JONAH 1:9 - Ngawm Bible

⁹ Jonah in, “Hebru miphun ing. Tuipi le lei ngam a bawltu vanhum a um Pathian Topa a biatu ing,” tin hilh hi.

JONAH 1:9 Iomraidhean Croise

PIANPATNAK 1:10

Pathian in leiko cu “Leihum” tin samin, munkhatah a khawmdunmi tui cu “Tuipi Thuanthum” tin sam hi. Pathian in, a bawlsate a zoh ten pha hi, tin ti hi.

PIANPATNAK 14:13

Mahnaven ngaltaipa pa khat cu Hebru mi Abram lakah hungin Lot a mat haw thu hilh hi. Abram cu Amor mi Mamre a, Sasua kung elah um hi. Mamre a, unaupihte cu Eshkol le Aner hi haw in, a pa thumin Abram lam tangtu haw hi.

PIANPATNAK 24:7

Topa, van a Pathian in ka pa i inn le ka piannak ngam pen tultikin, atu hi ngam hi, ‘Na casuan tei lakah pia tung,’ tin a tepsa hi. Amah Pathian in, a vancungmi na maiah hawhtik tuk a, ka capa i zi tuk cu ngah thei tuk poh ci.

PIANPATNAK 39:14

a innsung a, umlawhte samkhawmin, “Zo hem un! Hi Hebru pa hi ka pasalin, ka innsung uhah cingtu tukin pui hi. Mahnaven atu-in keimah zawnsak hi. Ka umnak khansungah tumin, amah tuah zaukawm tukin zawm naven ka nuam ngawl hangin au ing.

2 KUMPI 17:25

A um tung haw laihin, Topa bia nuam haw ma hi; mah hangin Topa in pawpite hahin, mihing tawkmoh cu man haw hi.

2 KUMPI 17:28

Samaria ngam pen pui in, Assiria ngam a, thawng a khiak haw mi thiampi pa khat cu hawhtikin Bethel ah um hi; mahlai ah Topa biak daante zilh hi.

EZRA 1:2

A thusuahmi sungah hi bangin ngan hi: “Hi thu hi Persia kumpi Sairas i thupiakmi hi. Topa, Van a Pathian in keimah cu leihum buppi uktu tukin bawl zo a, Judah ngam Jerusalem khua ah ama ca in biakinn sa tukin dehvo pia hi.

EZRA 5:11

A don lehnak haw cu, “Van le leipi i Pathian i silate hung hi, a ngil zetmi Israel kumpi in Biakinn sa in, a sung a nate vang bawl khawng hi, mah biakinn cu saleh ung hi.

NEHEMIAH 1:4

Mah thu ka zak khawng ten khungin kap ing. Ni tampi sung khawngai in, ancang ing. Pathian nelah thungen ing a,

NEHEMIAH 2:4

Kumpipa in, “I bawl nuam cim?” tin dong hi. Van a Pathian nelah thu ka nget nungten,

NEHEMIAH 9:6

Israel mipi ten hi bangin thungen haw hi: Topa aw, nangmah bek Topa hi ci, Van le aksite nangma bawl hi. Nangmah in lei le tuipi le a sungum mi hempoh bawl khawngin, nunnak pia khawng ci. Vanah a ummi hempoh ten nangmah cu kunin bia haw hi.

JOB Laibu (The Book of Job) 1:9

Satan in, “Imah a nei ngawl ahin, nangmah cu bia nuam sap a ni maw?

SAAM LABU 136:26

Vancung Pathian nelah lungdamthu hilh un; A ihnak cu kumkhua kho hi.

SUAHTULNAK 1:15

Izipt kumpi in, Hebru numei nauhing domtu, Shiphrah le Puah tei lakah thu hilh hi.

SUAHTULNAK 2:13

A zingten a phunpih tei lakah hawh lehin, Hebru mi pa nih a sualdun lih haw cu mu hi. A sual saw deuh pa i lakah, “Ita na phunpih cu vat cim,” ti hi.

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

HOSEA 3:5

Mahnaven Israel mite cu Topa Pathian lamah hekkikin, David kumpipa i casuan lakah zuan kikleh haw tuk hi. Mah ni ten Topa cu kihca in, laksawng pha co haw tuk hi.

NUNGZUITU 14:15

“Hitih bangin itakaw bawl na tum uh? Kohte cu nangmuh bang mihing bok ung hi! A nemcuam ngawlmi thil na bawlnak uh pen lei le van, tuipi le a sung a ummi hempoh a bawltu Pathian nung lakah na kihlehnak tukin Thuthangpha hilh tukin hung ung hi.

NUNGZUITU 27:23

Itahim titale zantakin keimah neitu le ka biakmi Pathian i vancungmi ka lakah hungin,

FILIPI 3:5

Ni pi khat ka kim ten vunceptalhmi ing hi; suahkehnak lam pen ti lehleu ahin Israel miphun Benjamin hin Hebru sit ing. Judah Daan zuinak lam pen Farasi mi ing a,

MANGMUHNAK 11:13

Mah hun lai takin nase zetin hiinhing a, khuapi i khen sawm khenkhat sia khawngin, mihing thawng salih thi haw hi. Midangte cu lau le thinsu in um haw a, Pathian i thawm ngengnak thangphat haw hi.

MANGMUHNAK 15:4

Topa nangmah kihca ngawltu kua heng a um tuk? Na thawmngeng dan phuang tuk a, eltu akua um tuk him? Nangmah bek a thiangthomi hi ci. Minam hempoh na lakah hungin bia haw tuk hi. Itahim titale a dikmi na thil bawlmi cu mi hempohin mu zo haw hi,” tin sa haw hi.

MANGMUHNAK 16:11

A natnak haw le a meima haw hangin Pathian cu tamsia in phu li haw hi. Mahnaven thil sual a bawlnak haw pen sikleh cuang haw ma hi.