JOSHUA 1:6 - Ngawm Bible

⁶ Ngilzet le ngalpha zetin umin, itahim titale, pia tung hi tin, na pu le pa tei lakah ka tepsa mi ngam na lak uhten, Israel mite cu nangman lampui tuk ci.

JOSHUA 1:6 Iomraidhean Croise

PIANPATNAK 12:7

Topa cu Abram lakah langin, “Na casuan tei lakah ka piak tukmi ngam cu hi ngam hi, tin,” ti hi. Mahlai munah Abram in, a lakah a langmi Topa i ca tukin biaklan dawh hi.

PIANPATNAK 26:3

“Hilaiah umhihin, na lakah um tung a, muicu pia tung hi; itahim titale nangmah le na casuan tei lakah hi ngam hempoh cu pia tung hi. Na pa Abraham lakah ka thutepsa cu kimtik tung hi.

2 Samuel 10:12

Imah lau pahsun! A mihingte le a Pathian uh i khuapi tei ca nase zetin tang tuk hung hi. Topa in, a phabelin bawl tahen,” ti hi.

1 KUMPI 2:2

“Kei cu thi tuk toh ing. Ka thih nungten ngalpha zetin le pasal na hihnak langtik inna,

1 KHANGSIALNAK 22:13

Topa in Israel tei zui tukin Moses lakah a piakmi Daante na zui ahi tale na lamtuangin lawhting tuk ci. Ngil zetin le ngalpha zetin um inna, imah in lauthawngnak pia ma hen.

1 KHANGSIALNAK 28:10

Topa in, a Biakinn thiangtho satu tukin nang a ten zo hi cing lelengin hi. Mah nadeh cu pan inna, zuam zetin dekin,” ti hi.

1 KHANGSIALNAK 28:20

Kumpi David in, a capa Solomon lakah, “Khozet le ngalpha zetin um inna, zuam zetin dekin hi, imah in, na thin nautik pahsuh hen. Topa Pathian, ka biakmi Pathian cu na lakah um tuk hi. Nang cu nunghek tukma hi, a zam vang zamthong tukma hi; a Biakinn sak na celh laih ngawl sung cu na lakah um leleng tuk hi.

2 KHANGSIALNAK 15:7

Nohte cu a ngilzet le ngalpha zetin um unna, na dehman uh co tuk uh ci,” ti hi.

2 KHANGSIALNAK 20:11

Mah bang hi na pi in, atu-in, a lulhleh tum daan haw hi zo hemin keimuh piaksa haw ngam pen hawlvawk tum haw hi.

2 KHANGSIALNAK 20:7

Nangmah cu ka Pathian uh ci. Na mi Israel miten hih ngam a henleh ten hilai ah a ummi hinnamte cu hawlvawkin, na mihing Abraham i casuan tei lakah hi ngam cu kumkhua a muta tukin pia ci.

SAAM LABU 27:14

Topa cu muang un hi. Upnak nei in ngalpha zetin um un. Topa cu muang un hi.

DANIEL 10:19

Amah in ka lakah, “Pathian in nangmah it hi. Mah hangin imah lau pahsun, imah in lautik pahsuh hen,” ti hi. Mahtin a tih ten tha nei deuhin, theidun ing a, ama lakah, “Bawipa, na hilh tukmi cu hilhin hi. Tha nei deuhtik zo ci,” tin ti ing.

HAGGAI 2:4

Mahnaven kuamah in thasia pahsuh un. Nadek un, na nel uhah keimah um ing.

ZEKHARIAH 8:9

“Ngalhannak nei un! Biakinn dinleh tukin a patphut haw laihin, profet tei otmi awnkam cu atu-in zaleh uh ci.

MIPUM SIALNAK 26:53

“A tam le a dem zo in, ngam cu hih hinnam na semin hi.

MIPUM SIALNAK 33:53

A ngam haw cu luah unna, um un. Itahim titale na umnak tukin pia zo ing.

1 KORIN 16:13

Lungmu cip zetin, na um un. Na upnak sung uhah kho zetin ding un. Ngalpha in um unna, a ngilmite hi un.

