JOHAN 8:21 - Ngawm Bible

²¹ Jesuh in amuh tei lakah, “Kei cu hawhta tung hi; keimah cu zei tuk na naven uhcin na sualnak sung uhah thi tuk uh ci. Ka hawhnakah hawh thei tukma uh ci,” tin ti hi.

JOHAN 8:21 Iomraidhean Croise

1 KUMPI 18:10

A nungmi Topa na Pathian min salin hilh ing. Leihum ngam tihkimah kumpipa in nangmah zei leleng hi. Ilai ngam hei ah na um ngawlnak thu kumpi Ahab lakah a hilh haw tale, umma ngai hi tih theihnak tukin a ngamuktu haw cu thutiamnak bawltik hi.

JOB Laibu (The Book of Job) 20:11

Khangno lai a, a ngil zetmi a pumpi cu, ngei um ngawlin leivul suak tuk hi.

THUPAUCAP 11:7

Mipha ngawlpa a thih ten a muansanmi vang thi cih hi. Hauhnak a suangtu cu imah nemcuam ma hi.

THUPAUCAP 14:32

Mipha ngawlte cu amu bawlmi phat ngawlnakin siatnak henpih hi. Mahnaven miphate cu a diknak haw in, amuh hup hi.

ISAIAH 65:20

Nau momno thih tih hei um tukma, mi hempoh a khankimin, nung haw tuk hi. Kum za khat a ting mite cu khangno tih hi haw tuk, mah laih ngawlin a thi haw tale keima dantat hi tih melciknak langtiktu tuk hi.

MATTHAI 23:39

Hilhham ing hi: ‘Topa i minin, a hungmi cu Pathian in thupha pia tahen,’ tin na tih theih laklawh tian cu tu pepan keimah muleh hihim tukma toh uh ci,” tin ti hi.

MATTHAI 25:41

“Mahten a veilamah a um tei lakah, ‘Noh Pathian i tamsiat mite ka lak pen tai un. Satan le a zuitu tei ca in bawlsa, a mit awng ngawl meipi sungah hawhta un.

MATTHAI 25:46

Mah nungten mah mite cu kumkhua bawlsiatnak munah hawh haw tuk a, midik le mipha cu kumkhua nunnakah hawh haw tuk,” tin ti hi.

JOHAN 12:33

Hi a tihnak cu a thih ten iti bang thihnak thuak tuk him tih a langtik nuamnak hi.

JOHAN 12:35

Jesuh in, “Nohtei lakah khuavaknak hun demno sung um tuk laih hi. Khuavaknak nohtei lakah a umlaihin, khuathimnak nohtei humah a heng tuk ngawlin mailamah nawt leleng un hi.

JOHAN 13:33

Ka cate aw nohtei lakah ngeipi umleh tukma toh ing. Noh ten kei cu zei li tuk naven uhcin Judah tei lakah ka hilhsa bangin nohte hilh ing hi, ‘Keima hawhnak munah nohte hawh kha thei tukma uh ci,’ ti hi.

JOHAN 7:34

Keimah zei li tuk nave uhcin tawk tukma uh ci. Itahim titale ka umnak tuk munah nohte hawh thei tukma uh ci?” tin ti hi.

JOHAN 7:36

“Keimah zei tuk nave uhcin tawk tukma uh ci. Ka umnak tuk munah nohte hawh kha thei tukma uh ci,” ti hi. “A sullam i nantim?” tin ti haw hi.

JOHAN 8:24

Mah hangin na sualnak uhah thi tuk uh ci tin ti ing. Mahten ‘Keimah cu Keimah ing hi’ ka tihmi na um uh ma tale na sualnak sung uhah thi ngangai tuk uh ci,” ti hi.

EFESA 2:1

Ni dang laihin, na phat uh ngawlnak le na sualnak uh i hangin hawvang lam pen mithi hi uh ci.