JONAH 3:9 - Ngawm Bible

⁹ A thih khawng ngawlnak tuk uhin, Pathian in, a thinsupleh tuk a, a thinuknak daitikleh hei hi thei,” tin ti haw hi.

JONAH 3:9 Iomraidhean Croise

2 Samuel 12:22

David in, “Hi zuh hi, ka capa a nunlaihin an cangin kap li ing. Ka capa hi thitik ngawlin Topa in hehpih ni maw tin ngaisung ing.

SAAM LABU 106:45

Amuh tei ca ngaisungin, a thutep khotik hi. A ihnak a ngeng hangin a lungmu niamkhiat hi.

SAAM LABU 85:3

Amu hum a na thinuknak cu damtik ci. Na thinuk pulhannakte daitik ci.

SAAM LABU 90:13

Topa aw, iti can thinukin um tuk cim? Kikleh inna, na silate hehpih zalin hi.

JEREMIAH 26:13

Na nundan uh khel tukin le na bawl uhmi na khelh kul hihim hi. Topa na Pathian uh i thungai un. Mahti bangin na bawl uh ahi tale na humah a siatsuahnak hentik a tum mi cu khelleh tuk hi.

DANIEL 4:27

Mah hangin kumpipa, thu ka hilhmi hi ngai inna, sualnak bawl ngawltohin, a dikmi bek bawl inna, mi ca-ngahte hehpihin hi. Khangto dedeuh tuk ci,” ti hi.

AMOS 5:15

Thilpha ngawl hua unna, thilpha deih un; thukhennak zung pen thudik dinpih un. Josef miphun sung pen a tang calam mi dawmno humah Topa in hehpihnak nei kha tuk hi.

JONAH 1:15

Mahceng ten Jonah cu manin, tuipi sungah a vawk haw ten tuicawkpi cu cawl lup hi.

JONAH 1:6

Timbaw neitu pa cu hungin, “Ita hihbu leng thong nge cim? Tho inna, na Pathian nelah thungen bokin hi. Na Pathian in paih thong phal ngawlin suakcatik hei hi thei si,” ti hi.

JONAH 4:2

Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.

ZEFANIAH 2:3

Ngamsung a um, noh mi lungnem le a thukham a zuitute Topa i nelah kikleh toh un. Thildik bawl unna, Topa i mai ah lungnemmi hi un. Topa in, a thinuknak a langtik ni ten dantatnak pen suakca thei tuk uh ci.

1 SAMUEL 6:5

Na khua uh le na ngam uh a siatsuahtu uilut meima zuk le nam zukte cu bawl unna, Israel tei Pathian nelah na sualnak uh phuang un, mahtin na bawl uh tale nangmu Pathian le na ngampi uh bawlsiatnak pen luattik tuk hi.