JOHAN 8:29 - Ngawm Bible

²⁹ Keimah a tiiktu Pa hei cu keima lakah umin; ama deihnak bangin na ka deh hangin keimah nguakcang zamthong ma,” ti hi.

JOHAN 8:29 Iomraidhean Croise

ISAIAH 42:1

Topa in, “Ka sila cu hilai ah um hi. Amah cu ka ngiltikmi le ka tenmi hi. A humah ka lungdam ing. Ka hawvang tuah dimtik zo ing hi, Miphun hempoh lakah thudik hengtik tuk hi.

ISAIAH 42:21

Topa cu mi pan tukin a nuam zetmi Pathian hi. Mah hangin a daan le a thuzilhmi sunloihin, A mihingte hei in upat haw hen tih deih hi.

ISAIAH 42:6

Topa keimah in sam ing a, huham pia ing. Leihumah thuman a len theihnak tukin hi. Nangma sung pen mi hempoh tuah thutiamnak bawl tung. Nangma sung pen miphun tampi lakah khuavaknak hengtik tung.

MATTHAI 17:5

Mahtin a otlih laih takin a de zetmi meingo in tuamin, meingo sung pen aw pa khatin, “Hi pa hi ka ih zetmi ka Capa hi; A humah ka lungkim mahtak ing, a thu na ngai un,” ti hi.

MATTHAI 3:15

Jesuh in, “Tu hi cu hitih bangin bawl hihen. Itahim titale Pathian in deh tukin a tiikmi cu mah hun ten kimtik khawng tukmi hi,” tin ti hi. A tihnak bangin Johan vang a lungkim hi.

MATTHAI 3:17

Mahten van pen aw pa khatin, “Hi pa hi ka ihbelmi ka Capa hi, a humah ka lungdamzet ing,” tin ti hi.

JOHAN 14:31

Mahnaven leihumpi in ka Pa ka ihlam a theih theihnak haw tukin ka Pa i tiiknak bangin ihempoh bawl khawng ing. “Hung unna, hilai mun pen hawh nung,” ti hi.

JOHAN 15:10

Ka Pa i thupiakte khi, zui in, ama itnak sungah ka um bangbok khin ka thukhamte na ngai uh tale ka itnak sungah umbok tuk uh ci.

JOHAN 16:32

Ngai un hi. Na venghawng un taikeh khawngin, nangmu inn tekah zuan tuk uh ci a, keimah nguakcang na zam hun uh heng tuk hi. Mah hun cu atu-in heng zo hi. Mahnaven Pa cu keima lakah a um hangin keimah nguakcang kha ma ing hi.

JOHAN 17:4

Nadeh na piakmi dek khawng zo ing a, na sunloihnak cu leihumah langtik zo ing.

JOHAN 4:34

Jesuh in, a lak hawah, “Kei ka an cu kei a tiiktu pa i deihnak bawl le a tiikmi deh khawng khi hi.

JOHAN 5:30

Jesuh in, “Keima thu in imah bawl thei mang hi. Thukhennak ka bawl tale Pathian i hilhmi bangin bawl ing; mah hangin ka thukhennak cu dik hi. Itahim titale ka deihmi bawl tuk tum mang. Kei a tiiktu i deihmi bek bawl tum ing.

JOHAN 6:38

Itahim titale kei cu keima deihnak bang dek tukin hung hi ngawlin, keimah a tiiktu pa i deihnak bangin dek tukin van pen a hungsukmi ing.

JOHAN 8:16

Mahnaven thu ka khen tuk bang ahin, ka thukhennak cu thuman hi tuk hi. Itahim titale hi thu ah keimah nguakcang kha mang hi. Kei a tiiksuktu ka Pa cu keimah tuah um kawm ung hi.

2 TIMOTE 4:17

Mahnaven Pathian cu ka lakah umin, thazaang pia hi. Mah hangin Thuthangpha cu cangcian zetin Gentail mi hempoh tei lakah hilh thei ing a, thihnak tawk ngawlin luat ing.

2 TIMOTE 4:22

Topa cu na hawvang humah um tahen. Pathian hehpihnak cu nangmu venghawng humah um tahen.

HEBRU 4:15

Ohtei Thiampi Sang cu a nawmtamnak uh theihpih ngawltu Thiampi Sang kha ma hi, Eimuh bangin sualsohnak a phunkim a tawkmi pa bok hi. Mahnaven amah cu sual ma hi.

HEBRU 7:26

Mahti bang a hih hangin Jesuh cu a kul uhmi a kimtik theitu Thiampi Sangbel hi. Amah cu a thiangthomi hi; sualnak nei ngawlmi le sonbang ngawlmi hi. Misual lak pen khenkhuaimi hi a, vanhumah cawi toh hi zo hi.

1 JOHAN 2:1

Ka cate aw, sualnak na bawl ngawlnak tuk uhin hilai hi nangmuh tei lakah ngan ing. Mahnaven pa kha khatin sualnak a bawl tale, a dikcangmi Jesuh Khrih, eimu ai-awhin Pa Pathian nelah thu a hilhsak theitu nei hung hi.

1 JOHAN 3:22

Ama lak pen a nget uhmi hempoh ngah hung hi. Itahim titale a thupiakmi zui in, a deihmi a bawl uh hangin hi.