JOSHUA 1:5 - Ngawm Bible

⁵ Na nunsung hempoh ah kuamah in nang cu neh haw tukma hi. Moses lakah ka um bangbokin, na lakah um tung. Ituk mahten nangmah cu zamsanin, lawl awng tuk mang hi.

JOSHUA 1:5 Iomraidhean Croise

PIANPATNAK 39:2

Topa cu Josef lakah umpihin, lawhtingtik a, Josef cu Izipt bawi innah um hi.

1 KUMPI 1:37

Topa Pathian nangma lak a um bangin Solomon lak hei ah um zalta henna, a uknak cu nangma uknak sang hei in, khangto pepel zal tahen,” ti hi.

1 KUMPI 11:38

Ka sila David bangin ka thungai in ka daan piakmi tuah nungin, ka thupiakmi zui a, ka lung na kimtik ahi tale na lakah um leleng tung a, David bangin nangmah cu Israel kumpi in bawl tung; na casuante vang nangma nungten kumpi in bawl ngut tung hi.

1 KUMPI 6:13

Ka mihing Israel mi lakah hi na sakmi Biakinn ah um tung a, ituk mahten nunghek tuk mang,” ti hi.

1 KUMPI 8:57

Topa a Pathian uh cu a pi le pu tei lakah a um bang bokin ohtei lakah vang um zal hen. Nunghekin zamsan thong pahsuh hen.

1 KHANGSIALNAK 28:20

Kumpi David in, a capa Solomon lakah, “Khozet le ngalpha zetin um inna, zuam zetin dekin hi, imah in, na thin nautik pahsuh hen. Topa Pathian, ka biakmi Pathian cu na lakah um tuk hi. Nang cu nunghek tukma hi, a zam vang zamthong tukma hi; a Biakinn sak na celh laih ngawl sung cu na lakah um leleng tuk hi.

SAAM LABU 46:11

Cungnungbel Topa cu ohtei lakah um hi; Jakob i Pathian cu a kulhtian uh hi.

SUAHTULNAK 3:12

Pathian in, “Na lakah um tung a, Izipt ngam pen Israel mite na tulpih ten hih mualhum pen keimah bia tuk uh ci. Nangmuh a hahtu Keimah ka hihnak a langtiktu tukin,” ti hi.

ISAIAH 42:16

“Ka mihing mitcawte pui tung; A hawh awng ngawlnak haw lampi pen a khuathim haw cu, khuavakin thek tung; A mai haw a ngam bingbote cu momtik tung. Hite hi bawl loli tung hi.

JEREMIAH 1:8

Lau pahsun, na lakah um tung a, nangmah humhim tung. Keimah, Topa in hilh zo ing hi!” ti hi.

DANIEL 11:16

Ngalnehtu Siria cu dotu kuamah nei ngawlin ama nuam bangin bawl pepel tuk hi. Ngam Tiamah dingin mah ngam cu a khut sungah sum tuk hi.

MATTHAI 28:20

Ka thupiakmi hempoh zui tukin hilh unna, hun tawp ni tian nohtei lakah um leleng tung,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 8:31

Hite hempoh a theih nung uhten ikaw a hilh hih tuk uh? Pathian eimu lamah a tang tale ohte akua in langpang thei tuk him?

ROM Khua Khristian Tei Lakah Paul i Laikuat (Paul’s Letter to the Romans) 8:37

Hiti bang hi napi in, ohte a ittu i hangin hi thil hempoh i humah nehtu hung hi.

DAAN PIAKLEHNAK 20:1

“Ngaldo tukin na hawh uhten na ngal uhte cu mipumin hihen, cipuh le cipuh lengin hihen, nangmuh sangin tam saw deuh ngangai haw tih na muh uhten lau pahsuh un. Topa na Pathian uh, Izipt ngam pen a pansuaktu cu nangmu lakah um tuk hi.

DAAN PIAKLEHNAK 20:4

Topa na Pathian uh cu na lak uhah um tuk a, nehnak pia tuk hi’ tin au tuk hi.

DAAN PIAKLEHNAK 31:23

Topa in Nun capa Joshua lakah, “Ngilzet le ngalpha zetin umin hi. Ka tepsami ngamah Israel mite hawhpih tuk ci a, na lakah um tung hi,” ti hi.

DAAN PIAKLEHNAK 4:31

Topa cu mi hehpihtu Pathian hi. Hahzau in nohte cu siatsuah tukma hi; na pu le pa tei lakah amah hihimin thutepnak a bawl mite vang phawkngil tukma hi.

DAAN PIAKLEHNAK 7:24

A kumpi na khut sung uhah koih tuk hi, that tuk uh ci, mahten a min haw cu pailalta tuk hi. A kham theitu tuk um tukma hi, a venghawng haw in cimittik khawng tuk uh ci.

2 TIMOTE 4:17

Mahnaven Pathian cu ka lakah umin, thazaang pia hi. Mah hangin Thuthangpha cu cangcian zetin Gentail mi hempoh tei lakah hilh thei ing a, thihnak tawk ngawlin luat ing.

HEBRU 13:5

Sum le pai deih leita pahsuh un; na neih zahno uhin lungkim un. Itahim titale, Pathian in, “Taisan tuk mang, zamthong tuk mang,” ti hi.

JOSHUA 1:17

Moses i thu ka zui uh bangbokin, na thu zui tuk ung: Topa na Pathian cu Moses lakah a um bangbokin, na lakah um zal tahen.

JOSHUA 1:9

Ngilzet le ngalpha zetin umin, tin thu ka piakmi hi ituk mahten phawkngil pahsun, lau pahsun na, na thin nau pahsun; itahim titale Topa na Pathian keimah in, na hawhnak hempoh ah um pih tung,” ti hi.

JOSHUA 10:8

Topa in Joshua lakah, “Na thinsu pahsun nehnak pia zo ing. Nangmah do theitu kuamah um haw tukma,” ti hi.

JOSHUA 21:44

a pu le pa tei lakah, a tepsa bangin a ngamsung haw le a elkim mun hempoh ah lemdaihnak um hi. Topa in nehnak a piak hangin Israel mite cu kuamah in neh haw ma hi.

JOSHUA 3:7

Topain Joshua lakah, “Moses lakah ka um bang bokin, nangma lakah ka um bok thu a theihnak haw tukin, Israel mi hempoh ten tuni in, nangmah upatin le khaisang haw tuk hi.

JOSHUA 6:27

Joshua lakah Topa a um hangin Joshua min cu a ngam buppi hawah thang hi.

THUKHENTUTE 2:18

A mu ca in hotu a piakmi tei nunsung cu Topa in umpihin, a ngal tei khutsung pen luattik leleng hi. Itahim titale a ngal tei bawlsiatnak hangin a kah haw Topa in, a zak ten hehpih hi.

THUKHENTUTE 6:16

Topa in, “Keimah in ka umpih hangin bawl thei tuk ci. Midian cu mihing pa khat neh bangin, baihno in neh khawng tuk ci,” ti hi.

1 SAMUEL 10:7

Mah bangin na humah a kim khawng ten Pathian i lamhoihnak bangin bawlin hi.