JOHAN 8:44 - Ngawm Bible

⁴⁴ Nohte cu na pa uh Satan i ca hi uh ci. Na pa uh i deihnak bangin nungca nuam uh ci. Amah cu a pattung himpo in laithat hi. Thutak khi ituk mahin len awng ma hi. Itahim titale a sungah thutak umma hi. Zolthu a son ten a bawl lih sa mek bawlleh sal cu poh hi. Itahim titale amah cu zolthu son theimi hi a, zolthu hempoh i pa hi.

JOHAN 8:44 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

1 KUMPI 22:22

amah in, “Hawh nang inna, Ahab i profet hempoh zolthu sontik khawng tung,’ ti hi. Topa in, “Hawh inna, zolin hi. Tithei ngangai tuk ci,” ti hi.

1 KHANGSIALNAK 21:1

Satan in, Israel humah haksatnak hentik a nuam hangin David cu thusia so in, Israel mipum sial nuamnak lungmu neitik hi.

JOB Laibu (The Book of Job) 1:11

A neihmi hempoh na laksak bang ahin na mai loli pen tamsia tuk poh hi,” ti hi.

MATTHAI 12:34

Noh ngul hinte mi ngilo na hih uh hangin itin him awnkam pha na ot theih tuk uh? Kam in, lungmu sung a ummi bangin awn tul hi.

MATTHAI 13:15

Itahim titale a lungmu haw bing leita, a beng haw hupin, a mit haw vang hak haw ma hi. Mahti bangin, ahi haw ngawl ahin a mit haw in mu in le a beng haw in zain, a lungmu haw in theithei haw tuk hi. Mahten keima lamah hek haw tuk a damtik tung hi,’ tin Pathian in ti hi.

MATTHAI 13:38

Lo cu hi leihum na hi; anci pha cu Vancung Uknak a cotu mihingte hi a, hampa cu mipha ngawl pa i mihingte hi.

JOHAN 6:70

Jesuh in, “Noh sawm le pa nihte hi keimah loli in teng hi mang maw? Mahnaven pa khat cu dawi ngilo hi,” tin don hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

JOHAN 8:38

Kei cu ka Pa i laksami thute bek phuang ing. Mahnaven nohten na pa uh i hilhsa bek bawl uh ci,” ti hi.

JOHAN 8:41

Nohte cu na pa uh i bawlmi bangin bawlbok uh ci,” tin don hi. Amuh ten, “Kohte cu casawn hi kha ma si ung. Kohten Pa, pa khat nei ung a, Pathian amah khi hi,” tin don haw hi.

JOHAN 8:55

Nohten amah cu thei awng ma uh ci. Mahnaven kei in thei ing. Thei mang ka ti ahin nangmuh bangin zolthu son hi bok tung hi. Mahnaven amah cu thei ngangai ing a, a thu vang mang ing.

NUNGZUITU 13:10

“Nang Satan capa! Thilpha hempoh a dodaltu cu nangmah ci. Mi zolnak a phunkim tuah dimin, Topa i thutak khi zolthu vocangin cangtik khawng tum ci.

NUNGZUITU 24:9

Mahtin a hilhmi cu Judah miten bawmin, a hilhmi hi a venghawngin man khawng hi tin ti haw hi.

NUNGZUITU 5:3

Peter in, “Ananias, itakaw Satan in neh a, na thil zuaknak pen na ngahmi sum cu a khenkhat lam imin, Hawvang Thiangtho na zol?

2 KORIN 11:3

Ka lauthawngmi cu: ngulpi in ngian tuah Evi a zol ngah bangin nangmu lungmu sung phat ngawlnakin zol tuk a, kimzet le thiang zetin Khrih na zuinak uh hi zam kha pang kawn uh ci tih na hi.

1 PETER 5:8

Cingcaizet le ngalling zetin um un! Na ngalpa uh Dawihmangpa cu mat tuk zei in, a thum limi kiosa bangin vak kawkawi li hi.

2 PETER 2:4

Vancungmi a sualtute hei, Pathian in khawih ngawlin hell sungah khia belh hi. Mah khuathim sungah kencihin um haw a, Thukhennak Ni ngakin um haw hi.

1 JOHAN 1:8

Sualnak nei ma ung a ti uh tale eimuh le eimuh a zoldun copin a sung uhah thutak umma hi.

1 JOHAN 2:21

Nangmu lak a, laikuat ka ngatmi hi thutak na theih uh ngawl hang hi kha ma hi; thutak thei in, zolthu cu thutak pen hung awng ma hi tihvang na theih uh hangin hi saw hi.

1 JOHAN 2:4

Mi pa kha khatin, Pathian thei ing tin tituk naven a thupiakmi a zui ma tale zolthusonin, a sungah thutak umma hi.

1 JOHAN 3:12

Kain bang hi kha pahsuh un; amah cu Satan i ca ah cangin, a nau Abel that hi. Ita Kain in Abel cu that him? Itahim titale a bawlmi khialin, a naupa i bawlmi cu a dik hangin hi.

1 JOHAN 3:15

A unau a huatu cu mithat hi, mi thattu sungah kumkhua nunnak umma, tih cu thei uh ci.

JUDE 1:6

A thuneih theihnak haw sungah um nuam ngawlin a umnak mun a zamsantu vancungmite khi thei leleng un hi. Amuhte cu leihum khuathim sungah kumkhua thik taicin tuah khih comi hi haw in, thukhen Ni ten Pathian in siatsuahleh tuk hi.

MANGMUHNAK 12:9

Ngulpi ngengpi, tanglaih ngulpi, Dawi ahimata Satan tin sammi, lei buppi zoltu cu van pen vawksukin um zo a, a vancungmite vang amah tuah um haw hi.

MANGMUHNAK 13:14

A pa khatnak sahang i umlaih loli in nalamdang bawl theihnak khuan piak a hih tak cu leihum a ummi hempoh cu zol thei hi. Namsau tuah liam naven a nung lengmi sahang upat piaknakin ama zuk bawl un tin thupia hi.

MANGMUHNAK 2:10

Na thuak tukmi haksatnak cu lau pahsun, Satan in mi khenkhat thawngah khiak tianin teh tuk hi. Ni sawm sung haksat thuak tuk ci. Thihnak tian thuak tuk ahi hei in, muantakin um unna, na neh man uh nunnak sui lukhuh pia tung hi.

MANGMUHNAK 21:8

Mahnaven, ngalnawm mite, ngalnawmte, ningdelhhuai khawhuai biatute, laithatte, nupa sualnak bawltute, mitzial thiamte, milim biatute le zolthu sontu tei umnak tuk cu tuitingpi bangin meipi le kaat mei sungah na hi tuk a, mahmi cu vei nih thihnak hi,” ti hi.

MANGMUHNAK 22:15

Mahnaven uicote, mitzial thiamte, nupa sualnak bawltute, laithatte, milim biatute le zolthu sontute cu khua pualamah um haw tuk hi.

MANGMUHNAK 9:11

Amuh ten uktu kumpi bawi nei haw in, mah a kumpi bawi haw cu taw nei ngawl khukpi uktu vancungmi hi. A min cu Hebru awnin, Abaddon hi a, Grik awnin Apollion hi. (A sullam cu, “Siatsuahtu” tihnak hi).