JOHAN 9:31 - Ngawm Bible

³¹ Pathian in misual tei thu cu ngai kha ma hi. Mahnaven amah a upattu le ama deihnak a bawltu tei thu cu ngai hi, tih cu thei hung hi.

JOHAN 9:31 Iomraidhean Croise

PIANPATNAK 19:29

Mahnaven Pathian in, phillawn a khuapi cu a siatsuah ten, Abraham cu phawkngil ngawlin Lot cu himdamno in luattik hi.

PIANPATNAK 20:7

Mahnaven atu-in, Sarah cu a pasal lakah hawhtikin hi. A pasal cu profet hi a, na thih ngawlnak tukin, thunget sak tuk hi. Mahnaven na kiktik ma tale nangmah le na innkua hawng uhin thi tatak tuk uh ci; ngallinnak atu-in pia ing,” ti hi.

JOB Laibu (The Book of Job) 35:12

Bopnak deihin au in kap haw, mi uangkho le mi ngilo a hih haw hangin Pathian in donleh ma hi;

JOB Laibu (The Book of Job) 35:13

A au lih haw man umma, Ihempoh tithei Pathian in mu ma; a za vang za ma hi.

JOB Laibu (The Book of Job) 42:8

Job lakah khuicang salih le tuucang salih hunpih unna, nangmu ca in biakpiaknak bawl un. Job in nangmu ca in thungenin, a thungetnak cu ngai tung a, na sil uh zahin mualphotik tuk mang hi. Amah bangin ka thuman zetin hilh ma uh ci,” ti hi.

SAAM LABU 106:23

Mah hangin Pathian, ama mihingte cu siatsuah tum hi; Mahnaven a tenmi a sila Moses cu Pathian mai ah dingin, amuhte siatik tuk ngawlin Pathian thinuknak cu nemtik hi.

SAAM LABU 143:10

Nangmah cu ka Pathian ci; Na deihmi bawltu tukin zilhin hi. Ka humah pha zal inna, lampi lawnah pui zalin hi.

SAAM LABU 145:19

Amah a kihcatu tei kulmi cu pia hi, A aunak aw thei in pan hi.

SAAM LABU 18:41

Bopnak ngenin au haw mahnaven kuamah in luan ma hi. Topa i lakah au haw naven don ma hi.

SAAM LABU 40:8

Ka Pathian na deihnak zui tuk cu, itih zahin kaw ka nuam! Na thupiakmi cu ka lungmu sungah vong ing,” tin ti ing.

SAAM LABU 99:6

Moses le Aaron cu ama thiampite hi haw hi; Samuel vang amah biatu hi. Amuh ten Topa i lakah thu a nget haw ten Topa in ngai hi.

THUPAUCAP 15:29

Mipha thu a nget haw ten Topa in ngai hi, mahnaven mipha ngawl tei thungetnak cu ngai nuam ma hi.

THUPAUCAP 21:13

Mi zawng tei aunak aw a ngai nuam ngawltu cu ama au ten vang kuamah in theihpih bok tukma hi.

THUPAUCAP 28:9

Daan zui ngawl na hi tale na thu ngetnak cu Pathian thinuktiktu saw hi.

ISAIAH 1:15

Baanzakin, thu na ngen li uh hei in, zokha tuk mang. Itizah na ngen uh hei in ngai khaleh tukma toh ing; itahim titale na khut uh thisan tuah dim zo hi.

ISAIAH 58:9

Thu na nget uhten pia tung a, na sam uhten donleh tung hi. “Mi na bawlsiatnak uhte vawk khawngin, mi na zotsaknak uh le na awn pha ngawl uh na botik bek uh hei tham ngawlin,

JEREMIAH 11:11

Mah hangin atu-in, Keimah, Topa in, a hum hawah siatsuahnak hengtik tung a, kuamah suakca haw tukma hi, tin ngallinnak pia ing. Ka lakah bopnak ngenin, a au li haw hei in ngai tuk mang.

JEREMIAH 14:12

An cangin thu a ngen li haw hei in, za kha moh tuk mang. Halkang biakpiaknak pia in le cangho vam biakpiaknak a pia li haw hei in, ka lungdam cuang tuk mang hi. Ngaldonak, pamnak le natnak tuah that leleng tung,” ti hi.

JEREMIAH 15:1

Topa in, ka lakah, “Moses le Samuel hei hilai ah dingin, a ngen li haw hei in, hi mihing tei lakah hehpihnak nei tuk mang hi. Tai haw hen; ka mitmuhnakah um haw ma hen.

EZEKIEL 8:18

Ka thinuknak nase zetin thuak haw tuk hi. Kuamah khawih tuk mang, hehpih tuk mang. Ka lakah a aw neih tawp haw tuah thungenin, au haw tuk naven theihsak tuk mang,” ti hi.

MIKAH 3:4

Topa i nelah na au tawtok uh hun hengleh tuk laih hi. Mahnaven don nuam tukma hi. Thilpha ngawl na bawl uh hangin na thungetnak uh cu ngai tukma hi.

ZEKHARIAH 7:13

Thu ka hilh ten a ngaih nuam haw ngawl hangin amuh vang thu a nget haw ten ngai nuam bok mang.

JOHAN 11:22

Mahnaven atu hei in, na ngetmi pawpoh cu Pathian in pia tuk hi tih cu thei ing,” ti hi.

JOHAN 15:16

Noh ten keimah teng kha ma uh ci. Keimah in nangmuhte teng saw ing hi. Mah hangin ka minin, na nget uhmi hempoh pa in pia tuk hi.

JOHAN 4:34

Jesuh in, a lak hawah, “Kei ka an cu kei a tiiktu pa i deihnak bawl le a tiikmi deh khawng khi hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

JOHAN 9:30

Mahpa in, “Izahta in lamdang him! Ka mit khua mulehtik thei leng napi in, ilai pen hung him tih na theih uh ngawl cu lamdangzet ngai si! tin don hi.

JOHAN 9:32

Leihum a pianpat pepan mitcawsa in hinmi khi vak lehtik tih thu a kuamah in thei awng ma hung hi.

DAAN PIAKLEHNAK 1:45

Mah hangin na kikleh uhten Topa i nelah kap uh ci. Mahnaven Topa in ngai nuam ngawlin, imah sialkha ma hi.

HEBRU 10:7

Mahten Daan laibu sung a, keima cungcang a ngat haw bangin, a nelah, Pathian aw, na deihnak bangin bawl tukin hilai ah um ing, “Tin ti ing,” tin hilh hi.