JONAH 4:2 - Ngawm Bible

² Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.

JONAH 4:2 Iomraidhean Croise

1 KUMPI 19:4

Elijah cu ngamkhing lakah ni khat sung hawh hi. Thingpi nuai ah cawlin khung hi; thi nuam saw hi. “Topa tawk toh hen, nap lehma toh ing. Ka nunnak hi na la saw ahin hi. Itahim titale ka pu le ka pa sangin phadeuh cuang ma sing!” tin thungen hi.

SAAM LABU 103:8

Topa in hehpihnak le hehpihnak nei hi; A thinduai in itnak tuah dim hi.

SAAM LABU 145:8

Topa cu mi ittu le mi hehpihtu hi; A thinsau zetin, itnak tuah dim hi.

SAAM LABU 78:38

Mahnaven Pathian cu a mihingte hehpihzet hi. A sualnak haw ngaidamin, siatsuah ma hi. Vei tampi thinuknakte supin, pholhsuah zezen ma hi.

SAAM LABU 86:15

Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

SAAM LABU 86:5

Maw Topa nang cu pha in misual ngaidam ci; Na nelah thu a ngentu tei ca in itnak tuah dimtik ci.

SAAM LABU 90:13

Topa aw, iti can thinukin um tuk cim? Kikleh inna, na silate hehpih zalin hi.

SUAHTULNAK 32:14

Mah hangin Topa cu a lungmu khellehin, a hilhsa mi siatsuahnak cu a mihing tei lakah hengtik ma hi.

JEREMIAH 18:8

mah miphun cu thil sual a bawlnak pen a kikleh thei tale, bawl tukin ka tihsa mi cu bawl suakleh tuk mang hi.

JEREMIAH 20:7

Topa, nangmah in zolin, zol co ing! Nang cu keimah sang na ngil saw hangin neh ci. Akua na bangin cekpan bawlnak mangin, sun thalengin nuihsan haw hi.

JEREMIAH 26:13

Na nundan uh khel tukin le na bawl uhmi na khelh kul hihim hi. Topa na Pathian uh i thungai un. Mahti bangin na bawl uh ahi tale na humah a siatsuahnak hentik a tum mi cu khelleh tuk hi.

JEREMIAH 42:10

‘Hi ngam sungah um tuk na nuam uh tale siatsuah tuk mang, tungding saw tung hi; bot tuk mang, kho zetin phut saw tung. Na hum uhah ka hentikmi siatlalnakin ka thin natik zo hi.

AMOS 7:3

Topa in, a lungmu khelin, “Na muh bangin cangleh tukma,” ti hi.

AMOS 7:6

Topa in, a lungmu khelin, “Na muh bangin cangleh tukma,” ti hi.

JONAH 1:3

Mahnaven Jonah cu Pathian nel pen tai in, Tarshish khua ah hawh tum hi. Joppa khua a hen ten Tarshish khua hawh tuk timbaw mu hi. Topa i muh bat ngawlnak Tarshish khua lamah hawh tukin timbaw khun man tuk pia in, hawhta hi.

JONAH 3:10

Pathian in mahtibang a bawl haw mi cu amuh ten a nuncan pha ngawl a zamsan haw amuh ten a thinsup lehin, a hum haw a hengtik tukin a ngaihsutmi siatnak cu hengtik ma toh hi.

JONAH 3:9

A thih khawng ngawlnak tuk uhin, Pathian in, a thinsupleh tuk a, a thinuknak daitikleh hei hi thei,” tin ti haw hi.

MIKAH 7:18

Topa aw, nangmah bang Pathian kuamah umma hi. A tang calam na mihingte cu a sualnak haw ngaidam ci. Kumkhua in, na thinuk ma ci; a khomi na itnak cu amu humah hengtik leleng ci.

LUKA 10:29

Mahnaven Daan zilhpa in, amah le mah khi sualnak nei ngawl bangkekin bawldun cawmnak lungmu tuah “Ka innnel cu akua him,” tin dong hi.

DAAN PIAKLEHNAK 4:31

Topa cu mi hehpihtu Pathian hi. Hahzau in nohte cu siatsuah tukma hi; na pu le pa tei lakah amah hihimin thutepnak a bawl mite vang phawkngil tukma hi.