JOHAN 9:16 - Ngawm Bible

¹⁶ Farasi khenkhat ten, “Himi thil bawltu pa cu Pathian lak pen a hungmi hi kha tukma hi. Itahim titale Sabbath daan palcat hi,” tin ti haw hi. Mahnaven khenkhat ten, “Mah ahi ahin, mi sualmi cu iti bangin hi bang nalamdang bawl thei tuk him?” tin ti bok haw hi. Mah hangin amu sung lala ah khendunnak piang hi.

JOHAN 9:16 Iomraidhean Croise

MATTHAI 12:10

Mahlai ah khut zawngpa pa khat le Jesuh sualnawn nuam mite vang um bok haw in, “Sabbath ni-in tina damtik hi a Daan uhin deih maw?” tin dong haw hi.

MATTHAI 12:2

Mahmi cu Farasi ten amuh haw ten Jesuh lakah, “Zo hemin, Sabbath ni-in hitih bang a bawl haw hi Daan palcat haw hi,” tin ti haw hi.

LUKA 13:14

Pumkhawm inn cingtu upa pa khat cu Sabbath ni-in, Jesuh in, mi a damtik ten a thinuk mahtakin, mipi tei lakah, “Nadehnak tukin ni luk um hi. Hi ni luk sungah hungin, damduntik unna, Sabbath ni ah hung pahsuh un,” ti hi.

JOHAN 10:19

Hithu hangin mipi tei sungah khendunnak um leleu hi.

JOHAN 14:11

Kei cu ka pa i sungah um ing a, ka Pa hei keima sungah umbok hi. Hi thu hi na um poh unna, hi thu ke kek na um thei uh ngawl hei in, ka nadehnak le nalamdang ka bawlte na muh uh bek ten um un hi.

JOHAN 15:24

Kuamah i bawl awng ngawl ka bawlmite cu bawl ngawlin ka umta ahin, amuh tei humah sualnak um tukma hi. Mahnaven atu tianah ka bawlmi khi mu leng haw naven ka Pa le Keimah hua haw hi.

JOHAN 2:11

Jesuh in nalamdang a bawl masabelmi cu Galilee peng Kanaan khua ah bawl hi. Mahlai ah a sunloihnak langtikin, a nungzuitu ten um haw hi.

JOHAN 3:2

Zan khat cu Jesuh lakah hawhin, “Rabbi, nang cu Pathian i tiikmi zilhtu hi ci, tih thei ung. Nalamdang na bawl mite hi Pathian tel ngawlin kuamah in bawl thei haw tukma,” ti hi.

JOHAN 5:10

Mah hangin Judah thuneitu ten damnak a ngahtu pa cu, “Tu ni hi Sabbath ni hi, na zauphah na hawhpihmi cu a Daan uhin deihma hi,” tin ti haw hi.

JOHAN 5:36

Mahnaven keima ai-in ka thu la theihpihtu umin, Johan i tettikhanmi sangin ngeng saw hi; mahmi cu Pa i piakmi ka bawl mite hi. Mah ka bawlmi in, Pa i kei a hahnak thu langtik hi.

JOHAN 6:52

Hi thu in Judah tei sungah thinuk zetin thu elnak piang pantik hi. “Hi pa in, iti bangin kaw a taksa cu eih tukin ohte a piak thei tuk?” tin ti haw hi.

JOHAN 7:12

Jesuh i thu cu mipi ten sonkuh li haw hi. Khenkhat ten, “Mipha hi,” tin ti haw naven khenkhat ten, “Pha ma, mizol kawkawi thong hi,” tin ti haw hi.

JOHAN 7:23

Moses Daan palcat ngawlnak tukin Sabbath ni-in, na capa uhte vuncep na tan uh tale Sabbath ni-in, mi pa khat ka damtiknak humah ita thinuk uh cim?

JOHAN 7:43

Jesuh i hangin mi honpi sungah khenkheknak piang hi.

JOHAN 9:24

Mitcawsa in hinmi pa cu vei nihnak sam leleu haw a, “Thutak son tung, tin Pathian mai ah thutiamin hi. A damtiktu pa cu misual tih thei ung,” tin ti haw hi.

NUNGZUITU 14:4

Khuasung mite cu khendun khawng haw a, mi khenkhat ten Judah mite panin, khenkhat lam ten nungzuitute pan haw hi.