JOSHUA 10:20 - Ngawm Bible

²⁰ Joshua le a ngalkap ten ngal cu that pepelin neh khawng haw hi. A thah haw ngawl nih khat cu a khua kulhtian heng thei haw in, mahte cu that haw ma hi.

JOSHUA 10:20 Iomraidhean Croise

2 Samuel 20:6

Mah hangin kumpipa in Abishai cu samin, “Absalom sangin Sheba in haksatnak pia saw tuk hei! Ka ngalkapte hawhpih inna, Sheba cu hil un. Mahma tale, a kipcih ngah uhmi khuapi khenkhat la in, a khut sung uh pen luat kha haw kawn,” ti hi.

1 KUMPI 20:21

Kumpi Ahab ho in, cipuh tampi le cipuhleng tampi lonsakin, Siria ngalkapte cu nase zetin siatsuah haw hi.

2 KHANGSIALNAK 13:17

Abijah le a ngalkap ten Israel ngalkapte cu neh dikdek haw in, Israel ngalkap sung pen a phabel thawng za nga that haw hi.

JEREMIAH 4:5

Hi ngamsung khua hempoh ah pengkul tum un. Ngingzet le cel zetin tum un. Judah mi le Jerusalem miten kulhtian khuapi sungah tai tukin than un hi.

JEREMIAH 8:14

Pathian i mihing ten, “Ita heng a khun leleng laih uh? Tho un, kulhtian khuapi sungah tai nung inna, mahlai ah thi nung. Topa a Pathian uhin, a thi tukin vawk zo; Topa in, thihsi in tukin pia zo hi. Itahim titale a humah thil sual bawl zo toh hung hi.

DAAN PIAKLEHNAK 20:16

“Mahnaven Topa na Pathian uhin, a piak tukmi ngamsung khuapi na lak uhten khua sungmi venghawngin, that khawng un. Haihawh a nei pa khat mah khawih kha pahsuh un.

JOSHUA 10:10

Israel ngalkap amuh haw ten ngalte cu a thinsuzet tukin Topa in bawl hi. Israel ngalkap ten Gibeon khua ah ngalte cu that haw hi. Bethoron mual kawn pen hilin, Azekah le Makkedah khua tianin that pepel haw hi.

JOSHUA 10:19

Mahnaven mahlaiah nangmuh um pahsuh un. Ngalte cu hil unna, a nunglam pen that pepel un; kuamah a khuapi sung heng haw pahsuh hen. Topa na Pathian uhin, na khutsung uhah pia zo,” ti hi.

JOSHUA 10:21

a ngalkapte cu Joshua lakah a ngiahnak haw Makkedah ah himdamno in heng khawng haw hi. Mahnung ten Israel tei humah kuamah in awn ngamleh haw ma toh hi.

JOSHUA 11:12

Joshua in, a kumpi le a khuapi cu neh khawng hi. Topa i nadek Moses i thupiak bangin Joshua in that khawng hi.

JOSHUA 11:8

Topa in nehnak cu Israel kut sungah a piak hangin a do haw ten nehin, saklam a ummi Sidon le Misrefoth Maim tian, nisuahnak lamah Mizpah kuam tianin ngal hil haw hi. Mihing pa khat hei tang ngawlin that khawng haw hi.

JOSHUA 8:24

Hampalak tian ngal a hiltu Ai khua ngalkapte cu pa khat hei suakca ngawlin Israel ngalkap ten that khawng haw hi. Ai khua sungah kiklehin mah khuasung a, ummi a venghawngin that khawng haw hi.