JOHAN 8:32 - Ngawm Bible

³² Thutak thei tuk uh ci a, mah thutakin nohte suakcatik tuk,” ti hi.

JOHAN 8:32 Iomraidhean Croise

SAAM LABU 119:45

Na thupiakmite ka zui hangin, a cangkimmi zalennak sungah nung tung hi.

SAAM LABU 25:5

Na thudik bangin nung tukin kei hu zilhin hi. Itahim titale nang cu keimah pantu hi ci. Sun nilui in nangmah ngak ing.

THUPAUCAP 1:23

Nun ka hilh laihin phano in ngai in, Ngaihsutnak pha pia tung a ka cihnak cu sem bok tung hi.

THUPAUCAP 1:29

Thutheihnak cu hua em uh ci, Topa kihcak tuk cu teng nuam ma uh ci.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

ISAIAH 2:3

a mihing haw ten, “Topa i mualah hawh nung; Israel Pathian i Biakinn ah zui tuk a deihmi cu zilh tukin, a tensami a lampi ah hawh tuk hung. Topa i thu zilhmi cu Jerusalem pen hungin; Zion pen a mitei lakah hilh hi.”

ISAIAH 30:21

Lamhai in, taklam le veilamah lamkak na zui uhten na nunglam uh pen a aw no tuah “Hilai pen hawh un; hilai ah lampi um pah cuh,” a tihmi cu thei tuk uh ci.

ISAIAH 35:8

Mahlai ah mipi ca in lampi ngengpi um tuk a, “Thianthohnak lampi” tin sam hi tuk hi. Misualte cu mahmi lampi zui thei haw tukma. Mahlai ah a hawhtute cu misil tei lamhoih sualnak tawk haw tukma hi.

ISAIAH 54:13

“Na mite cu keimah loli in zilh tung a, lemdaihnak le khantohnak pia tung hi.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

JEREMIAH 6:16

Topa in, a mihing tei lakah, “Lam kaknakah ding unna, khua cuan un hi. Ni dang laih lampi le lampi phabel ilai ah kaw a um? tin dong un! Mah lampi pen hawh unna, lungmuang zetin um tuk uh ci,” ti hi. Mahnaven amuh ten, “Hawh thawthong tukma ung,” ti haw hi.

HOSEA 6:3

Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

THIAMPI NADEHNAK 25:41

Jubilee kum a hen ten amah le a ca ten nangmuh cu zamin, a unaupihte le a pu le pa tei leingamah kik haw hen.

MALAKHI 4:2

Mahnaven ka thu a zuitu noh tei ca in, ka mi patnak huham cu ni bangin vak zihziah tuk a, noh tei humah, ni alin damnak a piak bangin noh tei humah damnak hengtik tuk hi. Khuino cu khui inn pen a suah haw bangin luat hilhialin le lungdam zetin um tuk uh ci.

MATTHAI 11:29

Ka kolhak hi pua teh unna, keima lak pen cung un; kei cu nunnem le niamkhiatnak lungmu neimi ing. Keima lak pen cung unna, colhdamnak ngah tuk uh ci.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:17

Pathian i Daan cu Moses lak pen pia naven hehpihnak le thutak cu Jesuh Khrih sung pen hung hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 16:13

Mahnaven Hawvang Thiangtho a hen ten Pathian i thutak langtiktu a hih hangin thutak hempoh sungah lamhuai tuk hi. Ama thuno in, awn tukma naven a zakmi cu hilhin, a heng tuk laihmi thu vang hilh tuk hi.

JOHAN 17:17

Amuhte khi na lakah na thutak tuah thiangtikin; na awnkam cu thutak hi.

JOHAN 6:45

Profet tei laibu sungah, ‘Mi hempoh cu Pathian in hilh tuk laih hi,’ tin um hi. Pa i thu zain, a zuitu cu keima lakah hung haw hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

JOHAN 8:36

Capa in nohte a suakcatik tale a suakca ngangai mi hi tuk toh uh ci.

ROM Khua Khristian Tei Lakah Paul i Laikuat (Paul’s Letter to the Romans) 6:22

Mahti bangin thil sual i thaman cu thihnak hi! Mahnaven atu-in sualnak pen luattik hi zo uh ci, Pathian i sila in cang zo uh ci. Na met uhmi cu Pathian nelah nunnak na ap khawng uhmi nunnak thiang hi, mahmi i a suahpihmi cu kumkhua nunnak hi.

ROM Khua Khristian Tei Lakah Paul i Laikuat (Paul’s Letter to the Romans) 8:15

Itahim titale Pathian i piakmi Hawvang cu sila in, a bawltu Hawvang kha ma hi; a lau li tukin a bawltu Hawvang hei hi kha ma hi. Mah Hawvangin Pathian i cate in bawlin, Pathian nelah, ka Pa, ka Pa tin, a au theihnak uh thazaang a piatu hei cu Hawvang hi.

ROM Khua Khristian Tei Lakah Paul i Laikuat (Paul’s Letter to the Romans) 8:2

Itahim titale Khrih Jesuh tuah pehzopnak hangin nunnak a piatu Hawvang daan in sualnak le thihnak daan sung pen luattik zo hi.

1 KORIN 7:22

Itahim titale Topa i sammi sal cu Topa i mi suakca hi. Mahti bang bok lelengin mi suakca sa Khrih i sam mite cu Khrih i sal hi.

GALATI 5:1

Khrih in, a luattik zo hangin ohte cu a luatmi hi zo hung hi. Mah hangin miluat na hihnak uhah khohkhah zetin ding unna, salah cangleh toh pahsuh un hi.

GALATI 5:13

Mahnaven u le naute aw, nohte cu miluat hi tukin sam mite uh ci. Mahmi luatnak cu na taksa nopsaknakin cangtik pahsuh un. Mah sangin itnak tuah pa khat le pa khat nadek tondunin bawmdun saw un hi.

2 TIMOTE 3:7

thutak thei nuamin zilh li naven a theithei ngawlmi numei nawmtam khi nehsiahin, zawnsak haw hi.

JAMES 1:25

Mahnaven mi a luattiktu a cangkimmi daan khi tihtak zetin, a ngaisung lelengtu cu a ngai thawthongtu le a phawkngiltu hi ngawlin a bawl suaktu hi. Mahtin a bawlsuak hangin Pathian in thupha pia tuk hi.

JAMES 2:12

Eimuh luatnak a piatu daan i thukhen tuk mite bangin na ziaza le na thil bawl zia cu hi tahen.

1 PETER 2:16

A luatmi bangin nung un; mahnaven na luatnak uh cu phat ngawlnak huptu in bawl pahsuh un, mah sangin Pathian i sal bangin nung saw un.

2 JOHAN 1:1

Pawlpi upa keimah in, ka ihmi le upatmi Bawinu le a cate, nangmu lakah hi laikuat hi ngan ing. Keimah bek hi ngawlin thutak a theitu hempoh ten it haw hi.