JOHAN 8:2 - Ngawm Bible

² A zingten zingtungno in Biakinn ah hawhleh in, mi honpi in amah cu kim pimpem haw a, Jesuh cu khungin thuhilh pan hi.

JOHAN 8:2 Iomraidhean Croise

THUHILHTU 9:10

Na tawhmi nadeh hempoh cu na zaangtha neih hempoh tuah dek pohin; itahim titale na hennak tuk Sheol ah nadehnak hihen, ngaihsutnak hihen, theihnak hihen, cihnak hihen um tukma toh hi.

JEREMIAH 25:3

Amon capa Josiah cu Judah kumpi a deh kum sawm le kum thumnak pen tuni tian, kum sawm nih le kum thum sung, Topa i thu cu ka lakah hengin, a hilhmite cu nangmu lakah hilhleh ngawlin um awng mang hi. Mahnaven imah simsial ma uh ci.

JEREMIAH 32:33

Nunghek haw a, hilh li naveng ngai kha haw ma, a cun hei cung nuam haw ma hi.

JEREMIAH 44:4

Na lak uhah catngawlin ka nadektu profet tei lakah hiti bang ka huat zawng nate bawl tuk ngawlin hilh haw hi.

MATTHAI 26:55

Jesuh in mihonpi tei lakah, “Kei hi nguca hi ing maw, ngalnam le tembeek tuah man tukin na hun lih uh? Nisial Biakinn ah khungin, thu ka zilh lih laih khin kuamah in man ma si uh si.

LUKA 21:37

Jesuh cu mah hun hawng khin biakinn ah thuhilh hi. Taklam ten tulin Olif Mualah caam thei mek hi.

LUKA 21:38

Mi hempoh cu ama thuhilh ngai nuamin, biakinn ah zingtungno in hawh haw hi.

LUKA 4:20

Jesuh in, a sialmi laibu khi zial lehin, a kemtu pa i khutah a sat celh ten khung hi. A khawmtumtu hempoh ten Jesuh cu mitphelep ngawlin zo haw hi.

LUKA 5:3

Jesuh cu hawmkuang pa khat sungah tumin, mah hawmkuang cu Simon ta hi. Tuimawk pen a laizangah, thawntikin mah hawmkuang sungah Jesuh cu khungin, mi honpi cu thu hilh hi.

JOHAN 4:34

Jesuh in, a lak hawah, “Kei ka an cu kei a tiiktu pa i deihnak bawl le a tiikmi deh khawng khi hi.

JOHAN 8:20

Jesuh i thuhilhnak mun cu, Biakinn sung a, sumpi koihnak mun hi a, ama huncan a kim laih ngawl hangin kuamah in man haw ma hi.

JOHAN 8:3

Daan zilhtu le Farasi ten numei pa khat cu pano dang tuah a sual lih haw laih takin a mat haw mi nu hunpihin, mi tampi mai ah dingtik haw hi.

NUNGZUITU 5:21

A hilhnak bangin nungzuitu ten bawl haw a, zingtungno in Biakinn sungah thuzilh pan haw hi. Thiampi Sang le a ngualcam ten khonsil thusonnak thupizet nei tukin Judah mi upa hempoh samkhawm haw hi. Nungzuitute cu thawnginn pen amu mai ah pui tukin mi hah haw hi.