JOHAN 8:42 - Ngawm Bible

⁴² Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

JOHAN 8:42 Iomraidhean Croise

MALAKHI 1:6

Ihempoh tithei Topa in, thiampi tei lakah, “Capa in, a pa cu upatin, sila vangin, a bawi upat hi. Keimah cu na pa uh hi naveng, itakaw na upat uh ngawl? Keimah cu na Topa uh hi leng naveng, ita maizah ma uh nge cim? Mi zawnsak uh ci a, ‘Iti bangin kaw ka zotsak uh?’ tin dongta laih uh ci.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 12:49

Hi thu hi thuman hi. Itahim titale keima thu in hilh mang hi. Keimah tiiktu pa i thupiaknak bangin hilh ing.

JOHAN 13:3

Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 16:30

Nangmah in ihempoh thei khawng ci, kuamah i dotlih na kul ngawllam cu atu-in theiciang ung hi. Hi thu in nangmah cu Pathian lak pen a hungtu pa na hihlam um khotik hi,” tin ti haw hi.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 17:8

Na piakmi na thu cu hilh ing a, amuh ten pom zo haw toh hi. Nangma lak pen a hungmi ing hi, tih thuman hei cu thei haw in, na tiikmi tih hei khi um haw hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 5:23

Mah hangin Pa a upattu hempoh ten Capa vang upat bok haw tuk hi. Kua hei hihen Capa a upat ngawltu cu a tiiktu a Pa vang upat bok haw ma hi.

JOHAN 5:43

Ka Pa i thuneihnak tuah hung naveng sang nuamma uh ci. Mahnaven mi pa khat cu ama thuneihnak tuah hungin amah saw cu pom uh ci.

JOHAN 8:14

Jesuh in donlehin, “Mah kha ma hi. Keima thu lala ka son cop li vangin ka sonmi thu cu thuman hi. Itahim titale ilai pen hungin, ilai ah hawh tung kaw tihvang thei zo ing. Nohten ilai pen hung ing a, ilai lamah hawh tung kaw tih hei thei ma uh ci.

1 KORIN 16:22

Kua hei in, Topa a deih ngawltu cu a humah siatnak heng tahen. Maranatha: Topa hung tohin hi.

GALATI 4:4

Mahnaven hun thiahmi a hen hun ten Pathian in, a Capa hah hi. Numei sung pen hingin Judah tei Daan nuai ah nung hi.

1 JOHAN 4:14

Pa in, a Capa cu leihum nunpantu tukin hah hi, tihmi amutu le a hilhtu cu eimuhte hung hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

MANGMUHNAK 22:1

Mahten mahmi vancungmi in, thalang bangin a de mi nunnak luitui cu lak hi. Mah lui cu Pathian le Tuuno i kumpi khunnak pen puttulin,