JOHAN 8:15 - Ngawm Bible

¹⁵ Noh ten mihingdan zui in thukhen uh ci. Kei in kuamah i humah thukhen mang hi.

JOHAN 8:15 Iomraidhean Croise

AMOS 5:7

Diknak cu dikngawlnakah mangin midang covo zolin, a lonsaktu nohte cu bo tuk uh ci.

AMOS 6:12

Suangpeekpi humah cipuh tai haw maw? Mihingin tuipi thuanthum humah khuicang tuah leilet haw maw? Mahnaven nohten diknak cu thihsi ah cangtik uh ci.

HABAKKUK 1:4

Daan hei thunei zo ngawltohin, nemcuamnak hei neileh zo ma toh hi. Thudik tihmi hi bawlsuak hi kha awng ma hi.

LUKA 12:14

Jesuh in, “Unau pa aw, noh laklawh a thukhentu tukin le na lo le lam semsaktu tukin akua in ka humah thupia him?” tin don hi.

JOHAN 12:47

Ka thu za leng napi in, a ngaingawltute cu kei in thukhen tuk mang hi. Leipi thukhen tukin hung hi kha mang hi. Leipi nunpan tukin hung hi saw ing.

JOHAN 18:36

Jesuh in, “Ka uknak ngam cu hi leihumah kha ma hi, hi leihumah ahi bang ahin, Judah thuneitu tei khutsungah heng tuk ngawlin ka nungzuitu ten do haw tuk hi. Ka uknak ngam cu hi leihumah kha ma,” ti hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 7:24

A pualambek zo in, thukhen paih ngawlin, thuman a hihnak zo in khen saw un,” ti hi.

JOHAN 8:11

Numei nu in, “Topa, pa khatno hei um haw ma hi,” tin don hi. Jesuh in, “Kei hei in, na sual thukhen sak tuk mang hi. Hawh inna, sualleh viang toh pahsun,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 2:1

Midang tei humah thu a khentu, ka ngual aw, na sualnak cu sel thei tukma ci. Midang tei thu na khen uhten a muhte bang lengin ngamta na hih uh hangin nangmah le nangmah misual ing hi tin thu khen cop zo ci.

1 KORIN 2:15

Hawvang a neitu ten ihempoh theicel khawng haw hi; mahnaven amah cu kuamah in theicel thei haw ma hi.

2 KORIN 5:16

Atu-in mihing hihnak zo in kuamah in thuson lehma toh hung hi. Hun kha khatah Khrih cu mihing hihnak zo in, a thu son nave ung, atu-in sonleh ma toh ung hi.

JAMES 2:4

nangmu lakah deidat dunnak nei uh ci. Mahtibang lungmu sehuainak hangin thukhennak bawl uh ci.

1 SAMUEL 16:7

Mahnaven Topa in, a lakah, “Mi dingsau le mipiangzet ahi vangin zo nuam pahsun. Amah cu ka vawk zo mi hi, itahim titale mihing tei zohdanin zo mang. Mihing ten a pualam zo uh ci, kei in, a lungmu haw zo ing.”