, Israel ngamsung mualhum ngam le munlawn,

JOSHUA 11:22

Israel ngam sungah Anakim mite pa khat hei tang haw ma toh hi. Gaza, Gath le Ashdod khua ah dawmno tang haw laih hi.

JOSHUA 15:51

Goshen, Holon le Giloh khua sawm le khua khat hi in, a elkim a um khuanote vang tel hi.

THUKHENTUTE 16:1

Samson cu Gaza ah hawhin, mahlai munah numei pha ngawl pa khat mu in, a lakah cam tukin hawh hi.

THUKHENTUTE 16:21

Filistin miten man haw in, a mit pholh haw a, Gaza ah hawhpih haw hi. Mahlai ah daal tuah bawlmi kol bulh haw hi. Thawnginn sung pen sangvut ngawitik haw hi.

1 SAMUEL 6:17

Filistin miten a khuapi pa nga haw, Ashdod, Gaza, Ashkelon, Gath le Akron ca tukin khua khatah pa khat ten sui a bawlmi uilut mei ma zuk pa nga cu Topa i lakah a sual haw ngaihdamnak tukin pia haw hi.