JONAH 2:6 - Ngawm Bible

⁶ Mual sangpi bulah tai pepelin, a kumkhua kongkhah khahcipnak ngam sungah heng ing. Mahnaven Topa ka Pathian, khuk sung pen ka nunnak cu pholhsuah ci.

JONAH 2:6 Iomraidhean Croise

JOB Laibu (The Book of Job) 33:24

Vancungmi in hehpihnak lungmu tuah “Amah cu hah un! Mithi khua ah hawh tukmi kha ma hi; Amah tatlehnak man hilai ah um,” tin tituk hi.

JOB Laibu (The Book of Job) 33:28

Khan khukah hawh phal ngawlin, sun khuavakah mu laih ing hi,” tituk hi.

SAAM LABU 104:6

Tuipi cu leihumah puan bangin phalh ci a, tui in mualte khuh hi.

SAAM LABU 104:8

Mualhum pen dawksukin munlawnah tai haw hi. Amu ca in, na bawlsa mi mun zuan haw hi.

SAAM LABU 116:3

Thihnak thangin, keimah cu awk ngahin, Thihnakin keimah kil pimpem a, thinsu linglawngin um ing.

SAAM LABU 143:7

Topa! donleh zalin; Muansannak nei ma toh ing. Ka lak pen ngelh zal pahsun! Mah ahimata mithi ngam a hawhtu tei lakah. Kei vang tel kha bok kawn ing.

SAAM LABU 16:10

Itahim titale mithi khua ah hawh phal tukma hi, Na ihmi cu khuk thukzet sungah zamthong tukma ci.

SAAM LABU 18:5

Thihnak khauhualin kei awkin, khaanin thangsiah hi.

SAAM LABU 30:3

Topa aw, mithi khua pen nangmah in kik lehtik ci. Thihnak khuk sungah caak naveng, nangmah in thi ngawlin ka nunnak cu hupsuakleh ci.

SAAM LABU 30:9

Ka thi tale na ca in, phatnak ite um tuk him? Mithi khanah ka hawh tale ikaw na nemcuam tuk? Mi thi ten thangphat haw tuk maw? A bo awng ngawlmi na phatnak cu phuang thei haw maw?

SAAM LABU 55:23

Mahnaven maw Pathian aw, nangin mithat tute le zolthu sontute cu a khan haw thanthep laih ngawlin khuk thukzet sungah khiasuk tuk ci. Kei cu nangmah bek muang ing.

SAAM LABU 65:6

Na ngilnak tuah mualte cu tohin, na huham langtik ci.

SAAM LABU 69:2

Cikdup pi sungah nim ing, Leicang umma hi. Tui thukpi sungah um ing a, tui cawkpi in khuh awn toh hi.

ISAIAH 38:10

Kumpi Ahaz i bawlmi ni tehnak khi sun nungten Topa in, a lim cu nunglamah kal sawm kiklehtik tuk,” ti hi. A tih bangin a lim cu nunglamah kal sawm kikleh hi.

ISAIAH 38:17

Ka son theihmi i um tuk hum? Topa i bawlmi ngeh hi saw si! Ka thin na leita in hihbu thei mang.

ISAIAH 40:12

Akua kaw tuipi thuanthum khi a khut tuah suumin, van khi a khap tuah a teh thei? Akua kaw leihum a, leivul khi a khuathai sungah thun khawngin, mualsang le mualniamte cuai tuah a khai thei?

EZEKIEL 26:20

Tanglaihin, a nungmite tuah munkhatah um tukin mithi khua khuk thuk sungah khia tung. Mah leinuai ngam, kumkhua siatsuahmi ngamah mithite tuah umtik tung. Mah hangin kuamah i umnak hei hileh tukma toh ci. A nungmi tei ngam sungah panmun luah tukma toh ci.

EZEKIEL 31:14

Mah hangin tu pepan thingkung dang cu iti bang pha in, tui a ngah haw hei in, mah thingkung bangin a sangmi le meingo khongtotu thingkung cu umleh haw tukma toh hi. A venghawng haw in mihing bangin thi khawng haw tuk a, mithi khua a hawhsate a zuitu hi bok tuk,” ti hi.

HABAKKUK 3:10

Mual sangpi ten amuh haw ten a lau in, can tawtok haw hi. Van pen tui leih sukin, leinuai a, tuite thum li haw hi. Tuicawk cu sang zetin tho haw hi.

HABAKKUK 3:6

Amah a cawlh ten leipi hing dudum hi. A mit a zoh bek hei ten miphun hempoh can tawtok haw hi. Kumkhua a khomi mualsangte vang keh khawng haw hi. Khang tuanin, a ummi mual cu nimsuk khawng hi. Tanglaih pepan a zui awng uhmi mualte hi.

MATTHAI 16:18

Hilh ing hi Peter, nang cu suang hi ci; hi suangpi humah ka Pawlpi din tung a, thihnak hei in neh tukma hi.

DAAN PIAKLEHNAK 32:22

Ka thinuknak cu mei bangin alhtik tung a, leihum le leinuai a, ummi hempoh kang khawng tuk hi. Lei le ankung kang tuk, mual tei a bulpatnak haw cu kang khawng tuk hi.