JOHAN 8:11 - Ngawm Bible

¹¹ Numei nu in, “Topa, pa khatno hei um haw ma hi,” tin don hi. Jesuh in, “Kei hei in, na sual thukhen sak tuk mang hi. Hawh inna, sualleh viang toh pahsun,” ti hi.

JOHAN 8:11 Iomraidhean Croise

JOB Laibu (The Book of Job) 34:31

Job aw, Pathian nelah na sualnak phuang toh cim? Sualleh tuk ngawltohin, thutiamdun toh cim?

THUPAUCAP 28:13

Na sualnak sel na tum ahi tale na san sungah na bawl nuammi nate bawlsuak thei tukma ci. Na sualnak cu phuang inna, vawkin, mahten Pathian in hehpih tuk hi.

ISAIAH 55:6

A tawh theih laihin Topa cu zei un hi, a nai laihin amah cu sam un.

LUKA 13:3

Mah kha moh ma! Ciang zetin hilh ing. Na sualnak uh sikin, na nundan uh na khel cuang ma uh tale amuh bangin thi khawng bok tuk uh ci.

LUKA 13:5

Mah kha moh ma! Ciang zetin hilh ing: na sualnak uh sikin, na umdan uh na khel uh ma tale amuhte bangin thi khawng leleng tuk uh ci,” tin ti hi.

LUKA 15:10

Mahti bang bokin sual sihkiknak a neimi misual pa khat humah Pathian i vancungmite a lungdamzet haw,” ti hi.

LUKA 15:32

Mahnaven na nau pa hi a thi zo tohmi nungleh hi. Paithong zo toh naven atu-in muleh hung hi. Mah hangin lungdam le thatui in puai bawl tak hihim hi,’ tin ti hi,” tin hilh hi.

LUKA 15:7

Mahti bang bokin sual sihkik a kul ngawl mipha sawm kuah le kuah sangin sual sikkiktu misual pa khat humah vanhum pen lungdamnak tam saw tuk,” ti hi.

LUKA 5:32

Mitei maizah mite sam tukin hung kha mang hi. Misual ten a sualnak haw pen sikleh tukin hung ing,” ti hi.

LUKA 9:56

Mahten Jesuh le nungzuitute cu khua dangah hawh hawta hi.

JOHAN 18:36

Jesuh in, “Ka uknak ngam cu hi leihumah kha ma hi, hi leihumah ahi bang ahin, Judah thuneitu tei khutsungah heng tuk ngawlin ka nungzuitu ten do haw tuk hi. Ka uknak ngam cu hi leihumah kha ma,” ti hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 5:14

A nungten mahpa cu Jesuh in biakinn sungah tawkin “Ngai in! Atu cu na dam zo hangin sual toh pahsun. Mahma tale na humah thilpha ngawl heng dedeuh tuk,” ti hi.

JOHAN 8:15

Noh ten mihingdan zui in thukhen uh ci. Kei in kuamah i humah thukhen mang hi.

ROM Khua Khristian Tei Lakah Paul i Laikuat (Paul’s Letter to the Romans) 2:4

Mah ahimata Pathian hehpihnak, a mi ngi na zia le a thinsau lungduainakte a nase leita mi hi imah simsial ngawlin um cim? Pathian hehpihnak cu na sualnakte sik tukin a ngaisungtiktu hi tih cu ciang zetin thei ci.

1 KORIN 5:12

Thungai ti ahin, a pualam mihingte thukhen tuk cu ka nadeh hi ma hi. A pualam mite cu Pathian in, a thu haw khen tuk hi.

DAAN PIAKLEHNAK 16:18

“Topa na Pathian uh i a piak tukmi khuapi sungah na hinnam uh tekin thukhentu le a dang upa teng tek un. Hi thukhentu ten mipi tei thu cu nuainep peng nei ngawlin khen haw tuk hi.

DAAN PIAKLEHNAK 17:9

mah thu cu Levi mi thiampi le mahlai a, a koih haw mi thukhentu tei lakah pia un hi, amuh ten son haw hen hi.

2 PETER 3:15

A ihmi a unau uh Paul in, Pathian i piakmi cihnak tuah amuh tei lakah a ngatmi laikuat sung a um bangin Topa in eimuh tei hum a, thinsaunak a neihmi cu eimu nunpan tuk a deih hangin hi tin ngaisung un.