JOHAN 8:18 - Ngawm Bible

¹⁸ Tulaih takin kei ca in ka tetti cu keimah hi toh ing. Ka tetti dang cu keimah a tiiktu ka Pa khi,” ti hi.

JOHAN 8:18 Iomraidhean Croise

MIPUM SIALNAK 35:30

“Laithat a not haw mi pa cu thutheitu pa nih maw, pa nih sangin tamin maw, a um haw bek ten laithat hi tin thah theih hi tuk hi. Thutheitu pa khat bek i theih cu laithat hi tin suak kha thei deuh tukma hi.

JOHAN 10:11

Kei cu tuucing pha ing. Tuucing pha in, a tuu tei ca in, a nunnak pia ngam hi.

JOHAN 10:14

Tuucing pha cu keimah ing. Pa khi ka theih bangin Pa hei in keimah thei bok hi. Mahti bang bokin ka tuu ten keimah thei haw a, keimah hei in ka tuute thei bok ing. Mah hangin amu ca tukin ka nunnak pia ngam ing.

JOHAN 10:30

Ka Pa le kei cu pumkhat, sakhat ung,” ti hi.

JOHAN 10:9

Kei cu kongka tumnak ing. Keimah tawnin, a hawhtu pawpoh cu nunpatnak ngah tuk hi. Tumtuak, tultuakin hamhing dimdem mu haw tuk hi.

JOHAN 11:25

Jesuh in Martha lakah, “Kei cu thawhlehnak le nunnak ing hi. Keimah a umtu cu a thi hei in, nungleh tuk hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 8:12

Jesuh in Farasi tei lakah, “Kei cu leihum vaknak ing hi, akua hei hihen keimah a zuitute cu nunnak khuavak nei haw tuk a, khuathim sungah vakvai haw tukma,” ti hi.

JOHAN 8:25

Amuh ten, “Akua nge cim?” tin dong haw hi. Jesuh in, “A pattungin ka hilh lelengmi khi ing hi.

JOHAN 8:38

Kei cu ka Pa i laksami thute bek phuang ing. Mahnaven nohten na pa uh i hilhsa bek bawl uh ci,” ti hi.

JOHAN 8:51

Thutakin hilh ing. Ka thu zuitute cu ituk mahten thi haw tukma,” ti hi.

JOHAN 8:58

Jesuh in, “Thutakin hilh ing. Abraham pian laih ngawlin kei um zo ing hi,” tin don hi.

HEBRU 2:4

Mah hun lengah Pathian in thasiahhuai le nalamdang a phuphunte bawlin, ama deihnak bangin Hawvang Thiangtho i laksawng khi sem ten hi.