JOHAN 8:16 - Ngawm Bible

¹⁶ Mahnaven thu ka khen tuk bang ahin, ka thukhennak cu thuman hi tuk hi. Itahim titale hi thu ah keimah nguakcang kha mang hi. Kei a tiiksuktu ka Pa cu keimah tuah um kawm ung hi.

JOHAN 8:16 Iomraidhean Croise

SAAM LABU 98:9

Itahim titale lei buppi uk tukin Topa cu hung hi. Aman lei buppi i mihing hempoh cu dikcangnak le thuman tuah uk tuk hi.

SAAM LABU 99:4

A Cungnungbel kumpi, nang cu thumanmi deih ci; Israel tei lakah dikcangnak hengtik ci; Nangmah in dikcangnak le thuman hengtik ci.

ISAIAH 9:7

A kumpi uknak le huham cu khangto pepel tuk; A uknak sungah kumkhua in lemdaihnak um tuk hi. David Kumpi ai-in uk tuk hi; Diknak le thuman tuah uk tuk, atu le kumkhua in uk tuk hi. Cungnungbel Topa in, hi thu hempoh hengtik tuk hi.

ZEKHARIAH 9:9

Lungdam un, Zion mite, na lung uh dam un! Jerusalem mite aw, lungdamin au leilui un! Na kumpipa uh a hun laihin, zo un! Ngalnehtu a hih uh hangin nehnak tuah hung hi, mahnaven mi niamkhiatnak tuah laak dawnno, laak cano hum khungin hung hi.

JOHAN 16:32

Ngai un hi. Na venghawng un taikeh khawngin, nangmu inn tekah zuan tuk uh ci a, keimah nguakcang na zam hun uh heng tuk hi. Mah hun cu atu-in heng zo hi. Mahnaven Pa cu keima lakah a um hangin keimah nguakcang kha ma ing hi.

JOHAN 8:29

Keimah a tiiktu Pa hei cu keima lakah umin; ama deihnak bangin na ka deh hangin keimah nguakcang zamthong ma,” ti hi.

NUNGZUITU 17:31

Itahim titale a tensami mi pa khatin leihum buppi hi diknak tuah thukhencat tukin ni ciangtan zo hi. Mahmi thu cu thihnak pen tholehtik zo toh,” ti hi.

MANGMUHNAK 19:11

Mahten vancung khi hongin mu ing a, cipuh ngo pa khat um hi. A hum khungtu cu muantak le midik tin sammi hi. Thu a khen ten le ngal a do ten thumannak tuah khenin do hi.

1 SAMUEL 16:7

Mahnaven Topa in, a lakah, “Mi dingsau le mipiangzet ahi vangin zo nuam pahsun. Amah cu ka vawk zo mi hi, itahim titale mihing tei zohdanin zo mang. Mihing ten a pualam zo uh ci, kei in, a lungmu haw zo ing.”