JOSHUA 1:4 - Ngawm Bible

⁴ Na ngam uh cu hanglam phillawn pen saklam Lebanon mual tiang, nisuahnak lamah Eufrates ngunpi pen Hit ngam hempoh le nitumnak lamah Mediterranean tuipi tian hi tuk hi.

JOSHUA 1:4 Iomraidhean Croise

1 KUMPI 10:29

Izipt ngamah ngaldonak cipuhleng pa khat man cu ngun tangka za luk hi, cipuh pa khat man cu ngun tangka za le sawm nga hi. Solomon i mihing ten cipuh le ngaldonak cipuhlengte cu Hit kumpi le Siria kumpi lakah zuak sawlawn haw hi.

1 KUMPI 4:21

Solomon i ukmi ngam cu nisuahnak lamah Eufrates Ngun pen nitumnak lamah Filistin ngam tian, hanglamah Izipt ngamngi tian zal hi. A uksung mihing ten siah pia in, Solomon i damsung hempoh ah a nadektu hi haw hi.

1 KHANGSIALNAK 18:3

Siria ngamsung Zobah peng kumpi Hadadezer in Eufrates Ngun naaklam ngamte neh tukin a hawh laihin, Hamath ngam elah David in do in neh hi.

1 KHANGSIALNAK 5:9

Gilead ngamah ngan tampi a neih haw hangin Eufrates Ngun tian a zalmi, phillawn tian nisuahnak lamah ngam cu na luahtum haw hi.

EZRA 4:20

Kumpi ngilzet ten Jerusalem le Eufrates Nitumnak lam Ngam cu ukin, siah le ngam sapnakte na la haw hi.

SUAHTULNAK 23:31

Na ngamngi uh cu Tuipi San pen Mediterranean tuipi tian zaltik tung a, hanglam phillawn pen Eufrates ngun tian sautik tung hi. Mah ngamsung a, ummi mihing tei humah huham neitik tung a, hawlvawk khawng tuk uh ci.

DAAN PIAKLEHNAK 1:7

Vaithawi unna, hawh un; Amor mualhum ngam le a elkim ngam hempoh ah Jordan munlawn, mualhum ngam le munlawn ngam, hanglam ngam le Mediterranean tuipi thuanthum tianin hawh un. Kanaan ngam le Lebanon mual kaltanin Eufrates ngunpi tianin hawh un.

DAAN PIAKLEHNAK 11:24

Na pal uhmi lei ngam hempoh cu nangmuta hi khawng tuk hi, na ngam uh cu hanglamah phillawn tian, saklam pen Lebanon mual tian, nisuahnak lam pen Eufrates ngun tian, ni tumnak lam pen Mediterranean tuipi tian hi tuk hi.

DAAN PIAKLEHNAK 3:25

Maw Topa Jordan ngun cu tantik inna, ngalkhat lam a, ngam phazet, mualhum ngam mawizet le Lebanon Mual cu hu zotik zalin,’ tin ngen ing”, ti hi.

MANGMUHNAK 9:14

Mah aw in, vancungmi pa luknak lakah, “Eufrates luipi bulah kencihin, a ummi vancungmi pa lite cu hah toh un,” ti hi.