JOHAN 8:17 - Ngawm Bible

¹⁷ Nangmu Daan sungah mihing tetti pa nih cu a thu haw a cundun tale, a son haw mi cu thuman hi tin ngatin um hi.

JOHAN 8:17 Iomraidhean Croise

1 KUMPI 21:10

Mi suaksual pa nih sam unna, Naboth hi Pathian le kumpi tamtu hi, tin sualnawn haw hen. Mah nungten Naboth cu khuahialah haw pih unna, suang tuah sep hum un hi,” tin ngan hi.

MIPUM SIALNAK 35:30

“Laithat a not haw mi pa cu thutheitu pa nih maw, pa nih sangin tamin maw, a um haw bek ten laithat hi tin thah theih hi tuk hi. Thutheitu pa khat bek i theih cu laithat hi tin suak kha thei deuh tukma hi.

MATTHAI 18:16

Mahnaven na thu uh a ngai ma tale thutheitu pa khat maw pa nih maw hawhpih un hi. Lai Thiangtho in, “Sual notdunnak hempoh cu thu theihpihtu pa nih maw, mahsang tam saw hei in um haw henna,” a tih bangin na hawhpihmi cu theihpihtu tetti hi tuk hi.

JOHAN 10:34

Jesuh in, “Nangmu Daan laibu sungah Pathian in, ‘Nohte cu pathiante hi uh ci,’ tin ngatin um hi.

JOHAN 15:25

Hi thu cu hi bangin hituk himpo hi. Itahim titale amu Daan sung a, ‘Imah thei ngawlin kei hua haw hi,’ tin, a ngatmi thu a cangkimnak tukin hi.’

2 KORIN 13:1

Tu tum cu nangmu lakah vei thum ka zinnak hi tuk hi. Lai Thiangtho in, “Sualnot dunnak a um ten theihpihtu pa nih maw pa thum maw in, a dinpih haw bek ten man tin tih tuk,” ti hi.

GALATI 3:24

Mah hangin upnak i thawmin Pathian i mai ah thiancotikmi a hihnak tukin Daan cu Khrih i hun laih ngawl sungin mi uktu hi.

GALATI 4:21

Nangmu lakah Daan nuai a um hih nuam tei thu dong hih tung. Daan i tihmi hi thei ngah ngangai uh cim?

DAAN PIAKLEHNAK 17:6

Theihpihtu pa nih ahimata pa thum a um haw tale amah cu thah hi tuk hi; mahnaven theihpih tu pa khat bek a um ahi tale thah hi tukma hi.

DAAN PIAKLEHNAK 19:15

“Mi pa khat sualnot theihnak tukin, theihpihtu pa khat bek tawk ma hi; a dembel pa nih a um haw kul hi.

HEBRU 10:28

Moses Daan thu a zui ngawltu cu tetti pa nih pa thum ten sual hi tin, a soncat haw tale hehpihnak um ngawlin thah co haw hi.

1 JOHAN 5:9

Mihing tei thu theihpihmi cu um hung hi. Mahten Pathian i theihpihmi cu thupi saw laih hi. A Capa i thu a theihpihmi cu amah loli in langtik zo hi.

MANGMUHNAK 11:3

A theihpihtu ka tetti pa nih, thangkhau puan silhin hawhtik tung, amuh ten Pathian thuthang cu ni thawng khat le ni za nih le ni sawm luk sung hilh haw tuk,” ti hi.