JOSHUA 1:7 - Ngawm Bible

⁷ Moses i piakmi Thukham cu kimno zui tukin ngilzet le ngalpha zetin umin hi. Thukham a neubel tianin zulzau ngawlin zui inna, na hawhnak hempoh ah na lamtuang tuk hi.

JOSHUA 1:7 Iomraidhean Croise

1 KUMPI 2:2

“Kei cu thi tuk toh ing. Ka thih nungten ngalpha zetin le pasal na hihnak langtik inna,

1 KUMPI 2:3

Topa na Pathian i thupiakmite bawlin hi. Moses Daan sung a, ngatmi bangin Topa i Daan thupiakmi hempoh cu zui inna, mahten na dehmi hempoh le na hawhnak tihkimah lawhting tuk ci.

2 KUMPI 22:2

Josiah cu Topa i deihzawng bawl hi, a pu kumpi David nunzia zui in, Pathian i thupiakmite komno in zui hi.

1 KHANGSIALNAK 22:13

Topa in Israel tei zui tukin Moses lakah a piakmi Daante na zui ahi tale na lamtuangin lawhting tuk ci. Ngil zetin le ngalpha zetin um inna, imah in lauthawngnak pia ma hen.

2 KHANGSIALNAK 15:7

Nohte cu a ngilzet le ngalpha zetin um unna, na dehman uh co tuk uh ci,” ti hi.

2 KHANGSIALNAK 26:5

Uzziah cu Zekhariah in Topa kihca le upat tuk zilhin, Zekhariah i dam sung cu Topa i na kom zetin dek hi. Mah hangin Topa in muicu pia hi.

JOB Laibu (The Book of Job) 1:8

Topa in, “Ka sila Job thei kha cim? Leihum buppi ah amah bang mipha le muantak kuamah um haw ma ven. Keimah bia in, a pha ngawl imah bawl ma hi,” ti hi.

SAAM LABU 80:19

Topa aw, Cungnungbel Pathian, kiklehtik zalin hi. Na mitmai pha lak inna, nunpatnak ngah tuk ung hi.

THUPAUCAP 4:27

Thil pha ngawl cu pial inna, mailamah cam zetin hawhin hi. Lam dik pen kal khatno hei pial pahsun.

THUPAUCAP 8:20

Diknak lampi ah hawh ing a, lamdik zui ing.

DANIEL 10:19

Amah in ka lakah, “Pathian in nangmah it hi. Mah hangin imah lau pahsun, imah in lautik pahsuh hen,” ti hi. Mahtin a tih ten tha nei deuhin, theidun ing a, ama lakah, “Bawipa, na hilh tukmi cu hilhin hi. Tha nei deuhtik zo ci,” tin ti ing.

MIPUM SIALNAK 27:23

Joshua i lu humah a khutsuanin ama ai-awhtu tukin sialsiahnak bawl hi.

DAAN PIAKLEHNAK 11:8

“Tu ni a, ka piakmi thukham hempoh cu zui un hi. Mah bek ten na tumnak tuk uh ngamah tumin luah thei tuk uh ci.

DAAN PIAKLEHNAK 12:32

Ka thupiakmi hempoh cu zui khawng un; imah bet pahsuh un, pa khatno hei zam pahsuh un.

DAAN PIAKLEHNAK 28:14

Hi daante cu ituk mah ten siatsuah pahsuh un; pathian dang vang bia in, a nadek pahsuh un.”

DAAN PIAKLEHNAK 29:8

a ngam haw cu la in Reuben hinnam, Gad hinnam le Manasseh hinnam a lang tei lakah pia hung hi.

DAAN PIAKLEHNAK 29:9

Mah hangin na nadehnak tihkim uhah na lawhtin theihnak tukin, hi thutiam cu komzetno in, na zui un hi.

DAAN PIAKLEHNAK 31:7

Moses in Joshua cu samin, Israel mipi tei mai pen a lakah, “Ngilzet le ngalpha zetin umin hi. Topa in, na pu le pa tei lak a, thu a tep zo bangin mahlai ngam luahtum theihnak tukin hi mipi a puitu cu nangmah hi tuk ci.

DAAN PIAKLEHNAK 4:2

Ka thupiakmi humah imah bet pahsuh un, a kiam vang kiam pahsuh un. Topa na Pathian uh i thupiak ka hilhmi hi zui khawng un hi.

DAAN PIAKLEHNAK 5:32

“Mah hangin Topa na Pathian uh i thupiakmi hempoh bawl khawng tukin cingcaino in um un hi. A thupiakmi daan hi ngai ngawlin a kuamah um pahsuh un.

JOSHUA 1:1

Topa i sal Moses a thih nungten Moses bawmtu Nun i capa Joshua lakah Topa in,

JOSHUA 1:8

Thukham laibu cu phawkngil hihim pahsun. A sung a, ngatmi bangin na nun theihnak tukin a sun a zanin sial lelengin hi. Mahti bangin na bawl tale khangto tuk ci a, na bawlmi hempoh lawhting tuk ci.

JOSHUA 1:9

Ngilzet le ngalpha zetin umin, tin thu ka piakmi hi ituk mahten phawkngil pahsun, lau pahsun na, na thin nau pahsun; itahim titale Topa na Pathian keimah in, na hawhnak hempoh ah um pih tung,” ti hi.

JOSHUA 11:15

Topa Pathian in, a salpa Moses lakah thupia in, Moses in Joshua lakah mah thu cu pia hi; mah thupiak bangin Joshua in zui khawng hi. Moses lak a, Topa i thupiakmi bangin Joshua in bawl khawng hi.

JOSHUA 23:6

Mah hangin cingcai zetin um unna, Moses i piakmi Daan laibu sung a ngatmi bangin bawl unna, zui un. Veilamah hei hihen, taklamah hei hihen dawm hei pial pahsuh un,