JOSHUA 10:24 - Ngawm Bible

²⁴ Mah kumpite Joshua lak a hen haw ten Joshua in, Israel mi hempoh samin amah tuah ngal a do kawmtu a khutnuai bawite cu, “Hi laiah hung unna, hi kumpi tei ngawng hi na ke uhin sikpek un,” ti hi. A tih bangin kumpi tei ngawng cu sikpek haw hi.

JOSHUA 10:24 Iomraidhean Croise

2 Samuel 22:39

Vatvawk ing a, tho thei ngawltohin, ka ke bulah bok vawk haw hi.

2 Samuel 22:41

Ka ngalte cu ka lak pen taitik ci. Kei a huatute cu siatsuah khawng ing.

SAAM LABU 107:40

a bawlsiatute cu Topa in nemsukin, lampi um ngawl phillawn ngamkhingah vakvaitik hi.

SAAM LABU 110:1

Topa in, ka kumpi bawipa i lakah “Na ngalte na ke sihnak nuai ah ka koih laklawh, ka taklamah khungin,” ti hi.

SAAM LABU 110:5

Topa cu na taklamah um, a thinuk ni ten kumpite cu neh tuk hi.

SAAM LABU 18:40

Ka lak pen ka ngalte cu taitik ci, Kei a huatu hempoh cu siatsuah khawng ing.

SAAM LABU 91:13

Kiosa le ngulte tanpek tuk ci a, a lauhuaimi Kiosa le a ngu nei ngulte cu cilpek tuk ci.

ISAIAH 51:23

Nangmuh a bawlsiatute, lampi pen a lumtiktu, buak sihpek bangin a sikpektu tei lakah mah khuat cu pia tung,” ti hi.

MALAKHI 4:3

Ka phet ni ten mipha ngawlte cu neh tuk uh ci a, na ke nuai uh a, leivul bang thong hi haw tuk poh hi.

ROM Khua Khristian Tei Lakah Paul i Laikuat (Paul’s Letter to the Romans) 16:20

Eimuh tei lemdaihnak bulpi Pathian in nangmu ke nuai ah Satan cu tanpekin, ngawikeh bilhbelh tuk hi. Topa Jesuh Khrih i hehpihnak cu nangmuh tei nelah um tahen.

DAAN PIAKLEHNAK 33:29

Maw Israel mite: Iti zahta in mi bawngpha hi uh cim! Nangmuh bang kuamah um haw ma maw? Topa i pat tulmi hi uh ci. Topa amah cu na lumphaw uh le na naam uh hi. Noh a pantu le nehnak piatu tukin; Na ngal uhte cu hehpihnak ngen tukin hung haw tuk naven, Na ke nuai uhah sikpek tuk uh ci.

HEBRU 1:13

Pathian in, a vancungmi lakah, “Na ngalte na ke nuai ah ka koih laklawh ka taklamah khungin hi,” tin ti awng ma hi.

THUKHENTUTE 8:20

a capa upabel Jether lakah, “Tho inna, thatin hi,” tin hilh hi. Mahnaven Jether in, a nam hei dawk ma hi. Tangval tungno a hih hangin a lau hi.