JOHAN 8:24 - Ngawm Bible

²⁴ Mah hangin na sualnak uhah thi tuk uh ci tin ti ing. Mahten ‘Keimah cu Keimah ing hi’ ka tihmi na um uh ma tale na sualnak sung uhah thi ngangai tuk uh ci,” ti hi.

JOHAN 8:24 Iomraidhean Croise

SUAHTULNAK 3:14

Pathian in, “Keimah cu Keimah ing,” ti hi. ‘Keimah ahi mi in nangmu lakah hah hi, tin Israel tei lakah hilhin hi,’ tin Moses lakah hilh hi.

THUPAUCAP 8:36

Keimah a zei ngawltu cu amu nunnak a siatsuahtu na hi haw hi. Kei a huatu cu thihnak deih sawte na hi haw hi.

MATTHAI 24:5

Mi tampi ten keima minin hung haw tuk a, ‘Keimah hi Khrih ing hi,’ ti in mi tampi zol haw tuk hi.

MARKA 13:6

‘Keimah cu Jesuh toh ing hi,’ tin mi tampi zol ngah haw tuk hi.

MARKA 16:16

A kuakua hei hihen a thu umin, tuiphumnak a ngahtu hempoh cu nunpat hi haw tuk hi. Mahnaven a thu um ngawlte cu sual thaman thihnak thuak haw tuk hi.

LUKA 21:8

Jesuh in, “Ngalling un; Zoltheihin umta pahsuh un hi. Keima min pu in, mi tampi hung haw tuk a, ‘Keimah hi amah ing hi tih le a hunkim zo hi,’ tin ti haw tuk hi. Mahnaven zui kha viang pahsuh un hi.

JOHAN 13:19

Nohtei lakah hi thu a hen laih ngawlin atu-in hilhham ing. Itahim titale hi thute a hen ngangai hun ten noh ten, ‘Kei cu Keimah,’ ka hihlam na up theihnak tukin hi.

JOHAN 3:18

Akua hei hihen Capa a umtu cu thukhennak thuak tukma hi, mahnaven a umngawltu cu Pathian i Capa neihcalam a up ngawl hangin thukhennak thuak zo hi.

JOHAN 3:36

Capa a umtu cu kumkhua nunnak nei hi; Capa i thu a eltu cu nunnak nei ngawlin Pathian i dantatnak a humah um tuk hi.

JOHAN 4:26

Jesuh in, “Na lakah a awn litu hi mahpa cu hi ing,” ti hi.

JOHAN 8:21

Jesuh in amuh tei lakah, “Kei cu hawhta tung hi; keimah cu zei tuk na naven uhcin na sualnak sung uhah thi tuk uh ci. Ka hawhnakah hawh thei tukma uh ci,” tin ti hi.

JOHAN 8:25

Amuh ten, “Akua nge cim?” tin dong haw hi. Jesuh in, “A pattungin ka hilh lelengmi khi ing hi.

JOHAN 8:28

Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

JOHAN 8:58

Jesuh in, “Thutakin hilh ing. Abraham pian laih ngawlin kei um zo ing hi,” tin don hi.

NUNGZUITU 4:12

Ama sung bekah nunpatnak um hi; Pathian i piakmi nunpatnak sialngawl leihum hempoh ah min dang kuamah umma,” ti hi.

HEBRU 12:25

Mah hangin nangmu lakah thu a hilhtu i thu el tuk ngawlin ngalling un. Pathian Thuthang lei humah a hilh haw mi a eltu hei khi luat haw ma hi. Vancung pen a hilhtu i thu a ngai uh ma tale itih zahin kaw a luat ngawl sesem tuk uh!

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.