EFESA 6:10

A dawlbelin, Topa tuah na pehzopnak uh le ama ngilnak thawmin, na thazaang uh cu ngil dedeuhtik un.

DAAN PIAKLEHNAK 1:21

Zo un, na pu le pa tei Pathian Topa i piakmi cu hi ngam hi, hi. Ama thupiaknak bangin hawh unna, hi ngam cu luah un. Kuamah lau pahsuh un. Na thin nau kha pahsuh un,” tin na ti ing.

DAAN PIAKLEHNAK 1:8

Zo un, hih ngamte cu Topa keimah in, na pu le pa uh Abraham, Isaak le Jakob nelah le a casuan tei lak tianin piak tukin ka tepsami hi,” tin keimah ti hi.

DAAN PIAKLEHNAK 11:8

“Tu ni a, ka piakmi thukham hempoh cu zui un hi. Mah bek ten na tumnak tuk uh ngamah tumin luah thei tuk uh ci.

DAAN PIAKLEHNAK 31:23

Topa in Nun capa Joshua lakah, “Ngilzet le ngalpha zetin umin hi. Ka tepsami ngamah Israel mite hawhpih tuk ci a, na lakah um tung hi,” ti hi.

2 TIMOTE 2:1

Ka capa aw, nang cu Khrih Jesuh tuah a pehzomdun uhnak le a co uhmi hehpihnak hangin kho zetin umin hi.

JOSHUA 1:18

Akua hei hihen na thu el tu le a zui ngawltu cu thah hi tuk hi. Ngilzet le ngalpha zetin umin hi,” tin Joshua cu ti haw hi.

JOSHUA 1:7

Moses i piakmi Thukham cu kimno zui tukin ngilzet le ngalpha zetin umin hi. Thukham a neubel tianin zulzau ngawlin zui inna, na hawhnak hempoh ah na lamtuang tuk hi.

JOSHUA 1:9

Ngilzet le ngalpha zetin umin, tin thu ka piakmi hi ituk mahten phawkngil pahsun, lau pahsun na, na thin nau pahsun; itahim titale Topa na Pathian keimah in, na hawhnak hempoh ah um pih tung,” ti hi.

JOSHUA 10:25

Joshua in, a lak hawah, “Lau pahsuh un, na tha uh hei nau pahsuh hen. Ngilzet le ngalpha zetin um un, itahim titale na ngal tei humah Topa in hi bangin bawl khawng tuk,” ti hi.

JOSHUA 13:6

Lebanon mual le Misrefoth Maim laklawh a um Sidon mi hempoh tel hi. Israel miten a nawt bek haw ten hite cu hawlvawk khawng tung hi. Thu ka piak zo toh bangin hi ngam cu Israel tei co tukin khen inna, semin hi.

JOSHUA 18:3

Mah hangin Joshua in, a lak hawah, “Na pi le pu tei Pathian Topa in, a piakmi ngam cu luah vut ngawlin itik can ngak tuk kam uh ci?

JOSHUA 21:43

Topa in, a pu le pa tei lakah a tepsa bangin Israel tei lakah Kanaan ngam cu pia hi. Ngam a lak khawng ceng haw ten panmun khualin, um haw hi.

JOSHUA 5:6

Israel mite cu ngamlak a vahvaihnak hawah kum sawm li ngei haw hi. Topa i thu a ngaih haw ngawl hangin Izipt ngam pen ngaldo thei sa pano hempoh thi khawng zo haw hi. A pi le pu tei lakah pia tung hi tin ka tepmi, khuinawi le khuaitui luannak ngam pha le ngamnop munah hengtik hihim tuk mang tin, Topa in ti hi.

1 SAMUEL 4:9

Filistin mite ngallingzet un! Pasal lungmu nei in do un. Mah ahimata a sal uh a hih haw bangin amu Hebru tei salin, cang tuk hung hi. Mah hangin ngalpha zetin do un!” tin Filistin mite cu au leilui haw hi.