JONAH 1:6 - Ngawm Bible

⁶ Timbaw neitu pa cu hungin, “Ita hihbu leng thong nge cim? Tho inna, na Pathian nelah thungen bokin hi. Na Pathian in paih thong phal ngawlin suakcatik hei hi thei si,” ti hi.

JONAH 1:6 Iomraidhean Croise

2 Samuel 12:22

David in, “Hi zuh hi, ka capa a nunlaihin an cangin kap li ing. Ka capa hi thitik ngawlin Topa in hehpih ni maw tin ngaisung ing.

Esther 4:16

“Hawh inna, Susa khuapi a, Judah mi hempoh samkhawmin hi, ancang unna, keima ca in thungen un. A sun a zan ti ngawlin, ni thum sung imah ei ngawl le in ngawlin, thungen un. Keimah le ka umlawh numeite vang mahti bangin um bok tuk ung. Mahnung ten a daan kha ma naven kumpipa i lakah hawh tung. Hi bangin ka thi ahi tale thi poh nang,” ti hi.

SAAM LABU 107:6

A haksatnak haw lak pen Topa cu samin, a cimkhamnak haw pen luattik hi.

SAAM LABU 78:34

Mi khenkhatte a thihtik ceng ten a dangte cu a nelah kikleh haw hi. A sualnak haw sik lehin lungmu tak tuah ama lakah thungen haw hi.

ISAIAH 3:15

Ka mihingte sihpek theihnak le mi ca-ngah tei covo lon theihnak thu imah nei ma uh ci. Keimah Cungnungbel Topa in hilh zo ing.”

EZEKIEL 18:2

“Israel ngam a, mipi ten, ‘A nu le pa ten sabit thuk ei haw a, a ca tei ha di hi,’ tin, a tih lih haw cu ikaw?

JOEL 2:11

Topa i thupiaknak au thawm cu a ngalkap tei mai ah vanthum bangin thum hi. A ngalkapte tha nei mahtak haw hi. A nadektu cu sialcelh haw ma. A lauhuai zetmi Topa i thinuknak ni cu! Akua in thuak thei tuk him?

AMOS 5:15

Thilpha ngawl hua unna, thilpha deih un; thukhennak zung pen thudik dinpih un. Josef miphun sung pen a tang calam mi dawmno humah Topa in hehpihnak nei kha tuk hi.

JONAH 3:8

Mihing hihen, ngamsa hihen na venghawng uhin thangkhau puan silh unna, na lungmu tak tuah Pathian sam un. A kuakua hei hihen thil sual bawlmi le a nungcang pha ngawlte cu zamsan tahen.

JONAH 3:9

A thih khawng ngawlnak tuk uhin, Pathian in, a thinsupleh tuk a, a thinuknak daitikleh hei hi thei,” tin ti haw hi.

NUNGZUITU 21:13

Mahten Paul in “Ita hitin um kam uh ci! Hi bangin na kap uh tale ka thinnatik sesem tuk uh ci. Topa Jesuh ca in keen le khih bek hei in, tham ngawlin thih tuk tianin mansa zo ing,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 13:11

Hihi cu na bawl kul hihim uhmi hi, itahim titale na hihbuhnak uh pen na khatlawhnak tuk uh hun heng zo hi tih thei uh ci. Nunpat a hihnak tuk uh huncan cu a masa a, up pattung uh laih sangin atu-in nai saw zo hi.

EFESA 5:14

Itahim titale ihempoh ciang zetin langtiktu cu vaknak hi. Mah hangin, “A hihbu mite khanglo toh unna, thihnak pen tho toh un; Mahten na hum uhah Khrih cu vak tuk hi,” tin, a tihnak haw hi.