JOHAN 8:28 - Ngawm Bible

²⁸ Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

JOHAN 8:28 Iomraidhean Croise

SUAHTULNAK 3:14

Pathian in, “Keimah cu Keimah ing,” ti hi. ‘Keimah ahi mi in nangmu lakah hah hi, tin Israel tei lakah hilhin hi,’ tin Moses lakah hilh hi.

MATTHAI 24:5

Mi tampi ten keima minin hung haw tuk a, ‘Keimah hi Khrih ing hi,’ ti in mi tampi zol haw tuk hi.

MARKA 13:6

‘Keimah cu Jesuh toh ing hi,’ tin mi tampi zol ngah haw tuk hi.

LUKA 21:8

Jesuh in, “Ngalling un; Zoltheihin umta pahsuh un hi. Keima min pu in, mi tampi hung haw tuk a, ‘Keimah hi amah ing hi tih le a hunkim zo hi,’ tin ti haw tuk hi. Mahnaven zui kha viang pahsuh un hi.

JOHAN 11:42

Ka thu na ngaih leleng cu thei ing. Mahnaven hilai a um mipi ten nangma tiikmi ka hihnak a up theihnak haw tukin hi bangin ka otnak cu na hi.

JOHAN 13:19

Nohtei lakah hi thu a hen laih ngawlin atu-in hilhham ing. Itahim titale hi thute a hen ngangai hun ten noh ten, ‘Kei cu Keimah,’ ka hihlam na up theihnak tukin hi.

JOHAN 16:10

Dikcangnak humah a ngaihsut khialdan haw hilhciang tung hi. Itahim titale kei cu ka Pa i lakah hawh tung a, na muhleh tuk uh ngawl toh hangin hi.

JOHAN 18:32

Jesuh in iti bang thihnak nantim ka thuak tuk tin, a sonsami awnkam a kimnak tukin hitih bangin a piannak na hi, hi.

JOHAN 19:18

Mahlai pen Jesuh cu thinglamteh humah khen haw hi. Adangmi pa nihte vang khen bok haw in, a laklawhah Jesuh cu tak haw hi.

JOHAN 3:11

Thutak hilh ing: ka theih uhmi hilh ung a, ka muh uhmi theitik ung; mahnaven akua hei in, ka thu hilh uhmi pom nuam ma uh ci.

JOHAN 3:14

“Moses in phillawn pen ngolh humah daal ngul a khai bangin Mihing Capa vang khai hi bok tuk hi;

JOHAN 4:26

Jesuh in, “Na lakah a awn litu hi mahpa cu hi ing,” ti hi.

JOHAN 5:19

Mah hangin Jesuh in, a lak hawah, “Thutakin hilh ing; Capa in, a mahno in imah bawl thei ma hi. A Pa i bawlmi a muhmite bek bawl hi. Pa i bawlmi cu Capa hei in bawlbok hi.

JOHAN 5:30

Jesuh in, “Keima thu in imah bawl thei mang hi. Thukhennak ka bawl tale Pathian i hilhmi bangin bawl ing; mah hangin ka thukhennak cu dik hi. Itahim titale ka deihmi bawl tuk tum mang. Kei a tiiktu i deihmi bek bawl tum ing.

JOHAN 6:38

Itahim titale kei cu keima deihnak bang dek tukin hung hi ngawlin, keimah a tiiktu pa i deihnak bangin dek tukin van pen a hungsukmi ing.

JOHAN 8:24

Mah hangin na sualnak uhah thi tuk uh ci tin ti ing. Mahten ‘Keimah cu Keimah ing hi’ ka tihmi na um uh ma tale na sualnak sung uhah thi ngangai tuk uh ci,” ti hi.

JOHAN 8:27

Jesuh i a pa i thu a hilhmite cu amuh ten thei zo haw ma hi.

JOHAN 8:58

Jesuh in, “Thutakin hilh ing. Abraham pian laih ngawlin kei um zo ing hi,” tin don hi.

NUNGZUITU 2:41

Peter i hilhmi cu mi tampi ten a up hangin tuiphum haw hi; mah ni khat sungin, mipum thawng thum bang kim haw hi.

NUNGZUITU 4:4

Mahnaven a thuhilh haw mi zain le a umtu tampi um haw hi, thu umtute cu khang sesemin thawng nga bang tingto haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:4

Pathian a hihnak le a thianthohnak lamah, thihnak pen thawhtik a hihnak hangin Pathian Capa a hihnak cu a nase zetmi huham tuah langtik zo hi.

DAAN PIAKLEHNAK 18:18

Amuh lak pen nangmah bang profet cu a ot haw tukmi hilh tung a, ka thupiakmi hempoh mipi lakah hilh khawng haw tuk hi.