JOHAN 8:12 - Ngawm Bible

¹² Jesuh in Farasi tei lakah, “Kei cu leihum vaknak ing hi, akua hei hihen keimah a zuitute cu nunnak khuavak nei haw tuk a, khuathim sungah vakvai haw tukma,” ti hi.

JOHAN 8:12 Iomraidhean Croise

JOB Laibu (The Book of Job) 33:28

Khan khukah hawh phal ngawlin, sun khuavakah mu laih ing hi,” tituk hi.

SAAM LABU 18:28

Topa aw, nangmah in vaknak pia ci: Pathian in khuathim cu vaktik hi.

SAAM LABU 49:19

thihnak a tawh ten kumkhua thimnak munah a pu le a pate zui leng haw tuk hi.

SAAM LABU 97:11

Midikcang tei humah vaknak hengin; Mipha tei humah lungdamnak heng hi.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

ISAIAH 50:10

Topa kihca in, a sila awnkam a ngaitute, na hawhnak uh lampi cu khua a thim vangin Topa cu muang un. Na Pathian uh cu ngaingam un hi.

ISAIAH 9:2

Khuathim lakah a hawhmi ten, a nase zetmi vaknak mu zo haw hi. Khuathim ngamah a ummi tei humah vaknak heng zo hi.

HOSEA 6:3

Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

MALAKHI 4:2

Mahnaven ka thu a zuitu noh tei ca in, ka mi patnak huham cu ni bangin vak zihziah tuk a, noh tei humah, ni alin damnak a piak bangin noh tei humah damnak hengtik tuk hi. Khuino cu khui inn pen a suah haw bangin luat hilhialin le lungdam zetin um tuk uh ci.

MATTHAI 5:14

“Nohte cu hi leihum i khuavak hi uh ci. Mualhum a ummi khua cu sel theih ma hi.

LUKA 2:32

Gentail mitei lakah na lampi langtiktu khuavaknak hi a, na miphun Israel tei lakah sunloihnak hengtiktu hi,” tin Pathian pahcawi hi.

JOHAN 12:35

Jesuh in, “Nohtei lakah khuavaknak hun demno sung um tuk laih hi. Khuavaknak nohtei lakah a umlaihin, khuathimnak nohtei humah a heng tuk ngawlin mailamah nawt leleng un hi.

JOHAN 12:36

Khuavaknak na neih laih uhin, vaknak i mi na hih theihnak tukin vaknak cu na um un hi,” tin don hi. Hi thu a hilh ceng ten amuh tei lak pen tulin ngelh den hi.

JOHAN 12:46

Akua hei hihen keimah a umtute cu khuathim sungah a um khak haw ngawlnak tukin, vaknak tuah hung zo ing.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 3:19

Thukhennak tihmi cu hi tin hi: leihumah vaknak heng naven miten vaknak sangin thimnak deih saw haw hi; itahim titale a bawlmi haw a pha ngawl hangin hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

JOHAN 9:5

Leihumah ka umlaihin leihum mitei ca in vaknak ing hi,” tin don hi.

NUNGZUITU 13:47

Itahim titale Topa i thupiakmi cu hitih bangin hi. ‘Leihum pumpi hi nunpat a hih theihnak tukin, nohte cu Gentail mitei ca in khuavaknakin bawl zo toh ing hi,’ ti hi” tin ti haw hi.

NUNGZUITU 26:23

Mahtin a hilh haw mi cu ihim titale a vakmi nunpatnak thu cu Judah mi le Gentail mitei lakah than tukin Khrih in thuaknak tawk tuk a, mah nungten thihnak pen a nunglehtu masabel hi tuk hi, tih khi,” ti hi.

2 PETER 2:17

Hi mihingte cu a kangmi ciktui le huihsia i a muhvawkmi meinim bang haw hi. Pathian in amu ca in, a thukbel khuathimnak mun bawlsa in koih zo hi.

2 PETER 2:4

Vancungmi a sualtute hei, Pathian in khawih ngawlin hell sungah khia belh hi. Mah khuathim sungah kencihin um haw a, Thukhennak Ni ngakin um haw hi.

1 JOHAN 1:6

Mah hangin amah tuah pawlkomnak nei hung ti thah lengin, thimnak sungah a um uh tale, a ot dan uh hihen, a deh dan uh hihen zolthu son hung hi.

JUDE 1:13

A lauhuai zetmi tuihualpi bangin zahcakhuai a ngamtatnakte haw cu tuicawk bangin lang tuk hi. Aksi leng bang hi haw in, a thukbel khuathimnak munah kumkhua um tukin Pathian in bawlsak zo hi.

JUDE 1:6

A thuneih theihnak haw sungah um nuam ngawlin a umnak mun a zamsantu vancungmite khi thei leleng un hi. Amuhte cu leihum khuathim sungah kumkhua thik taicin tuah khih comi hi haw in, thukhen Ni ten Pathian in siatsuahleh tuk hi.

MANGMUHNAK 21:24

Leihum mi hempoh ten mah khuapi vaknak hangin hawhnak mu haw tuk a, leihum kumpi bawi ten mah khuapi sungah a hauhsaknak haw sum le pai keng haw tuk hi.