JOHAN 9:24 - Ngawm Bible

²⁴ Mitcawsa in hinmi pa cu vei nihnak sam leleu haw a, “Thutak son tung, tin Pathian mai ah thutiamin hi. A damtiktu pa cu misual tih thei ung,” tin ti haw hi.

JOHAN 9:24 Iomraidhean Croise

EZRA 10:11

Atu-in, na pu le pa uh i Pathian, Topa i lakah na sualnak uh cu phuang unna, ama lungdamnak tuk bawl un. A ngamsung uh a um miphun dangte tuah cokheldun ngawlin a dangno in um unna, miphun dang na zi uhte cu hawlvawk khawng un,” ti hi.

ISAIAH 66:5

Topa i otmi hi ngai hem un, noh amah a lautu le a thu zuitute; “Keimah na muang uh hangin na phunpih uh mi khenkhat ten, hua in, imah simsial haw ma hi. Zotsaknak tuah ‘Lungdam thatui in, na khuasak uh cu mu nuam ung hi.’ Mah hangin Topa in, a ngilnak langtikin hup hen,” tin ti haw hi. Mahnaven amuhte saw zakca haw tuk hi.

MARKA 15:27

Amah tuah munkhatin nguca pa nihte cu a taklamah pa khat, a veilamah pa khat thatcih bok haw hi.

LUKA 15:2

Farasi le Daan zilhtute cu phu celhculh haw in, “Hi pa in misualte phialin, amu lakah an ngen eihpihta laih,” tin ti haw hi.

LUKA 19:7

Mahmi a mutu hempoh ten phu celhculhin, “Hi pa hi, misual pa i innah caam si,” tin ti haw hi.

LUKA 7:39

Mahmi cu Farasi pa amuh ten a lungmu sungah, “Hi pa hi profet ahi ngangai tale amah zen litu numei hi akua him tih khi thei tuk hi. Izah tian a nuncan siasuak him tih khi thei tuk hi,” tin ngaisung hi.

JOHAN 14:30

Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

JOHAN 16:2

A pumkhawm inn haw pen nangmuh hawlvawk haw tuk a, mahbek sial ngawlin nangmuh a thah tuk khi Pathian nadeh pa khat hi tin a ngaihsut hun heng tuk hi.

JOHAN 18:30

Amuh ten, “Sualnak a nei ngawl ahin, nangma lakah hen tukma ung hi,” tin don haw hi.

JOHAN 19:6

Thiampi upate le biakinn cingtu palik ten amuh haw ten, “Thinglamteh humah thatin hi! Thinglamteh humah thatin hi,” tin au haw hi. Pilat in amu lakah, “Nangmuh in pui unna, thinglamteh humah thatta un! Kei in, a humah thihnak tham tianin, a sualnak mu mang,” ti hi.

JOHAN 5:23

Mah hangin Pa a upattu hempoh ten Capa vang upat bok haw tuk hi. Kua hei hihen Capa a upat ngawltu cu a tiiktu a Pa vang upat bok haw ma hi.

JOHAN 8:46

Nangmu lakah ka sualnak a mutu kua um uh cim? Thutakin hilh ing. Ita keimah um nuam ma uh cim?

JOHAN 8:49

Jesuh in, “Khawhuai hei nei mang hi. Kei cu ka Pa upat ing. Mahnaven nohten keimah zawnsak uh ci.

JOHAN 9:16

Farasi khenkhat ten, “Himi thil bawltu pa cu Pathian lak pen a hungmi hi kha tukma hi. Itahim titale Sabbath daan palcat hi,” tin ti haw hi. Mahnaven khenkhat ten, “Mah ahi ahin, mi sualmi cu iti bangin hi bang nalamdang bawl thei tuk him?” tin ti bok haw hi. Mah hangin amu sung lala ah khendunnak piang hi.

JOHAN 9:25

Mitcawsa in hinmi pa in, “Misual a hih le hih ngawl thei mang. Mahnaven ka theihmi pa khat cu kei cu mitcaw awng naven atu-in khua mu ing hi,” tin don hi.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

JOSHUA 7:19

Joshua in Akhan cu, “Ka capa, Israel tei Pathian Topa i mai ah thutakin son inna, sualsikin, na bawlmi cu son inna, imah ipmi nei ngawlin son tul khawngin,” ti hi.

MANGMUHNAK 11:13

Mah hun lai takin nase zetin hiinhing a, khuapi i khen sawm khenkhat sia khawngin, mihing thawng salih thi haw hi. Midangte cu lau le thinsu in um haw a, Pathian i thawm ngengnak thangphat haw hi.